Ӧксыяслӧн 3 небӧг 10:1 - Коми Библия 2023

¹ Саваса ӧксы-ань кыліс, мый Соломонлӧн нималӧмыс вайӧ ошкӧм Господьлы, да петіс туйӧ, медым нӧдкывъясӧн тӧдмавны Соломонлысь мывкыдлунсӧ.

Ӧксыяслӧн 3 небӧг 10:1 ပူးပေါင်းရင်းမြစ်များ

Олӧм 10:28

Овал, Авимаэл, Шевей,

Олӧм 10:7

Кушлӧн вӧліны Севей, Хавил, Савтай, Рамай да Савтек пиян. Рамайлӧн вӧліны Шевей да Дедан пиян.

Олӧм 25:3

Иокшанлӧн чужисны Шевей [да Теман] да Дедан пиян. [Деданлӧн чужисны Рагуил да Навдеил.] Дедан рӧдысь петісны ашшурейяс, летушейяс да леуммейяс.

Ӧксыяслӧн 3 небӧг 10:24

Мувывса став йӧзыс зілисны аддзывны Соломонӧс да кывзыны сійӧс, ӧд сылӧн вӧлі Енсянь мывкыдлун.

Ӧксыяслӧн 3 небӧг 4:31

Став йӧз пиысь сійӧ вӧлі медсюсь, весиг эзрахса Этан, Махоллӧн Еман, Калкол да Дардай пиян дорысь вӧлі сюсь. Соломон нималіс матігӧгӧр олысь войтыръяс пӧвстын.

Ӧксыяслӧн 3 небӧг 4:34

Соломонлысь мывкыд сёрнисӧ волісны кывзыны став муясысь йӧз. Найӧс мӧдӧдісны ӧксыяс, кодъяс кывлісны сылӧн мывкыдлун йылысь.

Ӧксыяслӧн 3 небӧг 5:14

Быд тӧлысьӧ Соломон мӧдӧдліс Ливанӧ дас сюрс мортӧс вежласьӧмӧн. Ӧти тӧлысьсӧ найӧ уджалісны, а кык тӧлысьсӧ вӧліны гортаныс. Веськӧдліс наӧн Адонирам.

Иов 28:28

Мортлы Енмыс шуис: «Господьысь полӧм эм мывкыдлун, лёксьыс ылыстчӧм эм сюсь вежӧр».

Иов 6:19

Темаса караванъяс корсьӧны шоръяс, саваса ветлысь-мунысьяс лача кутӧны ва вылӧ.

Псалтыр 49:4

Сійӧ чуксалӧ енэжсӧ да мусӧ, медым мыждыны Ассьыс войтырсӧ.

Псалтыр 72:10

Лёк вӧчысьяс дінӧ бергӧдчӧ тшӧтш Енлӧн войтырыс, ва моз пӧтлытӧг юӧ налысь лёк кывъяссӧ.

Псалтыр 72:15

Но ме кӧ шуи, мый кута на моз сёрнитны, ме эськӧ мыжа вӧлі Тэнад войтырыд водзын.

Исай 60:6

Тэ дінӧ локтас уна верблюд, Мадианысь да Эфаысь локтасны том верблюдъяс. Саваын олысьяс локтасны тэ дінӧ, ваясны чӧскыд ӧвтанторъяс да зарни, кыпӧдасны Господьлы ошкӧм.

Еремей 6:20

Меным оз ков Саваысь вайӧм ладаныс, оз ков ылі муысь вайӧм чӧскыд дука туруныс. Тіянлысь сотан висьяснытӧ Ме ог кӧсйы, тіян висьясныд Меным абу шогманаӧсь».

Езекиль 16:14

Мукӧд войтыръяс пӧвстын тэ нималін аслад тыр-бур мичлуннад, мыйӧн Ме вевтти тэнӧ, – висьталӧ Господь Ыджыдыс.

Езекиль 38:13

Саваын да Деданын олысьяс, тшӧтш фарсисса вузасьысьяс да лев кодь ён йӧз юаласны тэнсьыд, локтін-ӧ куштыны мусӧ, чукӧртін-ӧ тышкайӧзтӧ, медым мырддявны эзысь-зарни, ыж-мӧс да эмбур-озырлун.

Матвей 12:42

Лунвыв муысь ӧксы-ань сувтас мыждан лунӧ ӧнія олысьяскӧд да мыжалас найӧс. Ӧд му помсяньыс сійӧ воліс кывзыны Соломонлысь мывкыд сёрнисӧ. Но тані тіянкӧд Сійӧ, коді Соломон дорысь ыджыдджык».

Матвей 13:11

Исус вочавидзис: «Тіянлы сетӧма тӧдны Енэжвыв Юралӧмлысь гусяторъяссӧ, а налы абу.

Матвей 13:35

медым иніс пророклӧн шуӧмыс: – Ме сёрнита тіянкӧд велӧданвисьтъясӧн, му пуксьӧмсяньыс дзебӧмасӧ юӧрта.

Марк 4:34

Велӧданвисьтъястӧг Исус эз сёрнитлы йӧзыскӧд, а велӧдчысьясыслы ас кежаныс гӧгӧрвоӧдліс ставсӧ.

Лука 11:31

Лунвыв муысь ӧксы-ань сувтас мыждан лунӧ ӧнія олысьяскӧд да мыжалас найӧс. Ӧд му помсяньыс сійӧ воліс кывзыны Соломонлысь мывкыд сёрнисӧ. Но тані тіянкӧд Сійӧ, коді Соломон дорысь ыджыдджык.

Иоан 17:3

Помтӧм олӧмыс – тайӧ тӧдны Тэнӧ, ӧти збыль Енмӧс, да Тэӧн мӧдӧдӧм Исус Кристосӧс.