Ӧксыяслӧн 3 небӧг 10:21 - Коми Библия 2023

²¹ Соломон ӧксылӧн став юан дозйыс вӧлі зарниысь, а ливанса пуысь вӧчӧм керкаын став дозмук-кӧлуйыс вӧлі весалӧм зарниысь. Соломон веськӧдлан кадӧ эзысьсӧ эз вылӧ донъявны, та вӧсна эзысьысь вӧчӧмторйыс эз вӧв.

Ӧксыяслӧн 3 небӧг 10:21 ပူးပေါင်းရင်းမြစ်များ

Ӧксыяслӧн 3 небӧг 10:17

Нӧшта вӧчӧдіс куимсё ичӧтджык сайӧд, быд сайӧд вылӧ муніс куим мина дорӧм зарни. Сайӧдъяссӧ ӧксы пуктіс ливанса пуысь вӧчӧм керкаӧ.

Ӧксыяслӧн 3 небӧг 10:20

Нӧшта вӧчисны дас кык левӧс, кодъяс сулалісны квайт тшупӧд вылын ӧтар-мӧдар бокас. Татшӧм пуклӧсыс эз вӧв сэсся некутшӧм муын.

Ӧксыяслӧн 3 небӧг 10:22

Хирамлӧн корабльясысь ӧтдор саридз вылын Соломон ӧксылӧн вӧліны тшӧтш фарсисса корабльяс. Куим во пытшкас ӧтчыдысь фарсисса корабльяс вайлісны зарни-эзысь, слӧн лы, ӧблезянаясӧс да павлинъясӧс.

Ӧксыяслӧн 3 небӧг 7:2

Керка пытшкас сійӧ вӧчис торъя ыджыд вежӧс да нимтіс сійӧс ливанса сус пу керкаӧн. Тайӧ вежӧсыс вӧлі сё гырддза кузьта, ветымын гырддза пасьта да комын гырддза судта. Сійӧ мыджсис нёль визьӧн сувтӧдӧм сус пу сюръяяс вылӧ, а сюръяяс вылас вомӧнӧн вӧлі пукталӧма сус пу матичьяс.

Эсфир 1:7

Йӧрас вӧчӧм джодж вылӧ вӧлі сувтӧдалӧма зарни да эзысь куйланінъяс. Джоджсӧ вӧлі вольсалӧма мраморысь, турунвиж, сьӧд да пӧртмасян изъясысь.

Иов 28:1

Эзысьлӧн эм куйланін, кытысь перйӧны сійӧс, и зарнилӧн эм сывданін, кӧні весалӧны сійӧс.

Закар 9:3

Тир лэптіс аслыс изкар, чукӧртіс эзысьсӧ лыа мында, зарнисӧ – ывлавыв няйт мында.

Индӧд 17:17

Ӧксылӧн мед оз ло уна гӧтыр, ӧд та вӧсна сылӧн сьӧлӧмыс кежас Господьысь. Сылы оз ков чукӧртны унасьыс-уна эзысь-зарни.