Ӧксыяслӧн 2 небӧг 24:17 - Коми Библия 2023

¹⁷ Кор Давид аддзис войтырӧс бырӧдысь анделӧс, шыасис Господь дінӧ: «Ме мыжаыс. Ме [ыж видзысь] вӧчи та ыджда лёкторсӧ, а тайӧ ыжъясыс абу мыжаӧсь. Мыжды менӧ да менсьым рӧдӧс!»

Ӧксыяслӧн 2 небӧг 24:17 ပူးပေါင်းရင်းမြစ်များ

Олӧм 18:23

Ӧвраам матыстчис да юаліс Господьлысь: «Веськыда олысьӧс Тэ ӧмӧй мыжаяскӧд ӧтвылысь бырӧдан? [Веськыда олысьӧс ӧмӧй виччысьӧ сійӧ жӧ, мый и мыжаӧс?]

Олӧм 44:33

Кора, лэдз менӧ, тэнсьыд кесйӧгтӧ, зонмыс пыдди лоны кесйӧгӧн тэ ордын, ыджыдӧй, а зонмыс мед мунас вокъясыскӧд.

Ӧксыяслӧн 2 небӧг 12:13

Давид шуис Нафанлы: «Ме мыжа Господь водзын». Нафан шуис: «Господь ӧні вештіс тэ вылысь мыжтӧ. Тэ он кув.

Ӧксыяслӧн 2 небӧг 24:10

Войтырсӧ арталӧм бӧрын Давидлы сьӧкыд лои сьӧлӧм вылас. Сійӧ шуис Господьлы: «Ме, Тэнад кесйӧг, мыжа сыысь, мый лыдди войтырӧс. Кора Тэнӧ, Господьӧй, вешты ме вылысь мыжӧс. Ме мывкыдтӧг вӧчи».

Ӧксыяслӧн 2 небӧг 7:8

Висьтав Менам Давид кесйӧглы, мый шуӧ Господь Саваоф. Ме босьті тэнӧ ыж йирсянінысь, кӧні тэ видзин ыжъясӧс, да пукті ӧксыӧ Аслам Израиль войтырлы.

Ӧксыяслӧн 3 небӧг 22:17

Сэки Микей кутіс висьтавны: «Ме аддзылі керӧсъяс пасьтала разалӧм Израиль войтырӧс. Найӧ вӧліны видзысьтӧг кольӧм ыжъяс кодьӧсь. Господь шуис: ”Налӧн абу ыджыдыс. Найӧ мед повтӧг бӧр мунасны гортаныс”».

Иов 42:6

Та вӧсна шуӧм кывъясӧс ме бӧр босьта, бус да пӧим пытшкын пукалӧмӧн каитча.

Иов 7:20

Ме кӧ мыж вӧчи, Тэныд ӧмӧй паныд вӧчи, морт бӧрся Видзӧдысьӧй? Ме ачым аслым лои сьӧктӧдӧн, а Тэ нӧшта пуктін менӧ Аслыд лыйсян пас пыдди. Мыйла?

Псалтыр 32:5

Господь радейтӧ збыльсӧ да веськыда мыждӧмсӧ, муыс тыр Господьлӧн буралӧмӧн.

Псалтыр 44:11

Кывзы, нылӧй, сюся кывзы! Вунӧд ассьыд войтыртӧ да бать керкатӧ.

Псалтыр 74:1

Сьылысьясӧн веськӧдлысьлы. Сьылӧны ”Эн бырӧд” шылад улӧ. Асафлӧн псалом. Сьыланкыв.

Петӧм 10:16

Мӧисейлы да Ааронлы тшӧктісны ӧдйӧджык локны фараон дінӧ. Сійӧ шуис налы: «Ме мыжа Господь Енныд водзын да тіян водзын.

Исай 6:5

Сэки ме шуи: «Курыд шог меным, менӧ виччысьӧ кулӧм! Ме ӧд пеж вома морт, ола пеж вома войтыр пӧвстын, но ме аддзылі Ӧксыӧс, Господь Саваофӧс».

Иона 1:12

Иона шуис: «Шыбитӧй менӧ саридзӧ, сэки сійӧ лӧняс. Ме тӧда, мый тайӧ ыджыд бушколыс кыптіс ме понда».

Закар 13:7

– Ырыштчы, шыпуртӧй, Менам видзысь вылӧ, Аслам медматысса вылӧ, – висьталӧ Господь Саваоф. – