Ӧксыяслӧн 3 небӧг 14:27 - Коми Библия 2023

²⁷ На пыдди Ровоам ӧксы вӧчӧдіс ыргӧн сайӧдъяс да сетіс найӧс веськӧдлысьяслы, кодъяс видзӧдісны ӧксы керкаӧ пыранін видзысьяс бӧрся.

Ӧксыяслӧн 3 небӧг 14:27 ပူးပေါင်းရင်းမြစ်များ

Ӧксыяслӧн 2 небӧг 11:9

Но Урий эз мун гортас, а узьмӧдчис ӧксылӧн кесйӧгъяскӧд ӧксы керкаӧ пыранін дорын.

Ӧксыяслӧн 2 небӧг 15:1

Авессалом лӧсьӧдіс аслыс тарантас, вӧвъяс да водзвылас котӧртысь ветымын тышкамортӧс.

Ӧксыяслӧн 3 небӧг 14:1

Сійӧ кадас висьмис Еровамлӧн Авий пиыс.

Ӧксыяслӧн 3 небӧг 14:28

Кор ӧксы вӧлі мунӧ Господьлӧн крамӧ, ӧксыӧс видзысьяс босьтлісны аскӧдныс тайӧ сайӧдъяссӧ, а бӧрыннас бӧр пуктывлісны найӧс видзанінӧ.

Ӧксыяслӧн 3 небӧг 14:5

Господь шуис Ахийлы: «Ӧні тэ дінӧ локтас Еровамлӧн гӧтырыс, медым тӧдмавны пиыс йылысь, коді висьӧ. Ме сета тэныд, мый шуны аньыслы. Аньыс локтас мӧд паськӧмӧн, медым сійӧс эз тӧдны».

Ӧксыяслӧн 3 небӧг 18:46

Господьлӧн вына киыс вӧлі Илля вылын. Коссӧ вӧнялӧмӧн сійӧ котӧртіс Ахав водзвылын Изреельӧдз.

Ӧксыяслӧн 4 небӧг 11:19

Иодай поп босьтіс аскӧдыс тышкайӧзӧн веськӧдлысьясӧс, ӧксыӧс видзысьясӧс да став войтырсӧ, и найӧ нуӧдісны Йоас ӧксыӧс Господьлӧн крамысь. Найӧ пырисны Видзысьяслӧн дзиръяӧд ӧксы керкаӧ. Сэні Йоас пуксис юралан пуклӧсӧ.

Ӧксыяслӧн 4 небӧг 11:4

Квайт во мысти Иодай поп корис Господьлӧн крамӧ тышкайӧзӧн веськӧдлысьясӧс, кодъяслӧн кипод улын вӧліны ӧксыӧс видзысьяс. Сэні Иодай кӧрталіс веськӧдлысьяскӧд йитӧд да тшӧктіс налы кыв сетны, мый кутасны кывзысьны. Сэсся петкӧдліс налы ӧксылысь писӧ

Ӧксыяслӧн 1 небӧг 22:17

Ӧксы шуис сійӧс кытшалысь видзысьяслы: «Мунӧй да виӧй Господьлысь попъяссӧ, ӧд найӧ Давид дор сулалӧны. Найӧ тӧдісны, мый сійӧ пышйис меысь, и эз висьтавны меным та йылысь». Но ӧксылӧн кесйӧгъяс эз кӧсйыны кинысӧ лэптыны, медым вины Господьлысь попъяссӧ.

Ӧксыяслӧн 1 небӧг 8:11

Сійӧ висьталіс налы: «Со, мый вӧчас ӧксы, коді кутас ыджыдавны тіян вылын: сійӧ босьтас тіянлысь пияннытӧ аслас тышкайӧз лыдӧ. Ӧтиясӧс сійӧ индас веськӧдлыны тарантасъясӧн, мӧдъясӧс пуктас верзьӧмаясӧ, а коймӧдъяслы тшӧктас котӧртны аслас тарантас водзын.