Ӧксыяслӧн 2 небӧг 5:11 - Коми Библия 2023

¹¹ Тирса Хирам ӧксы мӧдӧдіс аслас йӧзкӧд Давидлы сус пуяс, тшӧтш тшупсьысьясӧс да изйысь вӧчасьысьясӧс. Найӧ лэптісны Давидлы ыджыд керка.

Ӧксыяслӧн 2 небӧг 5:11 ပူးပေါင်းရင်းမြစ်များ

Ӧксыяслӧн 2 небӧг 5:12

Давидлы вӧлі гӧгӧрвоана, мый Аслас Израиль войтыр вӧсна Господь пуктіс сійӧс ӧксыӧ да зумыдмӧдіс сылысь юралӧмсӧ Израильын.

Ӧксыяслӧн 2 небӧг 7:1

Давид ӧксы оліс аслас ыджыд керкаын. Господь сетіс сылы лӧнь кад, мездіс сійӧс кытшалысь вӧрӧгъясысь.

Ӧксыяслӧн 2 небӧг 7:2

Ӧтчыд ӧксы шуис Нафан пророклы: «Кывзы, ме ачым ола сус пуысь вӧчӧм керкаын, а Енлӧн кудйыс сулалӧ чомйын».

Ӧксыяслӧн 3 небӧг 5:15

Нӧшта Соломонлӧн вӧліны уджалысьяс – сизимдас сюрс морт, кодъяс кыскалісны-ваялісны изъяс, и кӧкъямысдас сюрс морт, кодъяс кералісны-перйисны изъяс.

Ӧксыяслӧн 3 небӧг 5:18

Соломонлӧн йӧзыс лӧсалісны изъяссӧ Хирамлӧн йӧзкӧд да гевалсаяскӧд ӧтлаын. Тадзи [куим во чӧж] найӧ дасьтісны керъяс да изъяс Ен керка лэптӧм вылӧ.

1 Каднебӧг 14:1

Тирса Хирам ӧксы мӧдӧдіс аслас йӧзкӧд Давидлы сус пуяс, тшӧтш изйысь вӧчасьысьясӧс да тшупсьысьясӧс, медым лэптыны Давидлы ыджыд керка.

Ездра 3:7

Изйысь да пуысь вӧчасьысьяслы израильсаяс сетісны сьӧм, а сёян-юан да вый сетісны сидонса да тирса йӧзлы, медым найӧ саридзті вайисны Иоппия карӧ Ливанысь сус пуяс. Персияса Кир ӧксы лэдзис вӧчны тайӧс.

Псалтыр 30:1

Сьылысьясӧн веськӧдлысьлы. Давидлӧн псалом. [Шогсян кадӧ сьылӧм.]

Езекиль 26:2

«Морт пиӧй, Ерусалим йылысь Тирын олысьяс нимкодясьӧмӧн шуалӧны, киссьӧма пӧ войтыръяслы пыраніныс, а воссьӧма миянлы. Ми пӧ кутам озырмӧдчыны, а Иерусалимӧс лоӧ куштӧма.

Нав Исус 19:29

сэсянь бергӧдчӧ да воӧ Рама карӧ, водзӧ мунӧ да воӧ Тир изкарӧ, бара бергӧдчӧ да мунӧ Хоса карӧ. Мудорыс помасьӧ Ыджыд саридз дорын. Нӧшта налы вичмисны Акзив,