Ӧксыяслӧн 3 небӧг 16:30 - Коми Библия 2023

³⁰ Ахав вӧчис Господь водзын шогмытӧмсӧ ёна унджык на сыӧдз вӧвлӧм ӧксыяс дорысь.

Ӧксыяслӧн 3 небӧг 16:30 ပူးပေါင်းရင်းမြစ်များ

Ӧксыяслӧн 3 небӧг 14:9

Тэ вӧчин лёксӧ унджык на дорысь, кодъяс вӧліны тэӧдз. Тэ сувтӧдалін аслыд мукӧд енъясӧс да бӧлбанъясӧс, медым Менӧ скӧрмӧдны. Тадзи тэ ӧтдортін Менӧ.

Ӧксыяслӧн 3 небӧг 16:25

Омри вӧчис Господь водзын шогмытӧмсӧ. Сыӧдз вӧвлӧм ӧксыяс дорысь сійӧ ёна унджык на лёксӧ вӧчис.

Ӧксыяслӧн 3 небӧг 16:29

Иудаса Аса ӧксылӧн комын кӧкъямысӧд веськӧдлан воӧ Израиль муын ӧксыӧ пуксис Омрилӧн Ахав пиыс. Кызь кык во чӧж сійӧ юраліс Самария карын.

Ӧксыяслӧн 3 небӧг 16:31

Сійӧ вӧчис сійӧ жӧ мыжъяссӧ, мый вӧчліс Неватлӧн Еровам пиыс. Но тайӧ вӧлі этша на. Сійӧ босьтіс гӧтырӧ сидонса Этваал ӧксылысь Езавель нывсӧ да кутіс кесъявны-юрбитны Вааллы.

Ӧксыяслӧн 3 небӧг 16:33

Сійӧ сувтӧдіс юрбитан пуяс. Сыӧдз вӧвлӧм израильса ӧксыяс дорысь Ахав аслас уджъяснас медъёна скӧрмӧдіс Господьӧс, Израильлысь Енсӧ [та вӧсна сылӧн олӧмыс орис].

Ӧксыяслӧн 3 небӧг 21:25

Израильса ӧксыяс пиысь некод эз вӧч Господь водзын сэтшӧм шогмытӧмсӧ, мый Ахав вӧчис. Та вылӧ сійӧс ыззьӧдіс Езавель гӧтырыс.

Ӧксыяслӧн 3 небӧг 22:53

Ахазий юрбитіс-копрасис Вааллы. Батьыс моз тайӧн скӧрмӧдіс Господьӧс, Израильлысь Енсӧ.

Ӧксыяслӧн 4 небӧг 17:2

Осий вӧчис Господь водзын шогмытӧмсӧ, но эз сы мында, мыйта вӧчисны сыӧдз вӧвлӧм израильса ӧксыяс.

Ӧксыяслӧн 4 небӧг 3:2

Иорам вӧчис Господь водзын шогмытӧмсӧ, но эз сы мында, мыйта вӧчисны бать-мамыс. Иорам жугліс-бырӧдіс Вааллы вӧчӧм юрбитан из, мый сувтӧдліс сылӧн батьыс.

Ӧксыяслӧн 4 небӧг 9:22

Ехуӧс аддзигӧн Иорам юаліс: «Бур могӧн-ӧ тэ локтан, Еху?» Мӧдыс вочавидзис: «Кутшӧм бур вермас лоны тані, кор тэнад Езавель мамыд быдлаын паськӧдӧ зывӧк идолъяслы юрбитӧм да тшыкӧдчӧм?»

2 Каднебӧг 21:13

а ветлан израильса ӧксыяслӧн туйӧд. Тэ кежӧдін Иуда войтырӧс да Ерусалимын олысьясӧс кырсалысь ань моз сетчыны идолъяслы да овны Ахав рӧд моз. Ассьыд вокъястӧ, батьыдлысь пиянсӧ, кодъяс вӧліны тэысь бурджыкӧсь, тэ виин.