Ӧксыяслӧн 3 небӧг 1:31 - Коми Библия 2023

³¹ Вирсавия муӧдзыс копыртчылӧмӧн шуис ӧксылы: «Мед олас нэмъяс чӧж Давид ӧксы, менам ыджыдӧй!»

Ӧксыяслӧн 3 небӧг 1:31 ပူးပေါင်းရင်းမြစ်များ

Ӧксыяслӧн 2 небӧг 9:6

Саул Ионафанлӧн Мепибошет пиыс локтіс Давид дінӧ да муӧдзыс копыртчис сылы. «Мепибошет!» – шыасис Давид сы дінӧ. Мӧдыс вочавидзис: «Ме – тэнад кесйӧг».

Ӧксыяслӧн 3 небӧг 1:25

Талун сійӧ мунӧма да вись вайӧм могысь начкӧма уна ӧшкӧс, куканьӧс да ыжӧс. Корӧма сэтчӧ, ӧксыӧй, став тэнсьыд пиянтӧ, тышкайӧзӧн веськӧдлысьясӧс да Авиатар попӧс. Ӧні найӧ ставныс сёйӧны-юӧны да шуалӧны: ”Мед олас Адоний ӧксы!”

Неемий 2:3

Полӧмпырысь вочавидзи сылы: «Кузь нэм ӧксылы! Кыдзи нӧ ме верма дзебны шогсьӧмӧс, кор кисьтӧма карсӧ, кытчӧ дзебӧма менсьым батьясӧс, да сотӧма карыслысь дзиръяяссӧ».

Эсфир 3:2

Быдӧн, коді кесъяліс ӧксылы, Аманкӧд паныдасигӧн пидзӧс вылас сувтӧмӧн копыртчыліс сы водзӧ, ӧд татшӧм вӧлі ӧксылӧн тшӧктӧмыс. Но Мардокей эз копыртчыв да эз сувтлы пидзӧс вылас Аман водзӧ.

Даниил 2:4

Найӧ шыасисны ӧксы дінӧ арамей кыв вылын: «Мед олас ӧксы нэмъяс чӧж! Висьтав миянлы, аслад кесйӧгъяслы, вӧттӧ, и ми гӧгӧрвоӧдам сійӧс».

Даниил 3:9

Найӧ шуисны Навукодоносор ӧксылы: «Мед олас ӧксы нэмъяс чӧж!

Даниил 5:10

Ӧксылӧн мамыс кывліс, мый йылысь сёрнитӧны ӧксы да сылӧн чина йӧзыс, и локтіс налӧн гажӧдчанінӧ. Сійӧ шуис: «Мед олас ӧксы нэмъяс чӧж! Ӧксыӧй, тэнад мӧвпъясыд мед оз майшӧдлыны тэнӧ, тэнад чужӧмыд мед оз кельдӧд!

Даниил 6:21

Даниил вочавидзис ӧксылы: «Мед олас ӧксы нэмъяс чӧж!

Даниил 6:6

Ыджыдалысьяс да сатрапъяс ӧтвылысь локтісны ӧксы дінӧ да шуисны сылы: «Мед олас Дарий ӧксы нэмъяс чӧж!

Матвей 21:37

Медбӧрти виноград быдтысьяс дінӧ овмӧс кутысь мӧдӧдас ассьыс писӧ, мӧвпыштас: ”Менам пиысь, гашкӧ, яндысясны”.

Ефесӧ 5:33

Сідзкӧ, быдӧн мед радейтӧ гӧтырсӧ асьсӧ моз, а гӧтыр мед пыдди пуктӧ верӧссӧ.

Еврейяслы 12:9

Мувывса батьяс миянӧс ставнымӧс чирыштлісны, но ми найӧс пыдди пуктім. Сідзкӧ, кымын пӧв ёнджыка на колӧ кывзысьны енэжвыв Батьлысь, медым овны.

Ӧксыяслӧн 1 небӧг 20:41

Зонка муніс. Сэки Давид петіс лунвывладорсяньыс да куимысь муӧдзыс копыртчыліс Ионафанлы. Найӧ окалісны ӧта-мӧднысӧ да кыкнанныс бӧрдісны, но Давид бӧрдіс ёнджыка.

Ӧксыяслӧн 1 небӧг 24:8

Тайӧ кывъяснас Давид ӧлӧдіс ассьыс йӧзсӧ да эз лэдз уськӧдчыны Саул вылӧ. Саул петіс кырта горсйысь да мӧдӧдчис водзӧ.