Ӧксыяслӧн 3 небӧг 17:1 - Коми Библия 2023

¹ Галаад муысь Тишби карысь Илля [пророк] шуис Ахавлы: «Ловъя Господь водзын, Израильлӧн Ен водзын, ме, сылӧн кесйӧг, кыв сета: локтан воясӧ лысва войт ни зэр тусь оз усь, кытчӧдз ме ог тшӧкты».

Ӧксыяслӧн 3 небӧг 17:1 ပူးပေါင်းရင်းမြစ်များ

Ӧксыяслӧн 3 небӧг 17:12

Ань вочавидзис: «Тэнад ловъя Господь Ен водзын шуа: некутшӧм пӧжас менам абу, сӧмын дозмукын ки тыр пызь да дозйын этшаник вый. Ӧні чукӧртышта пес, сэсся муна да пӧжала няньтор аслым да пилы. Няньторсӧ сёйыштам, дай кулам».

Ӧксыяслӧн 3 небӧг 17:2

Та бӧрын Иллялы вӧлі Господьсянь кыв:

Ӧксыяслӧн 3 небӧг 18:1

Зэртӧм кадӧ коймӧд вонас Иллялы вӧлі Господьсянь кыв: «Мун Ахав дінӧ. Сэсся Ме ыста му вылас зэр».

Ӧксыяслӧн 3 небӧг 18:10

Ловъя Господь водзын, тэнад Ен водзын, шуа: менам ыджыдӧй мӧдӧдліс корсьны тэнӧ быд муӧ да быд войтыр пӧвстӧ. Ставныслы сійӧ тшӧктыліс кыв сетны, мый эз аддзывны тэнӧ.

Ӧксыяслӧн 3 небӧг 18:15

Илля вочавидзис: «Ловъя Господь Саваоф водзын, кодлы ме кесъяла, шуа: талун ме петкӧдча Ахавлы».

Ӧксыяслӧн 3 небӧг 22:14

Микей вочавидзис: «Ловъя Господь водзын кыв сета: Господь мый шуас меным, сійӧс и юӧрта».

Ӧксыяслӧн 3 небӧг 8:35

Израиль войтырлӧн Тэныд паныд мыж вӧчӧм вӧсна кӧ енэжыс оз сет зэрсӧ, но сэсся кӧ найӧ кевмысясны тайӧ крамас, нимӧдасны Тэнӧ да бергӧдчасны мыжсьыныс, мыйысь Тэ мыждін найӧс,

Ӧксыяслӧн 4 небӧг 1:3

Но Тишби карын олысь Иллялы Господьлӧн андел шуис: «Пет воча самарияса ӧксылӧн мӧдӧдӧмаяслы да висьтав налы: ”Мыйла ті мунанныд юасьны экронса Ваал-Зевув енлысь? Израильын ӧмӧй абу Енмыс?

Ӧксыяслӧн 4 небӧг 3:14

Елисей воча шуис: «Ловъя Господь Саваоф водзын, кодлы ме кесъяла, шуа: ме кӧ эг пыдди пукты Иосафатӧс, иудаса ӧксыӧс, ме эськӧ эг и видзӧдлы тэ вылӧ».

Ӧксыяслӧн 4 небӧг 4:38

Елисей бӧр локтіс Галгалӧ. Сэки сійӧ муас йӧзыс ёна тшыгъялісны. Ӧтчыд пророк-велӧдчысьяс пукалісны Елисей ордын. Елисей тшӧктіс аслас кесйӧглы пуктыны би вылӧ ыджыд пӧрт да пуны пророк-велӧдчысьяслы шыд.

Ӧксыяслӧн 4 небӧг 5:16

Но Елисей вочавидзис: «Ловъя Господь водзын, кодлы ме кесъяла, шуа: ог босьт». Нееман мырдӧн корис босьтны козинсӧ, но Елисей эз босьт.

