Ӧксыяслӧн 3 небӧг 1:38 - Коми Библия 2023

³⁸ Садок поп, Нафан пророк, Иодайлӧн Бенай пиыс и ӧксыӧс видзысь керетсаяс да пелетсаяс мунісны, пуксьӧдісны Соломонӧс Давид ӧксылӧн мул вылӧ да нуӧдісны Гихон ва петанін дорӧ.

Ӧксыяслӧн 3 небӧг 1:38 ပူးပေါင်းရင်းမြစ်များ

Ӧксыяслӧн 2 небӧг 13:29

Кесйӧгъяс вӧчисны Авессаломлӧн тшӧктӧм серти. Сэки ӧксылӧн пиян быдӧн сӧліс аслас мул вылӧ да пышйис.

Ӧксыяслӧн 2 небӧг 15:18

Ӧксы водзвывті восьлалӧмӧн мунісны сылӧн кесйӧгъясыс, тшӧтш керетсаяс да пелетсаяс да нӧшта квайтсё морт, кодъяс коркӧ локтісны сыкӧд Гефысь.

Ӧксыяслӧн 2 небӧг 20:7

Медым вӧтӧдны Бикрилысь Шевей писӧ, Ерусалимысь Авишайкӧд петісны Йоавлӧн йӧзыс, нӧшта керетсаяс, пелетсаяс да мукӧд тышкайӧз.

Ӧксыяслӧн 2 небӧг 8:18

Иодайлӧн Бенай пиыс веськӧдліс ӧксыӧс видзысь керетса да пелетса шыпуртаясӧн. Давид ӧксылӧн пияныс отсасисны сылы юралӧмын.

Ӧксыяслӧн 3 небӧг 1:26

А менӧ, тэнсьыд кесйӧгтӧ, Садок попӧс, Иодайлысь Бенай писӧ да тэнсьыд Соломон питӧ, коді кесъялӧ тэныд, сійӧ эз кор.

Ӧксыяслӧн 3 небӧг 1:33

ӧксы шуис налы: «Босьтӧй аскӧдныд менсьым кесйӧгъясӧс, а Соломон пиӧс пуксьӧдӧй менам мул вылӧ да нуӧдӧй сійӧс Гихон ва петанін дорӧ.

Ӧксыяслӧн 3 небӧг 1:8

Но Садок поп, Иодайлӧн Бенай пиыс, Нафан пророк, Шимей, Рей да Давидлӧн вына тышкасьысьяс эз вӧвны Адоний дор.

Ӧксыяслӧн 3 небӧг 2:15

Адоний шуис: «Тэ ӧд тӧдан, мый юралӧмыс вӧлі менам киын, Израиль войтыр весиг сибӧдіс менӧ ӧксыӧс моз. Но ӧксыӧ ме пыдди пуксис менам вокӧй, ӧд тадзи вӧлі шуӧма Господь.

Ӧксыяслӧн 3 небӧг 2:35

Йоав пыдди тышкайӧзӧн веськӧдлыны Соломон пуктіс Бенайӧс, [ачыс Соломон сэки ӧксыаліс Ерусалимын,] а Авиатар поп пыдди ӧксы пуктіс [аркирейӧ] Садокӧс. [Господь сетіс Соломонлы ыджыд мывкыдлун, сюсь вежӧр да уна тӧдӧмлун, сылӧн тӧдӧмлуныс вӧлі саридздор лыа мында. Соломонлӧн мывкыдлуныс вӧлі ёна ыджыдджык важ олысьяслӧн да Египетын олысь мывкыда йӧзлӧн дорысь. Соломон босьтіс гӧтырӧ фараонлысь нывсӧ да вайӧдіс сійӧс Давид карӧ. Сэні гӧтырыс оліс, кытчӧдз Соломон эз лэпты аслыс керка. Но медводз сійӧ лэптіс Господьлы крам да Ерусалим гӧгӧр стен. Соломон вӧчис крамсӧ сизим во чӧж. Соломонлӧн вӧлі сизимдас сюрс морт, кодъяс кыскалісны-ваялісны изъяс, и кӧкъямысдас сюрс морт, кодъяс кералісны-перйисны изсӧ изкыртаысь. Соломон вӧчӧдіс вайӧртӧд да сы улын сулалысь пыкӧдъяс, вӧчӧдіс ыджыд мыссян дозъяс да сюръяяс, крам йӧрас вӧчӧдіс ва петанін да ыргӧнысь вайӧртӧд. Соломон вӧчӧдіс изкар да сы гӧгӧр стен, юкис Давид карсӧ кык пельӧ. Фараонлӧн нылыс вуджис Давид карысь аслас керкаӧ, кодӧс Соломон лэптіс сылы. Кар гӧгӧрыс Соломон кыпӧдіс стен. Куимысь вонас Соломон вайліс сотан да бурасян висьяс висьпуктанін вылын, кодӧс сійӧ лэптіс Господьлы, и сэні Господь водзын тшынӧдчис. Соломон помаліс керка лэптӧмсӧ. Сылӧн вӧлі куим сюрс квайтсё морт, кодъяс видзӧдісны уджалысьяс бӧрся. Господьлысь крамсӧ лэптӧм бӧрын да Ерусалим кар гӧгӧр стен кыпӧдӧм бӧрын Соломон нӧшта кыпӧдіс Ассур, Магдон, Гезер, Вылыс Бет-Хорон да Баалат каръяс. Ловъя дырйиыс на Давид шуліс Соломонлы: «Тэ тӧдан Бахуримысь Венямин чужанкотырысь Герлысь Шимей писӧ. Сійӧ быд ногыс лёкӧдіс менӧ, кор ме вӧлі муна Маханаимӧ. Но кор ме бӧр локті, сійӧ меным воча петіс Йӧрдан ю дорын, и сэки ме Господь водзын кыв сеті сылы, мый ог ви сійӧс. А тэ эн коль сійӧс мыждытӧг. Тэ мывкыд морт, и ачыд тӧдан, мый сыкӧд вӧчны, медым пӧрысь кадас сійӧ вуджас кулӧмаяс дінӧ сылысь вирсӧ кисьтӧм бӧрын».]

1 Каднебӧг 18:17

Иодайлӧн Бенай пиыс веськӧдліс ӧксыӧс видзысь керетса да пелетса шыпуртаясӧн. Давид ӧксылӧн ыджыдджык пияныс отсасисны сылы юралӧмын.

Софоний 2:5

Курыд шог саридздор муын олысьяслы, керетса войтырлы. Господь висьталӧ Ханаан му йылысь, шуӧ Филистим му йылысь: – Ме бырӧда тэнӧ, тэнад оз коль олысьыс.

Закар 9:9

Долыда нимкодясь, Сион ныв, кыпыда гажӧдчы, Ерусалим ныв! Видзӧд, Ӧксыыд локтӧ тэ дінӧ! Сійӧ веськыда вӧчысь да вына мездысь, Сійӧ рам сьӧлӧма, локтӧ осёл вылын, пукалӧ осёл чань вылын.

Ӧксыяслӧн 1 небӧг 30:14

Ми уськӧдчылім керетсаяслӧн, Иуда войтырлӧн да Калев рӧдлӧн Негев му вылӧ, а Сиклаг кар ми сотім биӧн».