Ӧксыяслӧн 2 небӧг 3:3 - Коми Библия 2023

³ Мӧд писӧ, Килавӧс, чужтіс Кармилысь Авигея, Наваллӧн вӧвлӧм гӧтырыс. Коймӧдсӧ, Авессаломӧс, чужтіс Маака, гешурса Талмай ӧксылӧн нылыс.

Ӧксыяслӧн 2 небӧг 3:3 ပူးပေါင်းရင်းမြစ်များ

Ӧксыяслӧн 2 небӧг 13:1

Авессаломлӧн, Давид пилӧн, вӧлі Фамар нима зэв мича чой. Сійӧс радейтіс Амнон, Давидлӧн мӧд пиыс.

Ӧксыяслӧн 2 небӧг 14:23

Сэсся Йоав муніс Гешурӧ да вайӧдіс Авессаломӧс Ерусалимӧ.

Ӧксыяслӧн 2 небӧг 14:24

Ӧксы шуис: «Авессалом мед мунас аслас керкаӧ, но менам чужӧмбан водзӧ мед оз петкӧдчыв». Авессалом овмӧдчис аслас керкаӧ, но ӧксы дінӧ сійӧс эз лэдзны.

Ӧксыяслӧн 2 небӧг 14:32

Авессалом вочавидзис: «Ме корлі тэнӧ, мед мӧдӧдны ӧксы дінӧ да юавны сылысь, мыйла сійӧ коркӧ корис менӧ Гешурысь. Меным сэні бурджык вӧлі. Ме кӧсъя аддзысьлыны ӧксыкӧд. Ме кӧ мыжа, мед сійӧ виас менӧ».

Ӧксыяслӧн 2 небӧг 15:7

Нёль во мысти Авессалом шуис Давидлы: «Лэдз менӧ ветлыны Хевронӧ, збыльмӧдны Господьлы кӧсйысьӧмӧс.

Ӧксыяслӧн 2 небӧг 15:8

Арам муын Гешурын олігӧн ме, тэнад кесйӧг, кыв сеті Господьлы, мый кута кесъявны Сылы, Сійӧ кӧ бӧр вайӧдас менӧ Ерусалимӧ».

Ӧксыяслӧн 2 небӧг 18:33

Ӧксы шогӧ усис. Сійӧ чеччис да кайис стенвывса жырйӧ. Мунігмозыс бӧрдӧмӧн шуаліс: «Авессалом пиӧй, Авессалом пиӧй! Бурджык, ме кӧ кулі тэ пыдди, пиукӧй!»

Ӧксыяслӧн 2 небӧг 2:2

Давид муніс сэтчӧ кыкнан гӧтырыскӧд: изреельса Ахиноамакӧд да кармилса Авигеякӧд, Наваллӧн вӧвлӧм гӧтыркӧд.

Ӧксыяслӧн 3 небӧг 1:6

Давид некор эз шуасьлы Адоний пиыс вылӧ да эз ӧлӧдлыв сійӧс. Адоний вӧлі зэв мича, Давидлӧн сійӧ чужис Авессалом бӧрся.

Ӧксыяслӧн 3 небӧг 2:15

Адоний шуис: «Тэ ӧд тӧдан, мый юралӧмыс вӧлі менам киын, Израиль войтыр весиг сибӧдіс менӧ ӧксыӧс моз. Но ӧксыӧ ме пыдди пуксис менам вокӧй, ӧд тадзи вӧлі шуӧма Господь.

1 Каднебӧг 3:1

Хевронын Давидлӧн чужисны пиян. Медводдза писӧ, Амнонӧс, чужтіс Изреельысь Ахиноама. Мӧд писӧ, Даниилӧс, чужтіс Кармилысь Авигея.

1 Каднебӧг 3:2

Коймӧдсӧ, Авессаломӧс, чужтіс Маака, гешурса Талмай ӧксылӧн нылыс. Нёльӧдсӧ, Адонийӧс, чужтіс Агита;

Индӧд 3:14

Манассей чужанкотырысь Яир босьтіс Аргов му Гешур да Маака муяс дорӧдз да сетіс Васан мулы ассьыс нимсӧ. Ӧнӧдз сэтчӧс сиктъяссӧ шуӧны Яирлӧн сиктъясӧн.

Нав Исус 13:13

Но израильсаяс эз вӧтлыны гешурсаясӧс да маакасаясӧс [да ханаансаясӧс], и гешурсаяс да маакасаяс ӧнӧдз олӧны израильсаяс пӧвстын.

Ӧксыяслӧн 1 небӧг 25:3

Тайӧ мортыслӧн нимыс вӧлі Навал. Гӧтырсӧ шуисны Авигея – сюсь вежӧра да мича чужӧмбана ань. Навал вӧлі Калев рӧдысь, чорыд сьӧлӧма да лёк оласнога морт.

Ӧксыяслӧн 1 небӧг 25:42

Авигея ӧдйӧ дасьтысис туйӧ. Сійӧ пуксис осёл вылӧ да вит кесйӧг анькӧд петіс туйӧ Давидлӧн кесйӧгъяс бӧрся. Тадзи Авигея лои Давидлы гӧтырӧн.

Ӧксыяслӧн 1 небӧг 27:8

Аслас йӧзкӧд Давид тшӧкыда уськӧдчывліс гешурсаяс, гирзейяс да амаликъяс вылӧ. Найӧ важысянь овмӧдчылӧмаӧсь тайӧ муас, паськӧдчылӧмаӧсь Шурӧдз да весиг Египетӧдз.