Ӧксыяслӧн 3 небӧг 10:10 - Коми Библия 2023

¹⁰ Ӧксы-ань козьналіс Соломон ӧксылы сё кызь талант зарни, дона изъяс да унасьыс-уна чӧскыд ӧвтантор. Та мында ӧвтанторйыс, мый саваса ӧксы-ань козьналіс Соломон ӧксылы, Израильын эз на вӧвлы.

Ӧксыяслӧн 3 небӧг 10:10 ပူးပေါင်းရင်းမြစ်များ

Олӧм 43:11

Израиль батьныс шуис налы: «Но мый сэсся вӧчан? Сідзкӧ, босьтӧй да нуӧй тайӧ мортыслы миян муысь козинъяс: мавтасъяс, ма, чӧскыд дука сиръяс, ладан, фисташ да миндаль кольтусьяс.

Ӧксыяслӧн 3 небӧг 10:2

Сійӧ локтіс Ерусалимӧ зэв уна йӧзкӧд. Верблюдъяс вылын найӧ вайисны зэв уна зарни, дона изъяс да чӧскыд ӧвтанторъяс. Ӧксы-ань аддзысис Соломонкӧд. Сійӧ сёрнитіс Соломонкӧд быдтор йылысь, мый кӧсйис тӧдны.

Ӧксыяслӧн 3 небӧг 9:14

Тайӧ каръяслӧн доныс, мый Хирам мынтіс Соломонлы, вӧлі сё кызь талант зарни.

Псалтыр 68:29

Налысь нимъяссӧ мед лоӧ вуштӧма Олӧмыслӧн небӧгысь, найӧс мед оз ло гижӧма веськыда олысьяс лыдӧ.

Псалтыр 72:10

Лёк вӧчысьяс дінӧ бергӧдчӧ тшӧтш Енлӧн войтырыс, ва моз пӧтлытӧг юӧ налысь лёк кывъяссӧ.

Псалтыр 72:15

Но ме кӧ шуи, мый кута на моз сёрнитны, ме эськӧ мыжа вӧлі Тэнад войтырыд водзын.

Петӧм 30:34

Господь тшӧктіс Мӧисейлы: «Босьт ӧтмындаӧн чӧскыд ӧвтанторъяс – стакти, оних да халван, тшӧтш ладан сир.

Шусьӧгъяс 20:15

Эм зарни, эмӧсь дона изъяс, но медся донаыс – мывкыд сёрни.

Еклесиаст 2:8

Ме чукӧрті аслым эзысь-зарни, ӧксыяслысь да мукӧд войтыръяслысь озырлунсӧ. Чукӧрті ас дінӧ сьылысь аньясӧс да айуловӧс и босьті аслым гӧтырӧ уна аньӧс, медым найӧ гажӧдісны менӧ.

Матвей 2:11

Керкаӧ пырӧм бӧрын найӧ аддзисны кагаӧс Мария мамыскӧд. Пидзӧс выланыс уськӧдчӧмӧн найӧ копыртчылісны кагалы да сетісны Сылы дона козинъяс: зарни, ладан да смирна.

Восьтӧм 21:11

Сійӧ югъяліс Ен дзирдлунӧн да дзирдаліс дона из моз, югъялысь яшма моз.