Ӧксыяслӧн 4 небӧг 5:20

Енлӧн морт Елисейлӧн Гезий кесйӧгыс мӧвпыштіс: «Сыысь, мый арамей Нееман вайліс, менам ыджыдӧй нинӧм эз босьт. Ловъя Господь водзын шуа: котӧртла Нееман бӧрся. Гашкӧ, сійӧ мыйкӧ сетас меным».

2 Каднебӧг 21:12

Иорамлы вайисны Илля пророксянь гижӧд. Сэні вӧлі гижӧма: «Господь, Давид пӧльыдлӧн Ен, тадзи висьталӧ: ”Аслад Иосафат батьыдлӧн да иудаса Аса ӧксылӧн туйӧд тэ он ветлы,

2 Каднебӧг 6:26

Израиль войтырлӧн Тэныд паныд мыж вӧчӧм вӧсна кӧ енэжыс оз сет зэрсӧ, но сэсся кӧ найӧ кевмысясны тайӧ крамас, нимӧдасны Тэнӧ да бергӧдчасны мыжсьыныс, мыйысь Тэ мыждін найӧс,

Иов 12:15

Дугӧдас кӧ зэрсӧ – ставыс косьмас, пондас кӧ дугдывтӧг кисьтны – муыс ойдас.

Исай 49:18

Лэпты синтӧ да гӧгӧр видзӧдлы: тэнад пияныд ставныс чукӧртчӧны, локтӧны тэ дінӧ. Ме кыв сетӧмӧн кӧсйыся Аслам олӧмӧн, – висьталӧ Господь, – кыдзи гӧтырпулӧн мичмӧдчанторйыс зарни-эзысь, тадзи пияныд лоӧны тэнад мичмӧдчанторйӧн.

Исай 5:6

Ме дзикӧдз эновта сійӧс, ог кут тӧждысьны, ог кут весавны, сійӧ тырас йӧнмӧн да ёг турунӧн. Ме шуа кымӧръяслы, и найӧ оз сетны зэрсӧ.

Еремей 14:22

Мукӧд войтыръяслӧн идолъясыс ӧмӧй вермасны мӧдӧдны зэр? Енэжыс ӧмӧй вермас ачыс кисьтны сувтса зэр? Господьӧй, миян Енмӧй, он ӧмӧй зэрсӧ Тэ мӧдӧд? Тэ вылӧ ми лача кутам, ӧд ставсӧ тайӧс Тэ вӧчан!

Еремей 15:19

Господь меным тадзи висьталіс: – Тэ кӧ бергӧдчан Ме дінӧ, Ме сибӧда тэнӧ, и тэ кутан сулавны Ме водзын. Тэ кӧ кутан висьтавны донаторсӧ, он кӧ кут сёрнитны ковтӧмсӧ, сэки тэ лоан Менам вомӧн. Йӧзыс бергӧдчасны тэ дінӧ, но тэ эн бергӧдчы на дінӧ.

Еремей 28:8

Пророкъяс, кодъяс вӧліны водзысяньыс, тэӧдз и меӧдз на, водзвыв юӧртісны уна муяслы тыш, шог да пӧрӧс висьӧм йылысь.

Аггей 1:10

Та вӧсна енэжыс оз сет тіянлы зэрсӧ, муыс оз сет быдтассӧ.

Матвей 11:14

Кӧсъянныд кӧ тӧдны, сійӧ буретш Илля, кодлы колӧ вӧлі локны.

Матвей 16:14

Найӧ вочавидзисны: «Ӧтияс шуӧны, Пыртысь Иоан пӧ, мӧдъяс шуӧны, Илля пӧ, кодсюрӧ шуӧны, Еремей пӧ, а гашкӧ, нӧшта на мӧд пророк».

Матвей 27:47

Сэні сулалысьясысь кодсюрӧ шуисны, Илляӧс пӧ корӧ.

Матвей 27:49

Мукӧдыс шуисны: «Энлы! Видзӧдлам, локтас оз Илля мездыны Сійӧс».

Матвей 7:29

Ӧд Сійӧ велӧдіс ыджыдалысьӧ пуктӧм морт моз, эз Индӧдӧ велӧдысьяс да фарисейяс моз.

