Ӧксыяслӧн 3 небӧг 15:18 - Коми Библия 2023

¹⁸ Аса босьтіс Господьлӧн крамса да ӧксы керкаса озырлун видзанінъясысь коляс эзысь-зарнисӧ да мӧдӧдіс ассьыс кесйӧгъяссӧ нуны ставсӧ Дамаскӧ арамейяслӧн Бен-Хадад ӧксылы, Хезион Тавриммонлӧн пиыслы. Тшӧктіс висьтавны сылы:

Ӧксыяслӧн 3 небӧг 15:18 ပူးပေါင်းရင်းမြစ်များ

Олӧм 14:15

Войнас сійӧ юкліс ассьыс тышкайӧзсӧ чукӧръяс вылӧ, уськӧдчис Лотӧс пленӧ босьтысьяс вылӧ да пасьвартіс найӧс. Ловйӧн кольысьясӧс вӧтӧдісны Дамаск войвывладорса Ховаӧдз.

Олӧм 15:2

Ӧврам шуис: «Господьӧй Ыджыдӧй! Мый Тэ сетан меным? Менам ныв-пиӧй абу, овмӧсӧн веськӧдлӧ Дамаскысь Элизер».

Ӧксыяслӧн 3 небӧг 14:26

Сійӧ босьтіс Господьлӧн крамысь да ӧксылӧн керкаысь став озырлунсӧ [тшӧтш зарни сайӧдъяс, кодъясӧс Давид босьтліс цоваса Ададезер ӧксылӧн кесйӧгъяслысь да вайис Ерусалимӧ]. Босьтіс тшӧтш Соломонӧн вӧчӧдӧм зарни сайӧдъяссӧ.

Ӧксыяслӧн 3 небӧг 15:15

Сійӧ вайис Господьлӧн крамӧ ассьыс да батьыслысь вежӧдӧм эзысь-зарнисӧ да дозмук-кӧлуйсӧ.

Ӧксыяслӧн 4 небӧг 12:17

Сійӧ кадас арамейяслӧн Азаил ӧксы уськӧдчис Геф кар вылӧ да босьтіс сійӧс. Лӧсьӧдчис уськӧдчыны тшӧтш Ерусалим вылӧ.

Ӧксыяслӧн 4 небӧг 12:18

Иудаса Йоас ӧксы чукӧртіс сыӧдз вӧвлӧм иудаса ӧксыяслысь – Иосафат, Иорам да Ахазий батьясыслысь – вежа вайӧмторъяссӧ, тшӧтш ассьыс вежа вайӧмторъяссӧ, нӧшта Господьлӧн крамса озырлун видзанінъясысь да ӧксы керкаса озырлун видзанінъясысь став зарнисӧ да мӧдӧдіс арамейяслӧн Азаил ӧксылы. Та бӧрын Азаил вешйис Ерусалим кар дорысь.

Ӧксыяслӧн 4 небӧг 12:19

Йоас ӧксыалӧм дырйи мукӧд лоӧмторъяс йылысь да сылӧн уджъясыс йылысь гижӧма иудаса ӧксыяслӧн каднебӧгӧ.

2 Каднебӧг 15:18

Сійӧ вайис Енлӧн крамӧ ассьыс да батьыслысь вежӧдӧм эзысь-зарнисӧ да дозмук-кӧлуйсӧ.

Еремей 49:27

Дамаск карлысь стенъяссӧ Ме сота, Бен-Хададлысь изкарсӧ би ньылыштас.

Амос 1:4

Та понда Азаиллысь керкасӧ Ме биӧн сота, Бен-Хададлысь изкарсӧ би ньылыштас.