Ӧксыяслӧн 2 небӧг 3:39 - Коми Библия 2023

³⁹ Менӧ мавтыштӧмӧн пуктӧма ӧксыӧ, но ӧні ме абу на сэтшӧм вына. А тайӧ йӧзыс, Саруялӧн пияныс, меысь ёна вынаджыкӧсь. Сідзкӧ, Господь мед Ачыс мынтысяс лёк вӧчысьлы сылӧн лёк вӧчӧмысь!»

Ӧксыяслӧн 2 небӧг 3:39 ပူးပေါင်းရင်းမြစ်များ

Ӧксыяслӧн 2 небӧг 16:10

Ӧксы шуис: «Мый ті ме понда шогсянныд, Саруя пиян? [Кольӧй сійӧс.] Мед лёкӧдас менӧ. Господь кӧ тшӧктіс лёкӧдны, вермас-ӧ кодкӧ юавны, мыйла сійӧ тадзи вӧчӧ».

Ӧксыяслӧн 2 небӧг 19:13

Амессайлы висьталӧй, мый сійӧ меным ас морт. И Енмыс мед ёна мыждас менӧ, ог кӧ пукты сійӧс Йоав пыдди пыр кежлӧ веськӧдлыны тышкайӧзӧн!»

Ӧксыяслӧн 2 небӧг 19:22

Давид шуис: «Мый ті ме понда шогсянныд, Саруя пиян? Мыйла ті ӧні меным паныд сувтанныд? Позьӧ ӧмӧй талун кодӧскӧ вины Израиль войтырысь, кор ме бара лои налы ӧксыӧн».

Ӧксыяслӧн 2 небӧг 3:38

Ӧксы шуис аслас йӧзлы: «Тӧдӧй ставныд, мый талун Израиль воштіс ыджыд мортӧс, вына веськӧдлысьӧс.

Ӧксыяслӧн 3 небӧг 2:32

Господь водзын сійӧ ачыс мыжа аслас кулӧмысь, ӧд Давид батьӧйлы висьтавтӧг сійӧ виис шыпуртӧн кык мортӧс – Нирлысь Авенир писӧ, израильса тышкайӧзӧн веськӧдлысьӧс, да Етерлысь Амессай писӧ, иудаса тышкайӧзӧн веськӧдлысьӧс. Найӧ вӧліны сыысь веськыдджыкӧсь да бурджыкӧсь.

Ӧксыяслӧн 3 небӧг 2:9

А тэ эн коль сійӧс мыждытӧг. Тэ мывкыд морт, и ачыд тӧдан, мый сыкӧд вӧчны, медым пӧрысь кадас сійӧ вуджас кулӧмаяс дінӧ сылысь вирсӧ кисьтӧм бӧрын».

1 Каднебӧг 22:5

Давид шуис: «Менам Соломон пиӧй том на, сылӧн абу на сямлуныс, а крамыс, мый колӧ вӧчны Господьлы, мед лоӧ медся мичаӧн, ошканаӧн да нималанаӧн став му пасьталаыс. Та вӧсна ме ставсӧ дасьта крам вӧчӧм вылӧ». Аслас кувтӧдз Давид унатор дасьтіс крам вӧчӧм вылӧ.

1 Каднебӧг 29:1

Чукӧртчӧм йӧзлы Давид ӧксы шуис: «Енмыс бӧрйис сӧмын ӧтнассӧ менсьым Соломон пиӧс. Сійӧ том на, оз на куж ставсӧ вӧчны. Сійӧс виччысьӧ ыджыд удж, ӧд тайӧ керкасӧ лоӧ вӧчӧма Господь Енлы, а оз мортлы.

2 Каднебӧг 13:7

Еровам дінӧ чукӧртчисны мывкыдтӧм да шогмытӧм йӧз да кыпӧдчисны Соломонлӧн Ровоам пилы паныд. Ровоам вӧлі том на, сійӧ унатор эз куж да эз вермы водзсасьны налы паныд.

Псалтыр 101:8

Ме ог вермы узьнысӧ, лои керка вевт вылын пукалысь ӧтка лэбач кодь.

Псалтыр 28:4

Господьлӧн гӧлӧс шыыс вына, Господьлӧн гӧлӧс шыыс ён.

Псалтыр 62:12

Но ӧксы кутас нимкодясьны Енмӧн. Ен водзын кыв сетысь кутас ошкыны Енмӧс, а пӧръясьысьяслысь вомсӧ лоӧ тупкӧма.

Псалтыр 7:16

Сійӧ кодйӧ гу, но ачыс сэтчӧ усьӧ.

Псалтыр 75:10

кор Енмыс сувтӧ мыждыны, медым мездыны мувывса став увтыртӧмасӧ.

Петӧм 21:12

«Коді вачкас мортӧс кувмӧныс, сійӧс асьсӧ мед виасны.

Шусьӧгъяс 20:8

Кор ӧксы пукалӧ ёрдысь пуклӧсын, сылӧн син водзысь став лёкыс разалӧ.

Шусьӧгъяс 25:5

вӧтлы ӧксы дінысь лёк йӧзӧс, сэки веськыдлуныс вынсьӧдас сылысь юралӧмсӧ.

Исай 3:11

Но курыд шог лёк вӧчысьлы! Сылы лоӧ мынтысьӧма уджъясыс серти.

Исай 7:4

Висьтав Ахазлы, мед лӧняс да оз майшась. Сылӧн лолыс мед оз нюкыртчы тайӧ тшыналысь кык сэрапомлӧн скӧралӧмысь. Мед оз пов Рецинысь да арамейясысь, мед оз пов Ремальлӧн пиысь.

Еремей 38:5

Седекей ӧксы шуис: «Сійӧ тіян киын, ме нинӧм ог вермы вӧчны тіянлы паныд».

Даниил 6:16

Сэки ӧксы тшӧктіс вайӧдны Даниилӧс да шыбитны сійӧс левъяслӧн гуӧ. Ӧксы шуис Данииллы: «Тэнад Енмыд, кодлы тэ дугдывтӧг кесъялан, мед мездас тэнӧ!»

Лыд 32:23

Но онӧ кӧ тадзи вӧчӧй, Господьлы паныд мыж вӧчанныд и мыж вӧснаныд асьныд кывкутанныд.

Римӧ 13:4

Юралысь – Енлӧн кесйӧг, сійӧс пуктӧма тэныд бур вылӧ. Вӧчан кӧ лёксӧ, пов! Оз ӧд весьшӧрӧ сійӧ новлӧдлы шыпурт. Сійӧ – Енлӧн кесйӧг, вермӧ чорыда дойдны лёк вӧчысьӧс.

2 Тимофейлы 4:14

Кузнеч Ӧльӧксан вӧчис меным уна лёксӧ. Господь Ачыс мед перъяс сылысь водзӧссӧ ставсьыс.

Ёрдысьяс 9:57

Енмыс водзӧс перйис тшӧтш Сикем карса олысьяслысь став налӧн лёк вӧчӧмысь. Найӧс суис Ероваал Иотам пилӧн ёрӧмыс.