Ӧксыяслӧн 3 небӧг 11:24 - Коми Библия 2023

²⁴ Кор Давид пасьвартіс Ададезерӧс, Разон чукӧртіс йӧзӧс да лои налӧн веськӧдлысьӧн. Найӧ мунісны Дамаскӧ, овмӧдчисны сэтчӧ да босьтісны тайӧ карсӧ асланыс кипод улӧ.

Ӧксыяслӧн 3 небӧг 11:24 ပူးပေါင်းရင်းမြစ်များ

Олӧм 14:15

Войнас сійӧ юкліс ассьыс тышкайӧзсӧ чукӧръяс вылӧ, уськӧдчис Лотӧс пленӧ босьтысьяс вылӧ да пасьвартіс найӧс. Ловйӧн кольысьясӧс вӧтӧдісны Дамаск войвывладорса Ховаӧдз.

Ӧксыяслӧн 2 небӧг 10:18

Давид пасьвартіс арамейясӧс, и найӧ пышйисны израильсаясысь. Давид бырӧдіс налысь сизимсё тарантас да нелямын сюрс верзьӧмаӧс. Виис тшӧтш Шовакӧс, тышкайӧзлысь юралысьсӧ.

Ӧксыяслӧн 2 небӧг 10:6

Аммонсаяс казялісны, мый найӧ лоины мустӧмӧсь Давидлы. Найӧ медалісны отсӧг вылӧ Бет-Реховысь да Цоваысь кызь сюрс пода арамейӧс, Маакаысь [амаликъяслӧн] ӧксылысь – сюрс тышкамортӧс да Истовысь – дас кык сюрс тышкамортӧс.

Ӧксыяслӧн 2 небӧг 10:8

Аммон тышкайӧз сувтісны карса дзиръя дорӧ. Цоваысь да Реховысь арамейяс, Истовысь да Маакаысь медалӧм йӧз сувтісны эрд вылӧ, наысь торйӧн.

Ӧксыяслӧн 2 небӧг 8:3

Давид пасьвартіс и цоваса ӧксыӧс, Реховлысь Ададезер писӧ. Сійӧ буретш вӧлі мунӧ, медым бӧр босьтны Ефрат ю дорысь муяссӧ.

Ӧксыяслӧн 3 небӧг 11:25

Соломонлӧн олан лунъяс чӧж Разон, арамейяслӧн ӧксы, эз дугдыв Израильлы паныд кыпӧдчыны. Хадад моз Разон уна лёк вӧчис Израильлы.

Ӧксыяслӧн 3 небӧг 15:18

Аса босьтіс Господьлӧн крамса да ӧксы керкаса озырлун видзанінъясысь коляс эзысь-зарнисӧ да мӧдӧдіс ассьыс кесйӧгъяссӧ нуны ставсӧ Дамаскӧ арамейяслӧн Бен-Хадад ӧксылы, Хезион Тавриммонлӧн пиыслы. Тшӧктіс висьтавны сылы:

Ӧксыяслӧн 3 небӧг 19:15

Господь шуис Иллялы: «Мун Дамаскӧ овтӧминӧд сійӧ жӧ туйӧдыс, кыті локтін. Сэтчӧ воӧм бӧрын мавтыштӧмӧн пукты Азаилӧс арамейяслы ӧксыӧ.

Ӧксыяслӧн 3 небӧг 20:34

Бен-Хадад шуис сылы: «Ме бӧр сета тэныд сійӧ каръяссӧ, кодъясӧс коркӧ менам батьӧй босьтліс тэнад батьлысь. Дамаскын верман восьтны аслыд вузасянінъяс, кыдзи коркӧ менам батьӧй восьтліс Самарияын». Ахав вочавидзис: «Сёрнитчӧм бӧрын ме лэдза тэнӧ». Бен-Хададкӧд Ахав кӧрталіс йитӧд, сэсся лэдзис сійӧс.

Ӧксыяслӧн 4 небӧг 14:28

Еровам ӧксыалӧм дырйи мукӧд лоӧмторъяс йылысь, сылӧн уджъяс да вермӧмъяс йылысь гижӧма израильса ӧксыяслӧн каднебӧгӧ. Сэтчӧ нӧшта гижӧма, кыдзи Еровам тышкасис да бӧр бергӧдіс Израильлы Дамаск да Хамат каръяс, кодъяс коркӧ вӧліны Иуда чужанкотырлӧн кипод улынӧсь.

Ӧксыяслӧн 4 небӧг 8:7

Елисей локтіс Дамаск карӧ. Арамейяслӧн Бен-Хадад ӧксы сэки вӧлі висьӧ. Ӧксылы юӧртісны, карас пӧ локтіс Енлӧн морт.

Ап. уджъяс 9:2

да корис сысянь дамаскса синагогаясӧ гижӧд, медым Исуслы эскысь айуловӧс да аньясӧс позис кӧртавны да вайӧдны Ерусалимӧ.