Ӧксыяслӧн 2 небӧг 4:6 - Коми Библия 2023

^6-7 [Керка видзысьыс шобді тусь весалігас вӧлі вугыртӧма.] Рекав да Баан вокъяс пырисны керкаас шобділа моз. Ишвошет сэки куйліс аслас узьлан жырйын. Вокъяс пырӧмсяньыс бытшкисны Ишвошетлы кынӧмас, керыштісны юрсӧ да босьтісны аскӧдыс, сэсся пышйисны. Войбыд найӧ мунісны Йӧрдан ковтысӧд.

Ӧксыяслӧн 2 небӧг 4:6 ပူးပေါင်းရင်းမြစ်များ

Ӧксыяслӧн 2 небӧг 2:23

[Мыйӧдз тайӧ вайӧдас? Бергӧдчы Йоав вокыд дінӧ.]» Но Асаил эз ӧвсьы. Сэки Авенир бӧрланьӧ шеныштчӧмӧн бытшкис Асаилӧс. Шыыс муніс кынӧм пырыс. Асаил усис да сэні и куліс. Быд мунысь сувтыштліс видзӧдлыны Асаил вылӧ.

Ӧксыяслӧн 2 небӧг 20:10

Амессай эз видзчысь, мый Йоав бытшкас сійӧс лэптӧм шыпуртнас. Шыпуртыс Амессайлы пырис веськыда кынӧмас, и гырк пытшкӧсыс петіс му вылас. Ӧти бытшкӧмысь Амессай дзик пыр куліс. Йоав Авишай вокыскӧд водзӧ мунісны вӧтӧдны Бикрилысь Шевей писӧ.

Ӧксыяслӧн 2 небӧг 3:27

Хевронӧ воӧм бӧрын карса дзиръя дорын Йоав нуӧдіс Авенирӧс бокӧ, быттьӧ кӧсйӧ гусьӧн сёрнитыштны сыкӧд. Сэні виис Авенирӧс, бытшкис сылы кынӧмас. Тадзи водзӧс перйис аслас Асаил вок вӧсна.

Ӧксыяслӧн 2 небӧг 4:2

Ишвошетлӧн вӧлі тышкайӧзӧн кык веськӧдлысь: ӧтисӧ шуисны Баан, мӧдсӧ – Рекав. Найӧ вӧліны Венямин чужанкотырысь, беротса Риммонлӧн пиян. Берот кар вуджис Венямин чужанкотырлы,

Ёрдысьяс 3:26

Кесйӧгъяслӧн ньӧжмасьӧм вӧсна Эхуд вермис пышйыны [ӧд сы йылысь эз мӧвпыштны]. Эхуд муніс бӧлбанъяс дорті да пышйис Сейра карӧ.