Ӧксыяслӧн 3 небӧг 10:24 - Коми Библия 2023

²⁴ Мувывса став йӧзыс зілисны аддзывны Соломонӧс да кывзыны сійӧс, ӧд сылӧн вӧлі Енсянь мывкыдлун.

Ӧксыяслӧн 3 небӧг 10:24 ပူးပေါင်းရင်းမြစ်များ

Ӧксыяслӧн 3 небӧг 10:1

Саваса ӧксы-ань кыліс, мый Соломонлӧн нималӧмыс вайӧ ошкӧм Господьлы, да петіс туйӧ, медым нӧдкывъясӧн тӧдмавны Соломонлысь мывкыдлунсӧ.

Ӧксыяслӧн 3 небӧг 3:12

Ме вӧча тэнад корӧм серти. Ме сета тэныд ыджыд мывкыдлун да сюсь вежӧр. Тэ кодь мортыс эз вӧв, и тэ бӧрын оз ло.

Ӧксыяслӧн 3 небӧг 3:28

Став Израиль войтыр кыліс ӧксылӧн веськыда мыждӧм йылысь. Ставнысӧ полӧм босьтіс ӧксыысь. Найӧ гӧгӧрвоисны, мый Енмыс сетӧма Соломонлы мывкыдлун, медым веськыда мыждыны.

Ӧксыяслӧн 3 небӧг 3:9

Сідзкӧ, сет меным сюсь вежӧр, медым ме веськыда мыжді Тэнсьыд войтыртӧ да кужи торйӧдны бурсӧ лёксьыс. Ӧд вермас-ӧ кодкӧ веськӧдлыны Тэнад уна лыда войтырӧн?»

2 Каднебӧг 1:11

Енмыс шуис Соломонлы: «Аслыд тэ эн кор озырлун, овмӧс-эмбур, нималӧм, эн кӧсйы тэнӧ мустӧмтысьяслы кулӧм, эн кор кузь нэм, но корин мывкыдлун да вежӧр, медым веськӧдлыны Менам войтырӧн, кодлы Ме пукті тэнӧ ӧксыӧ. Сыысь, мый тэнад сьӧлӧмад вӧлі татшӧм кӧсйӧм,

2 Каднебӧг 1:12

Ме сета тэныд мывкыдлун да вежӧр, а озырлунсӧ, овмӧс-эмбурсӧ да нималӧмсӧ Ме сета тэныд сы мында, мыйта эз на вӧв тэӧдз и оз ло тэ бӧрти веськӧдлысь ӧксыяслӧн».

Шусьӧгъяс 2:6

Ӧд мывкыдлунсӧ сетӧ Господь, тӧдӧмлуныс да вежӧрсялӧмыс локтӧ Сысянь.

Езекиль 16:14

Мукӧд войтыръяс пӧвстын тэ нималін аслад тыр-бур мичлуннад, мыйӧн Ме вевтти тэнӧ, – висьталӧ Господь Ыджыдыс.

Даниил 1:17

Енмыс сетіс тайӧ нёль зонмыслы мывкыдлун, тӧдӧмлун да гижӧмторъяс гӧгӧрвоӧмлун, а Данииллы Енмыс сетіс нӧшта на сямлун гӧгӧрвоны быдпӧлӧс аддзылӧм-петкӧдчылӧм да вӧтъяс.

Даниил 2:21

Сійӧ вежлалӧ кадъяс да вояс, вештӧ ӧксыясӧс да сувтӧдӧ выльясӧс, мывкыдаяслы Сійӧ сетӧ мывкыдлун, вежӧраяслы – вежӧрлун.

Даниил 2:23

Ме ошка-нимӧда Тэнӧ, менам батьяслысь Енмӧс, Тэ сетін меным мывкыдлун да вын. Тэ восьтін меным сійӧ, мый йылысь ми кевмысим Тэныд, Тэ восьтін миянлы ӧксылысь вӧтсӧ.

Даниил 5:11

Тэнад муын олӧ морт, код пытшкын вежа Енлӧн Лолыс. Тэнад батьыдлӧн веськӧдлан кадӧ на аддзисны, мый сы пытшкын эм сюсьлун, вежӧрлун да енъяслӧн кодь мывкыдлун. Навукодоносор ӧксы, тэнад батьыд, пуктіс сійӧс туналысьяс, кимӧститчысьяс, калдеяса мывкыд йӧз да пемӧс мускӧн тунасьысьяс вылын ыджыдӧн.

Яков 1:5

Тіян пиысь кӧ кодлыкӧ оз тырмы мывкыдлуныс, мед корӧ Енмыслысь, и сылы лоӧ сетӧма. Ӧд Енмыс быдӧнлы сетӧ лышкыда да шуасьтӧг.