Ӧксыяслӧн 3 небӧг 12:21 - Коми Библия 2023

²¹ Ерусалимӧ локтӧм бӧрын Соломонлӧн Ровоам пиыс чукӧртіс Иуда да Венямин чужанкотырысь сё кӧкъямысдас сюрс медбур тышкамортӧс, мед петны тышӧ Израильлы паныд да бӧр босьтны аслас киӧ на вылын ӧксыалӧмсӧ.

Ӧксыяслӧн 3 небӧг 12:21 ပူးပေါင်းရင်းမြစ်များ

Ӧксыяслӧн 3 небӧг 11:32

Ӧти чужанкотыр Ме коля Соломонлы Давид батьыс вӧсна да Ерусалим кар вӧсна, мый Ме бӧрйи Израиль чужанкотыръяслӧн став карыс пӧвстысь.

Ӧксыяслӧн 3 небӧг 14:30

Ровоам да Еровам костын пыр муніс тыш.

1 Каднебӧг 21:5

Йоав юӧртіс Давидлы войтырлысь лыдсӧ. Вӧлӧмакӧ, Израильын миллион сё сюрс морт, кодъяс вермӧны тышӧ петны, а Иудаын – нёльсё сизимдас сюрс морт.

2 Каднебӧг 14:11

Аса шыасис аслас Господь Ен дінӧ: «Господьӧй, Тэ верман отсавны жеблы и выналы. Господьӧй, миян Енмӧй, отсав миянлы! Ӧд Тэ вылӧ ми лача кутам, Тэнад нимӧн ми петім тайӧ лыдтӧм-тшӧттӧм йӧзыслы паныд. Господьӧй, Тэ – миян Ен. Эн лэдз мортлы вермыны Тэнӧ».

2 Каднебӧг 14:8

Асалӧн вӧлі Иуда чужанкотырысь куимсё сюрс тышкаморт, кодъяслӧн вӧліны сайӧдъяс да шыяс. Нӧшта сылӧн вӧлі Венямин чужанкотырысь кыксё кӧкъямысдас сюрс тышкаморт, кодъяслӧн вӧліны сайӧдъяс да ньӧввужъяс. Ставныс найӧ вӧліны вына тышкасьысьяс.