Ӧксыяслӧн 2 небӧг 8:2 - Коми Библия 2023

² Давид пасьвартіс тшӧтш моавсаясӧс. Тыш помасьӧм бӧрын сійӧ водтӧдіс найӧс му вылас, босьтіс гез да мурталіс: быд кык гез кузьта мурталӧмаясӧс виис, а ӧти гез кузьта мурталӧмаясӧс ловйӧн колис. Моавсаяс лоисны Давидлы кесйӧгъясӧн, мынтісны сылы вот.

Ӧксыяслӧн 2 небӧг 8:2 ပူးပေါင်းရင်းမြစ်များ

Ӧксыяслӧн 2 небӧг 12:31

Карса олысьясӧс тшӧтш петкӧдіс. Сійӧ сьӧкыда уджӧдіс найӧс: ӧтияс уджалісны чер-пилаӧн, мӧдъяс – кӧрт коканӧн, коймӧдъяс сотісны кирпич. Тадзи Давид вӧчис аммон войтырлӧн быд карын, а сэсся аслас тышкайӧзкӧд бӧр локтіс Ерусалимӧ.

Ӧксыяслӧн 2 небӧг 8:6

Дамаскӧ Давид сувтӧдаліс ассьыс тышкакотыръяссӧ. Тадзи арамейяс шедісны Давидлӧн кипод улӧ да кутісны мынтыны сылы вот. Господь быд тышын отсаліс Давидлы вермыны.

Ӧксыяслӧн 3 небӧг 4:21

Соломон кипод улын вӧлі став муыс Ефрат юсянь Филистим муӧдз да Египетӧдз. Ӧксыяс вайлісны Соломонлы козинъяс да кесъялісны сылы став сылӧн олан лунъяс чӧж.

Ӧксыяслӧн 4 небӧг 1:1

Ахавлӧн кулӧм бӧрын моавсаяс кыпӧдчисны Израильлы паныд.

Ӧксыяслӧн 4 небӧг 17:3

Ассурса Салманассар ӧксы тышӧ петіс Осийлы паныд. Осий шедіс Салманассар кипод улӧ и кутіс мынтыны сылы вот.

1 Каднебӧг 18:2

Давид пасьвартіс тшӧтш моавсаясӧс. Найӧ лоисны Давидлы кесйӧгъясӧн, мынтісны сылы вот.

2 Каднебӧг 26:8

Аммон войтыр мынтіс Озейлы вот. Озей нималіс весиг Египетын, ӧд сылӧн юралӧмыс вӧлі зумыд.

Псалтыр 108:9

Сылӧн челядьыс мед колясны батьтӧг, сылӧн гӧтырыс мед лоӧ дӧваӧн.

Псалтыр 60:8

мед сылӧн юралан пуклӧсыс пыр лоӧ Тэ водзын. Тэнад буралӧмыд да збыльыд мед видзасны сійӧс.

Псалтыр 83:6

Шуда сійӧ мортыс, кодлӧн выныс Тэсянь, коді сьӧлӧмсянь кӧсйӧ локны Тэнад крамӧ.

Исай 36:16

Энӧ кывзӧй Езекейӧс! Ассурса ӧксы тадзи висьталӧ: ”Сетчӧй меным да локтӧй ме дінӧ! Сэки ті кутанныд сёйны виноград да инжир вотӧс асланыд пуясысь, юны ва асланыд юкмӧсысь.

Лыд 24:17

Аддза Сійӧс, но ог на ӧні, видзӧда Сы вылӧ, но абу на матын. Яковсянь чужысьяс пӧвстысь кыпӧдчас кодзув, Израиль войтыр пӧвстысь кыптас юралан бедь. Сійӧ пасьвартас моавса юралысьясӧс, бырӧдас Сифсянь чужысьясӧс.

Ӧксыяслӧн 1 небӧг 10:27

А шогмытӧм йӧз шуасисны, кутшӧм пӧ сійӧ мездысь миянлы. Найӧ нинӧмӧ пуктісны Саулӧс, эз вайны сылы козинъяс. Но Саул быттьӧ эз казяв тайӧс.

Ӧксыяслӧн 1 небӧг 14:47

Сауллӧн ӧксыалӧмыс Израильын зумыдмис. Сійӧ тышкасис Израиль гӧгӧр олысь вӧрӧгкӧд: моав да аммон войтыръяскӧд, эдомсаяскӧд [да вефорсаяскӧд], цоваса ӧксыяскӧд да филистимсаяскӧд. Код вылӧ сійӧ уськӧдчыліс, ставнысӧ вермыліс.

Ӧксыяслӧн 1 небӧг 22:3

Сэсянь Давид муніс Моав муӧ Мицфеӧ. Моавса ӧксылы шуис: «Кора тэнӧ, лэдз бать-мамлы олыштны тэ ордын, кытчӧдз ме ог тӧдмав, мый мекӧд вӧчас Ен».

Ӧксыяслӧн 1 небӧг 22:4

Давид вайӧдіс бать-мамсӧ моавса ӧксы дінӧ. Найӧ кольччисны сы ордӧ, кытчӧдз Давид эз пет сайӧдчанінысь.