Ӧксыяслӧн 3 небӧг 15:22 - Коми Библия 2023

²² Аса ӧксы чукӧртіс став Иуда войтырсӧ. Найӧ петкӧдісны Рама карысь став изсӧ да керсӧ, мыйысь Ваас вӧлі лэптӧма изкар. Тайӧ изсьыс да керсьыс Аса ӧксы лэптіс Венямин муын Гева да Миспа изкаръяс.

Ӧксыяслӧн 3 небӧг 15:22 ပူးပေါင်းရင်းမြစ်များ

Ӧксыяслӧн 3 небӧг 15:17

Израильса Ваас ӧксы уськӧдчис Иуда му вылӧ да лэптіс Рамаын изкар, медым некод эз вермы пырны Иуда муӧ Аса ӧксы дінӧ либӧ петны сы дінысь.

Ӧксыяслӧн 4 небӧг 23:8

Ӧксы вуджӧдіс иудаса мукӧд каръясысь став попсӧ Ерусалимӧ да пежаліс Гевасянь Бер-Шеваӧдз вись ваян мылькъяс, кӧні найӧ сотісны висьяс. Сійӧ жугліс карса юралысь Исуслӧн дзиръя дорысь вись ваян мылькъяс, кодъяс сулалісны карӧ пыран дзиръя шуйгаладорын.

2 Каднебӧг 16:6

Аса ӧксы вайӧдіс сэтчӧ Иуда войтырӧс. Найӧ петкӧдісны сэтысь став изсӧ да керсӧ, мыйысь Ваас вӧлі лэптӧма изкарсӧ. Тайӧ изсьыс да керсьыс Аса лэптіс Гева да Миспа изкаръяс.

Еремей 40:10

Ачым ме кольчча Миспаӧ да кута висьтавлыны тіян йылысь бурсӧ Калдея муысь миян дінӧ волысьяслы. А ті чукӧртӧй виноград, яблӧг-груша да олив, заптӧй найӧс асланыд дозъясӧ. Олӧй сійӧ каръясас, кодъясӧс ті босьтінныд аслыныд».

Еремей 40:6

Еремей локтіс Ахикамлӧн Гедалий пи дінӧ Миспаӧ да овмӧдчис Иуда муын кольӧм войтыр пӧвстӧ.

Еремей 41:9

Ыджыд юкмӧссӧ, кытчӧ Измаил шыбитіс виӧмаяслысь шойяссӧ, кодйыліс Аса ӧксы, кор тышкасис израильса Ваас ӧксыкӧд. Нетанийлӧн Измаил пиыс тыртіс тайӧ юкмӧссӧ виӧмаяслӧн шойясӧн.

Закар 14:10

Ерусалимсянь лунвыв муыс Гевасянь Риммонӧдз лоӧ ластаӧн. Ерусалим кар сувтас важ местаас, кыптас ставсьыс вылӧ. Сійӧ паськӧдчас Венямин дзиръясянь Воддза да Пельӧс дзиръяясӧдз, Хананел башнясянь ӧксылӧн виноград пычкан гуӧдз.

Нав Исус 18:24

Кефар-Аммони, Офни да Гева каръяс – дас кык кар да нагӧгӧрса сиктъяс.

Нав Исус 18:26

Мицфе, Кефира, Моца,

Нав Исус 21:17

Венямин чужанкотырлӧн муысь Ааронлӧн рӧдлы вичмисны Гаваон да Гева каръяс да нагӧгӧрса видзьяс,

Ӧксыяслӧн 1 небӧг 7:5

Самуил шуис: «Чукӧртӧй Израиль войтырӧс Миспаӧ. Сэні ме кевмыся тіян вӧсна Господьлы».