Ӧксыяслӧн 3 небӧг 10:12 - Коми Библия 2023

¹² Гӧрд пуысь ӧксы тшӧктіс вӧчны Господьлӧн крамӧ да аслас ӧксы керкаӧ поскӧд каян кутчысянін, сьылысьяслы гусли да арфа. Та мында гӧрд пусӧ таӧдз и та бӧрти эз вайлыны.

Ӧксыяслӧн 3 небӧг 10:12 ပူးပေါင်းရင်းမြစ်များ

Ӧксыяслӧн 2 небӧг 6:5

Та дырйи Давид да Израиль войтыр Господь водзын нимкодясьӧмӧн йӧктісны да ворсісны кипарисысь вӧчӧм ворсанторъясӧн – гуслиӧн, арфаӧн, тимпанӧн, сярганӧн да кимвалӧн.

Ӧксыяслӧн 3 небӧг 10:11

Хирамлӧн пыжъясӧн, мыйӧн ваявлісны Офирысь зарни, вайисны сэтысь Соломонлы тшӧтш зэв уна гӧрд пу да дона из.

Ӧксыяслӧн 3 небӧг 10:13

Козинъяс кындзи Соломон ӧксы сетіс саваса ӧксы-аньлы ставсӧ, мый сійӧ корис да кӧсйис. Сэсся ӧксы-ань аслас йӧзкӧд бӧр муніс аслас муӧ.

1 Каднебӧг 23:5

Нёль сюрс мортӧс вӧлі индӧма видзны крам дзиръяяс, нёль сюрс мортӧс – ворсанторъясӧн ошкыны Господьӧс. Та могысь и Давид тшӧктіс вӧчны ворсанторъяссӧ.

2 Каднебӧг 9:11

Гӧрд пуысь ӧксы тшӧктіс вӧчны Господьлӧн крамӧ да аслас ӧксы керкаӧ посъяс, сьылысьяслы гусли да арфа. Татшӧмторъяссӧ Иуда муын эз на аддзывны.