Ӧксыяслӧн 3 небӧг 14:8 - Коми Библия 2023

⁸ Ме босьті Давид рӧдлысь юралӧмсӧ да сеті тэныд. Но тэ абу вӧлӧмыд Менам Давид кесйӧг кодь. Сійӧ оліс Менам тшӧктӧмъяс серти, кывзысис Менсьым став сьӧлӧмнас да вӧчис Ме водзын сӧмын шогманасӧ.

Ӧксыяслӧн 3 небӧг 14:8 ပူးပေါင်းရင်းမြစ်များ

Ӧксыяслӧн 3 небӧг 15:5

Ӧд Давид вӧчис Господь водзын шогманасӧ, став олӧм чӧжыс сійӧ эз кежлыв Господьлӧн тшӧктӧмъясысь, сы кындзи, мый вӧчис хеттей Урийлы.

Ӧксыяслӧн 3 небӧг 3:14

Тэ кӧ пондан ветлыны Менам туйӧд, овны Менам индӧд-тшӧктӧмъяс серти аслад Давид батьыд моз, сэки Ме нюжӧда тэнсьыд олан нэмтӧ».

Ӧксыяслӧн 3 небӧг 3:3

Соломон радейтіс Господьӧс, оліс Давид батьыслӧн тшӧктӧмъяс серти, но мылькъяс вылын вайліс висьяс да тшынӧдчис.

2 Каднебӧг 17:3

Господь вӧлі Иосафаткӧд, ӧд сійӧ ветліс веськыд туйӧд, кыдзи сылӧн Давид пӧльыс вӧчис аслас медводдза ӧксыалан воясӧ. Иосафат эз юрбит Ваал идолъяслы,

2 Каднебӧг 28:1

Ӧксыӧ пуксигас Ахазлы вӧлі кызь арӧс. Дас квайт во чӧж сійӧ юраліс Ерусалимын. Сійӧ эз вӧч Господь водзын шогманасӧ, эз ов Давид пӧльыс моз.

Ап. уджъяс 13:22

Саулӧс вештӧм бӧрын пуктіс налы ӧксыӧ Давидӧс. Сы йылысь шуӧма: ”Ме аддзи Давидӧс, Ессейлысь писӧ, сійӧ Меным сьӧлӧм серти. Сійӧ пӧртас олӧмӧ Менсьым став кӧсйӧмӧс”.

Ап. уджъяс 13:36

Давид аслас кадӧ пӧртіс олӧмас Енлысь кӧсйӧмсӧ. Сэсся сійӧ куліс, да сійӧс гуалісны батьяскӧд орччӧн. Давидным аддзыліс сісьмӧмсӧ,