Ӧксыяслӧн 3 небӧг 14:14 - Коми Библия 2023

¹⁴ Израиль войтырлы Господь пуктас мӧд ӧксыӧс, коді бырӧдас Еровамлысь рӧдсӧ. Сійӧ луныс воас на, но бырӧдӧмыс заводитчис нин.

Ӧксыяслӧн 3 небӧг 14:14 ပူးပေါင်းရင်းမြစ်များ

Ӧксыяслӧн 3 небӧг 16:7

Но Еху пророк пыр, коді вӧлі Хананилӧн пи, Господьлӧн вӧлі шуӧма нин бырӧдны Ваасӧс да сылысь рӧдсӧ. Ӧд Ваас виис Еровамлысь рӧдсӧ, но ачыс Еровам рӧд моз вӧчис Господь водзын шогмытӧмсӧ да скӧрмӧдіс Сійӧс.

Шусьӧгъяс 2:22

А лёк вӧчысьясӧс лоӧ бырӧдӧма му вывсьыс, ылӧдчысьясӧс лоӧ нетшыштӧма вужнас.

Еклесиаст 8:11

Лёк вӧчысьӧс кӧ дзик пыр оз мыждыны, сэки сійӧ водзӧ кутас лёксӧ вӧчны.

Яков 5:9

Вокъяс, энӧ мыжалӧй ӧта-мӧднытӧ, медым Енмыс эз мыжды тіянӧс. Мыждысьыс сулалӧ нин ӧдзӧс дорын.

2 Петыр 2:3

Медым курыштны мыйкӧ аслыныс, найӧ тывйыштасны тіянӧс мудер сёрнинаныс. Но налы мыждӧмыс важӧн нин дась, найӧс бырӧдӧмыс матын нин.