Ӧксыяслӧн 3 небӧг 12:1 - Коми Библия 2023

¹ Ровоам локтіс Сикемӧ, ӧд сэтчӧ чукӧртчис Израиль войтыр, медым пуктыны сійӧс ӧксыӧ.

Ӧксыяслӧн 3 небӧг 12:1 ပူးပေါင်းရင်းမြစ်များ

Олӧм 12:6

Ӧврам кытшовтіс тайӧ мусӧ да матыстчис Сикемлань. Сійӧ сувтіс Морэ нима тупу дорӧ. Сэки тайӧ муас оліс ханаан войтыр.

Ӧксыяслӧн 3 небӧг 11:43

Сэсся Соломон куліс да вуджис батьясыс дінӧ. Сійӧс дзебисны Давид батьыслӧн карӧ. Соломон бӧрти ӧксыӧ пуксис сылӧн Ровоам пиыс.

Ӧксыяслӧн 3 небӧг 12:25

Еровам дзоньталіс-зумыдмӧдіс Ефрем керӧсвыв муын Сикем кар да овмӧдчис сэтчӧ. Сэсянь мӧдӧдчис Пенуэл карӧ да дзоньталіс-зумыдмӧдіс сійӧс.

2 Каднебӧг 11:1

Ерусалимӧ локтӧм бӧрын Ровоам чукӧртіс Иуда да Венямин чужанкотырысь сё кӧкъямысдас сюрс медбур тышкамортӧс, мед петны тышӧ Израильлы паныд да бӧр босьтны аслас киӧ на вылын ӧксыалӧмсӧ.

Псалтыр 60:6

Енмӧй, Тэ кылін менсьым кыв сетӧмӧс, Тэ вичмӧдін меным сійӧ, мый кӧсйысин сетны Тэнад нимысь полысьяслы.

Еремей 41:5

Миспаӧ локтісны Сикемысь, Силомысь да Самарияысь кӧкъямысдас морт. Найӧ вӧліны бритӧм тошкаӧсь да косявлӧм паськӧмаӧсь, вир-яйнысӧ вӧлі вундалӧмаӧсь пуртӧн. Найӧ вайисны аскӧдныс Господьлӧн крамӧ вись пыдди нянь да чӧскыд ӧвтанторъяс.

Ап. уджъяс 7:16

Сэсся налысь шойяссӧ вайисны Сикемӧ да гуалісны. Гусӧ Ӧвраам ньӧблӧма эзысь вылӧ Сикемын олысь Хамор пиянлысь.

Нав Исус 20:7

Галилеяысь, Неффалим керӧсвыв муысь, торйӧдісны Кедеш кар, Ефрем керӧсвыв муысь – Сикем кар да Иуда керӧсвыв муысь – Киръят-Арба кар, мӧд ногӧн кӧ, Хеврон кар, медым сэтчӧ вермас пышйыны морт виысь.

Нав Исус 24:1

Исус чукӧртіс Израильлысь став чужанкотырсӧ Сикемӧ, корис юрнуӧдысьясӧс, юралысьясӧс, ёрдысьясӧс да веськӧдлысьясӧс. Найӧ ставныс сувтісны [Господь] Ен водзӧ.

Нав Исус 24:32

Ӧсиплысь лыяссӧ, мый израильсаяс петкӧдісны Египетысь, найӧ дзебисны Сикемӧ, му юкӧнӧ, мый Яков ньӧбис Хамор пиянлысь эзысь вылӧ. Хамор вӧлі Сикемлӧн бать. Тайӧ му юкӧныс пырис Ӧсипсянь чужысьяслы вичмӧдӧм муас.

Ёрдысьяс 9:1

Еровааллӧн Авимелек пиыс муніс мам вокъясыс дінӧ Сикемӧ, сёрнитіс накӧд да налӧн батьыслӧн став рӧдыскӧд. Сійӧ шуис:

Ёрдысьяс 9:6

Сикем да Бет-Милло каръясысь йӧз чукӧртчисны да мунісны Сикем кардорса тупу дорӧ. Сэні найӧ пуктісны Авимелекӧс ӧксыӧ.