Лука 1:17

Сійӧ мунас Господь водзын Илля лов-вынӧн, бергӧдас батьяслысь сьӧлӧмсӧ ныв-пиланьыс, кывзысьтӧмъясӧс – веськыда олысьлӧн мывкыдлунӧ, медым дасьтыны войтырсӧ Господьлы».

Лука 1:19

Андел вочавидзис: «Ме, Гавриил, сулала Ен водзын. Менӧ мӧдӧдӧма сёрнитны тэкӧд, висьтавны тайӧ Бур Юӧрсӧ тэныд.

Лука 21:36

Лоӧй дасьӧсь да пыр кевмысьӧй, медым верминныд мынны ставсьыс, мый виччысьӧ тіянӧс, да сувтны Морт Пи водзӧ».

Лука 9:30

Сэки велӧдчысьяс аддзисны кык мортӧс: Мӧисейӧс да Илляӧс. Найӧ сёрнитісны Исускӧд.

Лука 9:33

Кор тайӧ кык мортыс кутісны ылыстчыны Исусысь, Петыр шуис Исуслы: «Велӧдысьӧй, миянлы тані лӧсьыд, сувтӧдам куим чом: Тэныд, Мӧисейлы да Иллялы». Петыр ачыс эз гӧгӧрво, мый висьталіс.

Лука 9:54

Яков да Иоан – Исуслӧн велӧдчысьясыс – тайӧс кылӧм бӧрын шуисны: «Господьӧй, кӧсъян кӧ, ми би корам енэжсяньыс, мед бырӧдны найӧс? Буретш тадзи Илля вӧчліс».

Иоан 1:21

Сэки сылысь юалісны: «Коді нӧ тэ? Илля?» Сійӧ шуис: «Абу». Найӧ бара юалісны: «Пророк-ӧ тэ?» Сійӧ вочавидзис: «Абу».

Иоан 1:25

юалісны Иоанлысь: «Тэ кӧ абу Кристос, абу Илля, абу пророк, мыйла, сідзкӧ, йӧзсӧ пыртан?»

Ап. уджъяс 27:23

Тайӧ войнас петкӧдчыліс меным андел, сійӧс мӧдӧдіс Ен, кодлы ме сеті ачымӧс да кодлы ме кесъяла.

Римӧ 11:2

Енмыс эз эновт Ассьыс водзвыв бӧрйӧм войтырсӧ. Онӧ ӧмӧй тӧдӧй, мый висьталӧма Гижӧдас Илля йылысь? Сійӧ норасьӧ Енлы Израиль вылӧ:

Индӧд 10:8

Сійӧ кадас Господь торйӧдіс Левий чужанкотырӧс, медым найӧ новлӧдлісны Господьлысь Йитӧд кудсӧ, кесъялісны Господь водзын [кевмысисны] да бурсиисны Сылӧн нимӧн. И тайӧ ӧніӧдз тадзи.

Яков 5:17

Илля вӧлі миян кодь морт. Сійӧ сьӧлӧмсяньыс кевмысис, медым эз зэр, и му вылас эз вӧв зэрыс куим во да джын.

Восьтӧм 11:6

Тайӧ висьталысьясыслӧн эм вын тупкыны енэжсӧ, медым пророкаліганыс эз зэр. Налӧн эм вын пӧртны васӧ вирӧ да тшыкӧдны мусӧ быдпӧлӧс бырӧданторнас, кор сӧмын кӧсъясны.

Ёрдысьяс 12:4

Ефремсянь чужысьяс шуисны: «Галаадсаяс, ті – Ефрем муысь пышйысьяс, тіян муныд ӧд Ефрем да Манассей чужанкотыръяслӧн муяс костын». Сэки Еффай чукӧртіс галаадса став айуловсӧ да петіс Ефремсянь чужысьяслы паныд тышӧ. Галаадсаяс пасьвартісны Ефремсянь чужысьясӧс.