Ӧксыяслӧн 3 небӧг 12:18 - Коми Библия 2023

¹⁸ Ӧтчыд Ровоам ӧксы мӧдӧдіс Израиль войтыр дінӧ Адорамӧс. Сійӧ веськӧдліс йӧзӧн, кодъяс уджалӧмнас мынтісны вот. Но израильсаяс изъялісны сійӧс кувтӧдзыс. Сэки Ровоам ӧксы тэрмасьӧмӧн пуксис тарантасӧ да пышйис Ерусалимӧ.

Ӧксыяслӧн 3 небӧг 12:18 ပူးပေါင်းရင်းမြစ်များ

Ӧксыяслӧн 2 небӧг 20:24

Адорам веськӧдліс йӧзӧн, кодъяс уджалӧмнас мынтісны вот. Ахилудлӧн Иосафат пиыс пасъяліс небӧгӧ вӧвлӧмторъяс.

Ӧксыяслӧн 3 небӧг 4:6

Ахишар веськӧдліс ӧксылӧн овмӧс-керкаӧн, Авдайлӧн Адонирам пиыс веськӧдліс йӧзӧн, кодъяс уджалӧмнас мынтісны вот.

Ӧксыяслӧн 3 небӧг 5:14

Быд тӧлысьӧ Соломон мӧдӧдліс Ливанӧ дас сюрс мортӧс вежласьӧмӧн. Ӧти тӧлысьсӧ найӧ уджалісны, а кык тӧлысьсӧ вӧліны гортаныс. Веськӧдліс наӧн Адонирам.

2 Каднебӧг 10:18

Ӧтчыд Ровоам ӧксы мӧдӧдіс Израиль войтыр дінӧ Адорамӧс. Сійӧ веськӧдліс йӧзӧн, кодъяс уджалӧмнас мынтісны вот. Но израильсаяс изъялісны сійӧс кувтӧдзыс. Сэки Ровоам ӧксы тэрмасьӧмӧн пуксис тарантасӧ да пышйис Ерусалимӧ.

2 Каднебӧг 24:21

Войтырыс сувтіс Закарлы паныд. Йоас ӧксылӧн тшӧктӧм серти Господьлӧн крам йӧрын сійӧс кувтӧдзыс изъялісны.

Петӧм 17:4

Мӧисей шыасис Господь дінӧ: «Мый меным вӧчны тайӧ войтырыскӧд? Регыд менӧ изъяласны».

Амос 2:16

Сійӧ лунӧ весиг медся повтӧм тышкамортыс пасьтӧгыс пышъяс, – висьталӧ Господь.

Лыд 14:10

Войтырыс кӧсйис изъявны Исусӧс да Калевӧс, но Господьлӧн дзирдлуныс [кымӧрӧн] петкӧдчис вежа чомйын став Израиль пиянлӧн син водзын.

Ап. уджъяс 5:26

Крам видзысьяслӧн веськӧдлысь муніс аслас йӧзкӧд да вайӧдіс апостолъясӧс. Но найӧ апостолъяслы лёксӧ эз вӧчны, ӧд полісны, мый йӧзыс вермасны найӧс асьнысӧ изъявны.