Ӧксыяслӧн 2 небӧг 3:10 - Коми Библия 2023

¹⁰ Господь шуліс, босьта пӧ ӧксыалӧмсӧ Саул рӧдлысь да пуксьӧда юралан пуклӧсас Давидӧс. Сійӧ пӧ кутас юравны Израильын да Иудаын – войвыв Дансянь лунвыв Бер-Шеваӧдз».

Ӧксыяслӧн 2 небӧг 3:10 ပူးပေါင်းရင်းမြစ်များ

Ӧксыяслӧн 2 небӧг 17:11

Та вӧсна ме вӧзъя тэныд: войвыв Дансянь лунвыв Бер-Шеваӧдз став Израиль войтырсӧ чукӧрт ас дінад. Налӧн лыдыс мед лоӧ саридздор лыа мында. Ачыд накӧд тшӧтш мун.

Ӧксыяслӧн 2 небӧг 24:2

Ӧксы шуис Йоавлы, тышкайӧзлӧн юралысьлы: «Кытшовтӧй став Израиль [да Иуда] чужанкотырсӧ войвыв Дансянь лунвыв Бер-Шеваӧдз да арталӧй-гижалӧй войтырсӧ. Ме кӧсъя тӧдны налысь лыдсӧ».

Ӧксыяслӧн 2 небӧг 3:11

Ишвошет повзис да эз нин лысьт нинӧм паныд шуны Авенирлы.

Ӧксыяслӧн 2 небӧг 3:21

Авенир шуис Давидлы: «Ӧксыӧй-ыджыдӧй, лэдз меным ветлыны да чукӧртны став Израиль войтырсӧ тэ дінӧ. Найӧ кӧрталасны тэкӧд йитӧд, и тэ пондан ыджыдавны ставныс вылын, кодъяс вылын кӧсъян ыджыдавны». Давид лэдзис Авенирӧс, и сійӧ муніс лӧнь сьӧлӧмӧн.

Ӧксыяслӧн 3 небӧг 4:25

Соломонлӧн ӧксыалӧм дырйи Иуда да Израиль войтыр войвыв Дансянь лунвыв Бер-Шеваӧдз повтӧг олісны. Быдӧн вермис пукавны аслас виноград йӧрын, аслас инжир пу улын.

Ёрдысьяс 20:1

Войвыв Дансянь лунвыв Бер-Шеваӧдз став Израиль войтыр, тшӧтш Галаад муын олысьяс, быттьӧ ӧти морт чукӧртчисны Миспаӧ Господь водзӧ.

Ӧксыяслӧн 1 небӧг 15:28

Самуил шуис: «Талун Господь босьтіс тэнсьыд Израильын ӧксыалӧмтӧ да сетіс сійӧс мӧдлы, тэнад матыссалы, коді тэысь бурджык.

Ӧксыяслӧн 1 небӧг 28:17

Господь вӧчас сійӧ, мый шуліс ме пыр. Господь босьтас тэнад киысь ӧксыалӧмтӧ да сетас мӧдлы, Давидлы,

Ӧксыяслӧн 1 небӧг 3:20

Тадзи войвыв Дансянь лунвыв Бер-Шеваӧдз став Израиль тӧдмаліс, мый Самуилӧс Господь пуктӧма пророкӧ.