Ӧксыяслӧн 2 небӧг 6:14 - Коми Библия 2023

¹⁴ Шабді ефод кежсьыс Давид став сьӧлӧмсяньыс чеччаліс-йӧктіс Господь водзын.

Ӧксыяслӧн 2 небӧг 6:14 ပူးပေါင်းရင်းမြစ်များ

Ӧксыяслӧн 2 небӧг 6:15

Тадзи буксан шы улӧ гораа нимкодясьӧмӧн Давид да став Израиль войтыр вуджӧдісны Господьлысь кудсӧ.

Ӧксыяслӧн 2 небӧг 6:20

Давид муніс гортас, мед бурсины гортсаяссӧ. Сылы воча петіс Сауллӧн Мелкола нылыс [чолӧмасис сыкӧд] да шуис: «Израильлӧн ӧксы талун янӧдіс асьсӧ. Тэ пасьтӧгыд чеччалін аслад йӧзлӧн кесйӧг аньяс водзын, асьтӧ йӧй туйӧ пуктін».

1 Каднебӧг 15:27

Давид вӧлі пасьтасьӧма вӧсни шабдіысь кыӧм ризаӧ, тадзи жӧ вӧлі пасьтасьӧмаӧсь Енлысь кудсӧ нуысь левитъяс, сьылысьяс да Кенаний – сьылысьясӧн да ворсысьясӧн веськӧдлысь. Давид вылын нӧшта вӧлі шабді ефод.

Псалтыр 149:3

Ошкӧй Сылысь нимсӧ йӧктӧмӧн, сьылӧй Сылы тимпанӧн да гуслиӧн ворсӧмӧн.

Псалтыр 150:4

Ошкӧй Сійӧс тимпан шы улӧ йӧктӧмӧн, ошкӧй Сійӧс струнаа ворсанторйӧн да пӧлянӧн!

Псалтыр 30:11

Шогын помасьӧ менам олӧмӧй, бӧрдӧмӧн тырӧма олан лунъясӧй. Аслам мыж вӧсна ме дзикӧдз вынтӧмми, менам лыясӧй косьмисны.

Псалтыр 87:7

Тэ шыбитін менӧ пыдӧстӧм гуӧ, пемыдінӧ да джуджыдінӧ.

Петӧм 15:20

Мирьям пророк, Ааронлӧн чойыс, босьтіс тимпан, сы бӧрся мукӧд аньыс тимпанӧн тшӧтш петісны сьывны-йӧктыны.

Петӧм 15:21

Мирьям сьыліс: «Сьылӧй Господьлы, ӧд Сійӧ ыджыд! Вӧвъясӧс да верзьӧмаясӧс Сійӧ саридзын пӧдтіс».

Петӧм 19:6

Ті лоанныд Менам попъясӧн да вежа войтырӧн. Висьтав тайӧ кывъяссӧ Израиль пиянлы».

Еклесиаст 9:10

Ставсӧ, мый верман, вӧч выныд серти. Ӧд кулӧмаяслӧн оланінас, кытчӧ тэ мунан, оз ло уджалӧмыс, мӧвпалӧмыс, тӧдӧмлуныс да мывкыдлуныс.

Езекиль 46:10

Ӧксылы колӧ пырны и петны войтырыскӧд ӧтлаын.

Лука 15:25

Ыджыд пиыс вӧлі видз вылын. Керка дорас матыстчигӧн сійӧ кылас сьылӧм-гажӧдчӧмсӧ,

Индӧд 6:5

Радейт Господьӧс, ассьыд Ентӧ, став сьӧлӧмнад, став олӧмнад да став выннад.

Колосӧ 3:23

Ставсӧ вӧчӧй сьӧлӧмсяньныд Господьлы моз, энӧ мортлы моз.

Ёрдысьяс 11:34

Еффай бӧр локтіс гортас Миспаӧ. Тимпанӧн ворсӧмӧн да йӧктӧмӧн Еффайӧс вочааліс сылӧн ӧтка нылыс. Мӧд ныв-пиыс сылӧн эз вӧв.

Ёрдысьяс 21:21

Кор силомса нывъяс локтасны йӧктыны, сэки петӧй виноград йӧръясысь. Быдӧн мед босьтас аслыс гӧтырӧс да бӧр мунас Венямин муӧ.

Ӧксыяслӧн 1 небӧг 2:18

А Самуил зонка кесъяліс Господь водзын, новліс шабдіысь вурӧм ефод.

Ӧксыяслӧн 1 небӧг 2:28

Ме бӧрйи тэнсьыд рӧдтӧ став Израиль чужанкотырысь да пукті найӧс попъясӧн, медым найӧ кесъялісны Меным висьпуктанін дорын, тшынӧдісны чӧскыд ӧвтанторъяс да новлісны ефод Ме водзын. Ме тшӧкті, мед тэнад рӧдыд босьтас Израиль войтырлӧн сотӧм висьясысь юкӧн.

Ӧксыяслӧн 1 небӧг 22:18

Сэки ӧксы шуис Доиклы: «Мун да ви найӧс». Эдомса Доик кывзысис. Сійӧ уськӧдчис попъяс вылӧ да сійӧ лунӧ виис кӧкъямысдас вит попӧс. Ставныс найӧ новлісны шабді ефод.