Ӧксыяслӧн 3 небӧг 11:3 - Коми Библия 2023

³ Сылӧн вӧлі сизимсё гӧтыр да куимсё кесйӧг-гӧтыр. Тайӧ аньясыс кежӧдісны Соломонлысь сьӧлӧмсӧ

Ӧксыяслӧн 3 небӧг 11:3 ပူးပေါင်းရင်းမြစ်များ

2 Каднебӧг 11:21

Аслас став гӧтырыс пӧвстысь Ровоам ёнджыка радейтіс Авессаломлысь Маака нывсӧ. Ровоамлӧн вӧлі дас кӧкъямыс гӧтыр да квайтымын кесйӧг-гӧтыр. Найӧ чужтісны сылы кызь кӧкъямыс пиӧс да квайтымын нылӧс.

Эсфир 1:18

Ӧні персияса да мидияса юралысьяслӧн гӧтыръясныс, кодъяс кыласны, мый вӧчис ӧксы-ань, пондасны тадзи жӧ вӧчны. Сэки увтыртӧмыс да скӧрмӧмыс содас.

Еклесиаст 2:8

Ме чукӧрті аслым эзысь-зарни, ӧксыяслысь да мукӧд войтыръяслысь озырлунсӧ. Чукӧрті ас дінӧ сьылысь аньясӧс да айуловӧс и босьті аслым гӧтырӧ уна аньӧс, медым найӧ гажӧдісны менӧ.

Еклесиаст 7:28

ме эг аддзы сійӧс, мый дыр корсьыси. Сюрс айлов пӧвстысь ме аддзи сӧмын ӧти веськыда олысьӧс, сюрс ань пӧвстысь – некодӧс.

Сьылан 6:8

Мед кӧ ӧксылӧн квайтымын ӧксы-ань, кӧкъямысдас кесйӧг-гӧтыр да унасьыс-уна том ныв,

Сьылан 6:9

но менам сӧстӧм гулюӧй сӧмын ӧти, мамыслӧн ӧтка ныв, чужтысьыслӧн медся донаыс. Нывъяс видзӧдӧны сы вылӧ да нимӧдӧны сійӧс, ӧксы-аньяс да ӧксылӧн гӧтыръяс ошкӧны сійӧс:

Индӧд 17:17

Ӧксылӧн мед оз ло уна гӧтыр, ӧд та вӧсна сылӧн сьӧлӧмыс кежас Господьысь. Сылы оз ков чукӧртны унасьыс-уна эзысь-зарни.

Ёрдысьяс 3:6

Налысь нывъяссӧ израильсаяс босьтлісны гӧтырӧ, и ассьыныс нывъяссӧ сетлісны налӧн пиян сайӧ, весиг пондісны кесъявны налӧн енъяслы.

Ёрдысьяс 9:5

Авимелек локтіс медалӧм йӧзкӧд батьыс керкаӧ Офра карӧ да виис ӧти из вылын ассьыс вокъяссӧ, Еровааллысь сизимдас писӧ. Сӧмын Еровааллӧн медічӧт Иотам пиыс дзебсис да ловйӧн колис.