Ӧксыяслӧн 3 небӧг 11:26 - Коми Библия 2023

²⁶ Соломон ӧксылы паныд кыпӧдчис Неватлӧн Еровам пиыс, коді кесъяліс сы дінын. Еровам вӧлі Цереда карысь Ефрем чужанкотырысь. Дӧва мамсӧ шуисны Церуя.

Ӧксыяслӧн 3 небӧг 11:26 ပူးပေါင်းရင်းမြစ်များ

Олӧм 35:16

Сэсся найӧ мунісны Вефильысь. [Эдер башня сайӧ Яков сувтӧдіс чомсӧ.] Епрафаӧ вотӧдз туй костас Ракель кутіс сьӧкыда чужтыны.

Ӧксыяслӧн 2 небӧг 20:21

Но тіян карын эм Шевей нима морт. Сійӧ Ефрем керӧсвыв муысь, Бикрилӧн пиыс. Сійӧ кыпӧдчис Давид ӧксылы паныд. Сетӧй меным сійӧс, и ме вешъя тіян кар дорысь». Ань шуис Йоавлы: «Сылысь юрсӧ ми шыбитам тэныд стен вывсяньыс».

Ӧксыяслӧн 3 небӧг 11:11

Та вӧсна Господь шуис Соломонлы: «Татшӧм оласногсьыд да сыысь, мый тэ торкин Менсьым йитӧдӧс да эн ов Менам тшӧктӧмъяс серти, мый Ме сеті тэныд, Ме босьта тэнсьыд юралӧмтӧ да сета тэнад кесйӧглы.

Ӧксыяслӧн 3 небӧг 11:25

Соломонлӧн олан лунъяс чӧж Разон, арамейяслӧн ӧксы, эз дугдыв Израильлы паныд кыпӧдчыны. Хадад моз Разон уна лёк вӧчис Израильлы.

Ӧксыяслӧн 3 небӧг 11:28

сылы синмас шыбитчис вына том морт – тайӧ вӧлі Еровам. Соломон аддзис, мый сійӧ киподтуя морт и пуктіс сійӧс веськӧдлыны Ӧсип рӧдысь уджалысьясӧн.

Ӧксыяслӧн 3 небӧг 12:2

Та йылысь кывліс Неватлӧн Еровам пиыс. Соломон ӧксыысь пышйӧм бӧрын сійӧ оліс Египетын, а ӧні бӧр локтіс сэтысь.

Ӧксыяслӧн 3 небӧг 14:16

Еровамлӧн мыж вӧчӧмысь да Израиль войтырӧс мыжас кежӧдӧмысь Господь эновтас Израильӧс».

Ӧксыяслӧн 3 небӧг 15:30

Еровамлысь рӧдсӧ вӧлі бырӧдӧма сы вӧсна, мый Еровам мыж вӧчис да кежӧдіс Израиль войтырӧс мыжас, и тадзи скӧрмӧдіс Господьӧс, Израильлысь Енсӧ.

Ӧксыяслӧн 3 небӧг 16:3

Таысь Ме бырӧда Ваасӧс да сылысь рӧдсӧ. Ме вӧча сылӧн рӧдкӧд сійӧ жӧ, мый вӧчи Неват Еровамлӧн рӧдкӧд.

Ӧксыяслӧн 3 небӧг 21:22

Мый Ме вӧчи Неват Еровамлӧн да Ахий Вааслӧн рӧдъяскӧд, вӧча тшӧтш тэнад рӧдкӧд, ӧд тэ скӧрмӧдін Менӧ да кежӧдін Израиль войтырӧс мыжас”.

Ӧксыяслӧн 3 небӧг 9:22

Израильсаясӧс Соломон эз пуктыв кесйӧгъясӧн. Ӧксылы найӧ кесъялісны веськӧдлысьясӧн да тышкайӧзӧн, веськӧдлісны тарантаса тышкайӧзӧн да верзьӧмаясӧн.

1 Каднебӧг 2:19

Азува кулӧм бӧрын Калев босьтіс гӧтырӧ Ефрафаӧс. Сійӧ чужтіс Калевлы Хурӧс.

2 Каднебӧг 13:6

Но Неватлӧн Еровам пиыс, коді кесъяліс Давидлӧн Соломон пилы, кыпӧдчис аслас ыджыдлы паныд.

2 Каднебӧг 9:29

Соломон ӧксыалӧм дырйи мукӧд лоӧмторъяс йылысь водзысяньыс и помӧдзыс пасъялӧма Нафан пророклӧн гижӧдъясын, силомса Ахийлӧн пророкалан гижӧдъясын да Иддо нима тӧдысь-аддзысьлӧн восьтӧмъясын. Тайӧ восьтӧмъясыс вӧліны Неватлӧн Еровам пиыс йылысь.

Ёрдысьяс 12:5

Галаадсаяс тупкалісны Ефремсянь чужысьяслысь Йӧрдан ю вуджанінъяссӧ. Кор Ефрем чужанкотырысь ловйӧн кольысь корліс вуджны, сэки галаадсаяс юавлісны, абу-ӧ тэ Ефрем чужанкотырысь. Мортлы, коді вочавидзис, абу пӧ,

Руфа 1:2

Тайӧ мортсӧ шуисны Элимелек, гӧтырсӧ – Ноеминь, пиянсӧ – Махлон да Килион. Найӧ вӧліны иудаса Виплием-Епрафа карысь.

Ӧксыяслӧн 1 небӧг 1:1

Ефрем керӧсвыв муын, Раматаим-Зофим карын, оліс Элкан нима морт. Рӧднас сійӧ вӧлі Епрафаысь. Сійӧ вӧлі Ерохамлӧн пи, Ерохам – Элихулӧн, Элиху – Тохулӧн, Тоху – Цуфлӧн.

Ӧксыяслӧн 1 небӧг 17:12

Давид вӧлі Иуда муысь Виплием-Епрафа карысь Ессейлӧн пи. Ессейлӧн вӧлі кӧкъямыс пи. Сауллӧн ӧксыалан кадӧ Ессей вӧлі пӧрысь нин, сійӧ вӧлі войтырыслӧн ыджыдъясысь ӧти.