Ӧксыяслӧн 2 небӧг 8:6 - Коми Библия 2023

⁶ Дамаскӧ Давид сувтӧдаліс ассьыс тышкакотыръяссӧ. Тадзи арамейяс шедісны Давидлӧн кипод улӧ да кутісны мынтыны сылы вот. Господь быд тышын отсаліс Давидлы вермыны.

Ӧксыяслӧн 2 небӧг 8:6 ပူးပေါင်းရင်းမြစ်များ

Ӧксыяслӧн 2 небӧг 10:19

Кор Ададезерлӧн киподувса ӧксыяс аддзисны, мый израильсаяс вермисны найӧс, сэки сёрнитчисны израильсаяскӧд, мед пом пуктыны тышныслы, сэсся сетчисны налы. Арамейяс сэсся эз нин лысьтны отсавны аммон войтырлы.

Ӧксыяслӧн 2 небӧг 23:14

Давид вӧлі сайӧдчанінын, а филистимсаяслӧн тышкакотырыс – Виплиемын.

Ӧксыяслӧн 2 небӧг 3:18

Вӧчӧй тайӧс ӧні. Господь ӧд шуліс Давидлы, Менам Давид кесйӧг киӧн пӧ Ме мезда Ассьым Израиль войтырӧс филистимсаясысь да став вӧрӧгысь».

Ӧксыяслӧн 2 небӧг 5:10

Господь Ен Саваоф вӧлі Давидкӧд, та вӧсна сійӧ лои вына юралысьӧн.

Ӧксыяслӧн 2 небӧг 7:9

Ме вӧлі тэкӧд быдлаын, кытчӧ тэ ветлін. Ме бырӧді тэ водзысь вӧрӧгтӧ. Ӧні Ме нимӧда тэнӧ, кыпӧда тэнӧ мувывса нималана йӧзысь вылӧджык на.

Ӧксыяслӧн 2 небӧг 8:14

Став Эдом пасьтала сійӧ сувтӧдаліс тышкакотыръяс. Эдомсаяс шедісны Давидлӧн кипод улӧ. Господь быд тышын отсаліс Давидлы вермыны.

Ӧксыяслӧн 2 небӧг 8:2

Давид пасьвартіс тшӧтш моавсаясӧс. Тыш помасьӧм бӧрын сійӧ водтӧдіс найӧс му вылас, босьтіс гез да мурталіс: быд кык гез кузьта мурталӧмаясӧс виис, а ӧти гез кузьта мурталӧмаясӧс ловйӧн колис. Моавсаяс лоисны Давидлы кесйӧгъясӧн, мынтісны сылы вот.

Ӧксыяслӧн 2 небӧг 8:7

Давид босьтіс Ададезер тышкайӧзлысь зарни сайӧдъяссӧ да вайис Ерусалимӧ. [Бӧрынджык найӧс босьтіс египетса Шишак ӧксы, кор сійӧ уськӧдчис Ерусалим вылӧ. Тайӧ вӧлі Соломонлӧн Ровоам пилӧн веськӧдлӧм дырйи.]

Ӧксыяслӧн 3 небӧг 4:21

Соломон кипод улын вӧлі став муыс Ефрат юсянь Филистим муӧдз да Египетӧдз. Ӧксыяс вайлісны Соломонлы козинъяс да кесъялісны сылы став сылӧн олан лунъяс чӧж.

Ӧксыяслӧн 4 небӧг 1:1

Ахавлӧн кулӧм бӧрын моавсаяс кыпӧдчисны Израильлы паныд.

Ӧксыяслӧн 4 небӧг 14:28

Еровам ӧксыалӧм дырйи мукӧд лоӧмторъяс йылысь, сылӧн уджъяс да вермӧмъяс йылысь гижӧма израильса ӧксыяслӧн каднебӧгӧ. Сэтчӧ нӧшта гижӧма, кыдзи Еровам тышкасис да бӧр бергӧдіс Израильлы Дамаск да Хамат каръяс, кодъяс коркӧ вӧліны Иуда чужанкотырлӧн кипод улынӧсь.

Ӧксыяслӧн 4 небӧг 18:7

Господь вӧлі Езекейкӧд, та вӧсна сылӧн ставыс артмис. Езекей кыпӧдчис ассурса ӧксылы паныд да дугдіс сылы кесъявны.

Ӧксыяслӧн 4 небӧг 3:4

Моавса Мешай нима ӧксылӧн вӧлі зэв уна ыж-меж. Сійӧ ыстыліс вот пыдди израильса ӧксылы сё сюрс баля да сё сюрс шыртӧм меж.

1 Каднебӧг 18:13

Став Эдом пасьтала сійӧ сувтӧдаліс тышкакотыръяс. Эдомсаяс шедісны Давидлӧн кипод улӧ. Господь быд тышын отсаліс Давидлы вермыны.

2 Каднебӧг 17:2

Иосафат мӧдӧдіс ассьыс тышкайӧзсӧ иудаса став изкарӧ. Сійӧ сувтӧдіс тышкакотыръясӧс Иуда му пасьтала да Ефрем чужанкотырлӧн каръясӧ, тайӧ каръяссӧ босьтліс сылӧн Аса батьыс.

Псалтыр 140:7

Найӧ шуасны, путкылялӧм эжа моз пӧ лыясным куйлӧны пыдӧстӧминлӧн дзиръя дорын.

Шусьӧгъяс 21:31

Вӧлӧс дасьтӧны тышкасян лун кежлӧ, но вермӧмсӧ Господь сетӧ.

Ӧксыяслӧн 1 небӧг 13:3

Геваын Ионафан пасьвартіс филистимсаяслысь тышкакотырсӧ. Та йылысь кывсис мукӧд филистимса тышкайӧзлы. Сэки Саул тшӧктіс буксыны буксанӧн Израиль му пасьтала, медым еврейяс тӧдмалісны,

Ӧксыяслӧн 1 небӧг 14:1

Ӧтчыд Сауллӧн Ионафан пиыс шуис шыпурт новлӧдлысь кесйӧгыслы: «Мунам сёртас мӧдарладорас филистимса тышкакотыр дінӧ». Но аслас батьыслы та йылысь эз висьтав.

Ӧксыяслӧн 1 небӧг 14:15

Филистимсаяслӧн чукӧртчанінын да тышкасянінын став йӧзыс зэв ёна повзисны. Водзын мунысь да мусӧ куштысь тышкакотыръясӧс дзӧрӧм босьтіс. [Найӧ весиг эз кӧсйыны тышӧ петны.] Муыс сыркмунліс. Господь ыстіс йӧзыслы полӧм.

Ӧксыяслӧн 1 небӧг 14:6

Ионафан шуис аслас кесйӧглы: «Лок мунам тайӧ вундыштчытӧм тышкакотырыс дінӧ. Гашкӧ, Господь отсалас миянлы. Сійӧ вермӧ мездыны Ассьыс войтырсӧ уна йӧз пыр либӧ некымын морт пыр».