Ӧксыяслӧн 3 небӧг 14:24 - Коми Библия 2023

²⁴ Татшӧм юрбитанінъясын вӧліны кырсалысьяс. Иуда войтыр вӧчис быд зывӧксӧ сійӧ войтыръясыс моз, кодъясӧс Господь вӧтліс Израиль войтыр водзысь.

Ӧксыяслӧн 3 небӧг 14:24 ပူးပေါင်းရင်းမြစ်များ

Олӧм 19:5

Найӧ горзісны Лотлы: «Кӧнӧсь найӧ, кодъяс локтісны тэ ордӧ войколӧн? Вайӧд найӧс миян дінӧ, ми кӧсъям узьны накӧд».

Ӧксыяслӧн 3 небӧг 15:12

Аса вӧтлаліс аслас муысь юрбитанінъясын кырсалысьясӧс, жугліс бӧлбанъясӧс, кодъясӧс вӧчлісны сылӧн батьясыс.

Ӧксыяслӧн 3 небӧг 22:46

Сійӧ бырӧдіс аслас муысь юрбитанінъясын кырсалысьясӧс, кодъяс вӧліны кольӧмаӧсь Аса батьыслӧн кадсянь на.

Ӧксыяслӧн 4 небӧг 23:7

Сійӧ бырӧдіс Господьлӧн крам йӧрысь кырсалысьяслысь керкаяс, кӧні аньяс кыисны Астарта бӧлбанлы паськӧм.

Левит 18:26

Но ті олӧй Менам индӧд-тшӧктӧмъяс серти, энӧ вӧчӧй тайӧ зывӧкторъяссӧ, ни вужвойтыр, ни йӧз муысь локтысьяс.

Левит 18:30

Олӧй Менам тшӧктӧмъяс серти, а энӧ тіянӧдз олысьяслӧн зывӧк оласног серти. Энӧ пежалӧй асьнытӧ налӧн кодь оласногӧн. Ме – Господь, тіян Енныд».

1 Коринфӧ 6:9

Ті ӧмӧй онӧ тӧдӧй, мый лёксӧ вӧчысьяслы оз вичмы Енлӧн Юраланіныс. Энӧ ылӧдлӧй асьнытӧ! Кырсалысьлы, идоллы юрбитысьлы, гозъякост олӧм пежалысьлы, пеж оласногалы, ӧта-мӧдныскӧд узьлысь айуловлы,

Индӧд 23:17

Израильса аньяс да айулов мед оз кырсавны, тадзи вӧчӧмнас мед оз сины асьнысӧ мукӧд енъяслы.

Индӧд 23:18

Энӧ вайӧй асланыд Господь Енлӧн керкаӧ кырсалӧм помысь босьтӧм сьӧм, медым збыльмӧдны кыв сетӧмнытӧ, ӧд кырсалысьяс зывӧкӧсь Господьлы, тіян Енлы.

Ёрдысьяс 19:22

Кор найӧ гажаа коллялісны кадсӧ, шогмытӧм йӧз кытшалісны пӧрысь мортлысь керкасӧ. Найӧ игӧдчисны ӧдзӧсас да шуисны пӧрысь мортлы, керка кутысьлы: «Петкӧд татчӧ тэ ордӧ локтысьӧс! Ми кӧсъям узьны сыкӧд».