Ӧксыяслӧн 3 небӧг 13:6 - Коми Библия 2023

⁶ Еровам ӧксы шыасис Енлӧн морт дінӧ: «Кевмысь ме вӧсна аслад Господь Енлы, медым Сійӧ бурсьӧлӧмтчас ме дінӧ да бурдӧдас менсьым киӧс». Енлӧн морт кевмысис Господьлы, и ӧксылӧн киыс бурдіс да пондіс важ мозыс куснясьны.

Ӧксыяслӧн 3 небӧг 13:6 ပူးပေါင်းရင်းမြစ်များ

Ӧксыяслӧн 3 небӧг 13:5

Висьпуктаніныс киссис, и сы вылысь пӧимыс разаліс. Тадзи иніс Господьлӧн кывйыс, мый Енлӧн морт юӧртіс.

Петӧм 10:17

Бара на прӧститӧй менсьым мыжӧс да кевмысьӧй Господьлы, асланыд Енлы, медым Сійӧ вештас ме дінысь тайӧ курыд шогсӧ».

Петӧм 12:32

Босьтӧй аскӧдныд ыж-мӧснытӧ, кыдзи ті шулінныд. Мунӧй да бурсиӧй менӧ!»

Петӧм 8:28

Фараон шуис: «Ме лэдза тіянӧс овтӧминӧ вись вайны Господьлы, тіян Енлы, сӧмын ылӧ энӧ мунӧй. Кевмысьӧй ме вӧсна [Господьлы]».

Петӧм 8:4

Найӧ чеччаласны тэ вылӧ, тэныд кесъялысь йӧз да став войтырыд вылӧ».

Петӧм 8:8

Фараон корис Мӧисейӧс Ааронкӧд да шуис налы: «Кевмысьӧй Господьлы, мед Сійӧ вештас ме дінысь да менам войтыр дінысь жабаясӧс. Сэсся ме лэдза Израиль войтырӧс мунны, медым Господьлы вайны вись».

Петӧм 9:28

Кевмысьӧй [ме вӧсна] Господьлы, мед дугӧдас гымсӧ да шерсӧ [да чардбисӧ му вылын]. Сэсся ме лэдза тіянӧс, водзӧ ог нин кут».

Еремей 37:3

Седекей ӧксы мӧдӧдіс Еремей пророк дінӧ Шелемейлысь Ехукал писӧ да Софоний попӧс, Маасейлысь писӧ, медым найӧ шуисны пророклы: «Кевмысь миян вӧсна Господьлы, миян Енлы!»

Закар 7:2

Сэки Вефильын олысьяс мӧдӧдісны Сарецерӧс да Регем-Мелекӧс сылӧн йӧзкӧд кевмысьны Господьлы

Лыд 12:13

Мӧисей шыасис Господь дінӧ: «Енмӧй, кора Тэнӧ, бурдӧд сійӧс!»

Лыд 21:7

Сэки войтырыс локтіс Мӧисей дінӧ да шуис: «Ми мыжмим, кор шуасим Господь вылӧ да тэ вылӧ. Кевмысь Господьлы, медым Сійӧ ылыстас миян дінысь змейяссӧ». Мӧисей кевмысис Господьлы войтырыс вӧсна.

Матвей 5:44

Ме шуа тіянлы: радейтӧй тіянӧс мустӧмтысьясӧс, бурсиӧй тіянӧс ёрысьясӧс, бурсӧ вӧчӧй тіянӧс дзескӧдысьяслы, кевмысьӧй тіянӧс ӧтдортысьяс да вӧтлысьяс вӧсна.

Лука 23:34

Исус кевмис: «Батьӧй, прӧстит тайӧ йӧзсӧ, ӧд найӧ оз тӧдны, мый вӧчӧны». Шыпуртаяс пудъясьӧмӧн юкисны Исуслысь паськӧмсӧ.

Ап. уджъяс 7:60

Сэсся пидзӧс вылас усьӧмӧн гораа горӧдіс: «Господьӧй, эн мыжды найӧс таысь». Тайӧс шуӧм бӧрын Степанлӧн лолыс петіс.

Ап. уджъяс 8:24

Симон воча шуис: «Кевмысьӧй ме вӧсна Господьлы, медым эз су менӧ тіян шуӧмныд».

Римӧ 12:14

бурсиӧй тіянӧс вӧтлысьясӧс, бурсиӧй найӧс, а энӧ ёрӧй.

Римӧ 12:21

Эн сет лёкыслы вермыны тэнӧ, но вермы лёксӧ бурнас.

Восьтӧм 3:9

Со, Ме сета тэныд сӧтаналӧн йӧз чукӧрысь найӧс, кодъяс шуӧны асьнысӧ иудейясӧн, но найӧ абу иудейяс, а пӧръясьысьяс. Ме вӧча тадзи: найӧ локтасны да уськӧдчасны тэнад кок улӧ. Сэки тӧдмаласны, мый тэ – Меным муса.

Ӧксыяслӧн 1 небӧг 12:19

Йӧзыс шуисны Самуиллы: «Кевмысь миян вӧсна Господьлы, аслад Енлы, медым ми, тэнад кесйӧгъяс, эгӧ кулӧй. Ми корим ӧксыӧс, тадзи асланым мыжъяс дінӧ содтім нӧшта ӧти мыж».

Ӧксыяслӧн 1 небӧг 12:23

Ме ог лэдз ачымӧс мыж вӧчны Господьлы паныд – ог дугды кевмысьны тіян вӧсна. Ме веськӧда тіянӧс бур да веськыд туй вылӧ.