Ӧксыяслӧн 3 небӧг 12:28 - Коми Библия 2023

²⁸ Туйдӧдысьяскӧд сёрнитчӧм бӧрын Еровам ӧксы вӧчис кык зарни ӧшкӧс. Сэсся шуис войтырыслы: «Тіянлы оз ков ветлыны Ерусалимӧ. Израиль, со тэнад енъясыд, кодъяс петкӧдісны тэнӧ Египетысь».

Ӧксыяслӧн 3 небӧг 12:28 ပူးပေါင်းရင်းမြစ်များ

Ӧксыяслӧн 3 небӧг 14:9

Тэ вӧчин лёксӧ унджык на дорысь, кодъяс вӧліны тэӧдз. Тэ сувтӧдалін аслыд мукӧд енъясӧс да бӧлбанъясӧс, медым Менӧ скӧрмӧдны. Тадзи тэ ӧтдортін Менӧ.

Ӧксыяслӧн 3 небӧг 15:26

Надав вӧчис Господь водзын шогмытӧмсӧ, ветліс батьыслӧн туйӧд да сы моз вӧчис мыж. Аслас мыж вӧчӧмнас сылӧн батьыс коркӧ кежӧдіс Израиль войтырӧс мыжас.

Ӧксыяслӧн 3 небӧг 16:19

аслас мыж вӧсна. Ӧд сійӧ вӧчис Господь водзын шогмытӧмсӧ, ветліс Еровамлӧн туйӧд да сы моз вӧчис мыж. Аслас мыж вӧчӧмнас Еровам коркӧ кежӧдіс Израиль войтырӧс мыжас.

Ӧксыяслӧн 4 небӧг 10:29

Но Еху эз эновтчы сійӧ мыжъяссьыс, мыйӧн Неватлӧн Еровам пиыс коркӧ кежӧдіс Израиль войтырӧс мыжас, эз бырӧд Вефильысь да Данысь зарни ӧшъяс.

Ӧксыяслӧн 4 небӧг 17:16

Найӧ кежисны Господьлӧн, асланыс Енлӧн, тшӧктӧмъясысь, вӧчисны аслыныс кык зарни ӧшкӧс, сувтӧдісны юрбитан пуяс, юрбитісны енэжвыв вынъяслы да Вааллы.

Ӧксыяслӧн 4 небӧг 17:8

олісны израильса ӧксыяс моз да сійӧ войтыръясыс моз, кодъясӧс Господь коркӧ вӧтліс Израиль войтыр водзысь.

2 Каднебӧг 11:14

Левитъяс эновтісны ассьыныс видзьяснысӧ, овмӧснысӧ да овмӧдчисны Иуда муӧ да Ерусалимӧ, ӧд Еровам да сылӧн пияныс эз сетны налы лоны попъясӧн да кесъявны Господьлы.

2 Каднебӧг 11:15

Еровам индіс аслыс попъясӧс, медым найӧ кесъялісны вись ваян мылькъяс вылын кӧза да ӧш сяма бӧлбанъяслы, кодъясӧс сійӧ вӧчӧдіс.

2 Каднебӧг 13:8

Ӧні ті мӧвпыштінныд паныд кыпӧдчыны Господьлӧн ӧксыалӧмлы, мый сетӧма Давидсянь чужысьяслы. Ті уна лыдаӧсь, тіян эмӧсь зарни ӧшъяс, кодъясӧс Еровам вӧчис тіянлы ен пыдди.

2 Каднебӧг 15:3

Дыр кад чӧж Израиль войтыр оліс збыль Ентӧг да Индӧдтӧг, налӧн эз вӧвны туйдӧдысь попъяс.

2 Каднебӧг 17:4

а корсис аслас батьыслысь Енсӧ да оліс Енлӧн тшӧктӧмъяс серти, а эз израильсаяс моз.

2 Каднебӧг 21:6

Иорам ветліс израильса ӧксыяслӧн туйӧд. Сылӧн гӧтырыс вӧлі Ахавлӧн нылыс, та вӧсна Ахав рӧд моз сійӧ вӧчис Господь водзын шогмытӧмсӧ.

2 Каднебӧг 33:7

Манассей вӧчӧдіс бӧлбанӧс да сувтӧдіс сійӧс Енлӧн крамӧ, мый йылысь Ен шуліс на Давидлы да сылӧн Соломон пилы: «Тайӧ крамас да Ерусалим карын, мый Ме бӧрйи Израиль чужанкотыръяслӧн став карыс пӧвстысь, лоас Менам нимӧй нэмъяс чӧж.

Петӧм 1:10

Медым найӧ водзӧ оз рӧдмыны, колӧ миянлы мыйкӧ вӧчны. Ӧд пансяс кӧ тыш, найӧ вермасны ӧтувтчыны миян вӧрӧгкӧд, уськӧдчыны миян вылӧ да петны миян муысь».

