Ӧксыяслӧн 2 небӧг 4:12 - Коми Библия 2023

¹² Давид тшӧктіс аслас йӧзлы вины Рекавӧс да Баанӧс. Налысь керыштісны ки-коксӧ, сэсся ӧшӧдісны найӧс Хевронын вайӧртӧд дорӧ. А Ишвошетлысь юрсӧ босьтісны да пуктісны Авенир дзебанінӧ.

Ӧксыяслӧн 2 небӧг 4:12 ပူးပေါင်းရင်းမြစ်များ

Ӧксыяслӧн 2 небӧг 1:15

Сэсся Давид корис аслас тышкайӧзысь ӧтиӧс да шуис: «Ви сійӧс».

Ӧксыяслӧн 2 небӧг 16:8

Господь водзӧс перйӧ тэнсьыд Саул рӧдлысь вирсӧ кисьтӧмысь. Тэ пуксин ӧксыӧ Саул пыдди, но ӧні Господь сетіс ӧксыалӧмтӧ тэнад Авессалом пилы. Тэ морт виысь, та вӧсна тэнӧ суис тайӧ шогыс».

Ӧксыяслӧн 2 небӧг 2:8

Нирлӧн Авенир пиыс, Сауллӧн тышкайӧзӧн веськӧдлысь, босьтіс Сауллысь Ишвошет писӧ да вайӧдіс Маханаимӧ.

Ӧксыяслӧн 2 небӧг 3:32

Хевронын Авенирӧс дзебигӧн ӧксы став войтырыскӧд гораа бӧрдіс дзебанін дорас.

Матвей 7:2

Ӧд тіян мыждӧмныд ас выланыд бӧр воас. Асланыд мурталӧм серти тіянлы мурталасны.