Ӧксыяслӧн 2 небӧг 8:13 - Коми Библия 2023

¹³ Давид кутіс нимавны, кор сійӧ вермис Сола ковтысын дас кӧкъямыс сюрс эдомса тышкамортӧс.

Ӧксыяслӧн 2 небӧг 8:13 ပူးပေါင်းရင်းမြစ်များ

Олӧм 11:4

Найӧ шуисны: «Лэптамӧй аслыным кар да башня, джуджданас мед лоӧ енэжӧдз. Тадзи нимӧдам асьнымӧс да став му пасьталаыс огӧ разалӧй».

Ӧксыяслӧн 2 небӧг 7:9

Ме вӧлі тэкӧд быдлаын, кытчӧ тэ ветлін. Ме бырӧді тэ водзысь вӧрӧгтӧ. Ӧні Ме нимӧда тэнӧ, кыпӧда тэнӧ мувывса нималана йӧзысь вылӧджык на.

Ӧксыяслӧн 3 небӧг 11:15

Кор Давид тышкасис Эдомын, сылӧн тышкайӧзӧн веськӧдлысь Йоав муніс дзебны виӧмаясӧс. Та дырйи Йоав виис Эдомысь став айуловсӧ.

Ӧксыяслӧн 4 небӧг 14:7

Амасей пасьвартіс Сола ковтысын дас сюрс эдомса тышкамортӧс. Сійӧ босьтіс налысь Села кар да сетіс сылы выль ним – Иоктеэл. Тайӧ карыс ӧнӧдз тадзи шусьӧ.

1 Каднебӧг 18:12

Саруялӧн Авишай пиыс пасьвартіс Сола ковтысын дас кӧкъямыс сюрс эдомса тышкамортӧс.

2 Каднебӧг 25:11

Амасей веніс ассьыс полӧмсӧ да нуӧдіс тышкайӧзсӧ Сола ковтысӧ. Сэні иудаса тышкайӧз виисны дас сюрс сеирса тышкамортӧс,

Псалтыр 60:1

Сьылысьясӧн веськӧдлысьлы. Ворсӧны струнаа ворсанторйӧн. Давидлӧн псалом.