Петӧм 20:4

Эн вӧч аслыд бӧлбанӧс да идолӧ пуктӧм могысь эн серпасав сійӧс, мый эм енэжас, му вылас да муысь улынджык ваас.

Петӧм 32:25

Мӧисей аддзис, мый войтырыс этшсӧ оз тӧд. Аарон вӧсна вӧрӧглӧн лои помка янӧдны Израиль войтырӧс.

Петӧм 32:4

Сійӧ босьтіс ставсӧ, сывдіс да вӧчис-мольӧдіс ӧшкӧс. Йӧзыс шуисны: «Израиль, тайӧ тэнад ен, сійӧ петкӧдіс тэнӧ Египет муысь!»

Петӧм 32:8

Найӧ ӧдйӧ кежисны Менам туйысь, вунӧдісны Менсьым тшӧктӧмъясӧс. Найӧ вӧчисны аслыныс ӧшкӧс да копыртчисны сылы, вайисны сылы висьяс да шуисны: ”Израиль, тайӧ тэнад ен, сійӧ петкӧдіс тэнӧ Египет муысь!”»

Шусьӧгъяс 14:12

Туйтӧ чайтан веськыдӧн, но туй помад виччысьӧ кулӧм.

Исай 30:1

Курыд шог кывзысьтӧмъяслы, – висьталӧ Господь. – Найӧ сёрнитчӧны, но Метӧг, кӧрталӧны йитӧд, но оз Менам кӧсйӧм серти. Тадзи найӧ мыж дінӧ мыж содтӧны.

Исай 30:10

Тӧдысь-аддзысьяслы найӧ шуалӧны: «Дугдӧй аддзыны, мый водзӧ лоас». Пророкъяслы найӧ шуалӧны: «Энӧ висьтавлӧй миянлы збыльсӧ. Висьтавлӧй миянлы лӧсяланасӧ, висьтавлӧй сійӧ, мый миянлы сьӧлӧм серти.

Езекиль 16:26

Тэ кырсалін орччӧн олысь египетсаяскӧд, кодъяслӧн яндзимыс ыджыд. Ӧтарӧ кырсалӧмнад тэ ёна скӧрмӧдін Менӧ.

Езекиль 23:8

Том кадас на сійӧ пондіс кырсавны Египетын. Египетсаяс узьлісны сыкӧд, шамралісны сылысь нывдырся нёньяссӧ да могмӧдісны ассьыныс колӧм-кӧсйӧмнысӧ. Тайӧ кадсяньыс Огола эз и дугдывлы кырсавнысӧ.

Даниил 3:1

Навукодоносор ӧксы тшӧктіс вӧчны квайтымын гырддза судта да квайт гырддза пасьта зарни бӧлбанӧс да сувтӧдны сійӧс Вавилон муӧ Дура ласта вылӧ.

Осий 10:10

Ме мыжда тэнӧ Аслам кӧсйӧм серти. Тэныд паныд чукӧртчасны мукӧд войтыръяс, тэнӧ кыкпӧвста мыжсьыд лоӧ дорӧма.

Осий 10:8

Бырӧдӧма лоӧ Авенысь вись ваян мылькъяс, ӧд тайӧ мылькъясыс – Израильлӧн мыжыс. Йӧн да ёг турун кутас быдмыны налӧн висьпуктанінъяс вылын. Йӧзыс шуасны керӧсъяслы: «Вевттьӧй миянӧс!» Мылькъяслы шуасны: «Усьӧй миян вылӧ!»

Амос 5:5

Энӧ Вефильысь Менӧ корсьӧй, энӧ мунӧй юрбитны Галгалӧ, энӧ ветлӧдлӧй Бер-Шеваӧ. Ӧд Галгалын олысьясӧс пленӧ нуӧдасны, Вефиль нинӧмӧдз воас.

Амос 8:14

кодъяс кыв сетӧны Самарияӧс мыжӧ вайӧдысь идол водзын, кыв сетӧны Данлӧн ен водзын, кӧсйысьӧны Бер-Шеваӧ мунан туйӧн – та вӧсна найӧ усясны да бӧрсӧ оз чеччыны.

2 Петыр 2:19

Ылӧгвелӧдысьяс кӧсйысьӧны сетны налы мездлун, кӧть асьныс найӧ пежыслӧн кесйӧгъяс. Ӧд коді мортсӧ вермӧма, сылӧн сійӧ и кесйӧг.

Ӧксыяслӧн 1 небӧг 27:1

Давид мӧвпаліс: «Коркӧ ме збыльысь веськала Саул киӧ. Бурджык меным пышйыны Филистим муӧ, сэки Саул ӧвсяс меысь, дугдас корсьны менӧ став Израиль му пасьтала. Тадзи ме мына сыысь».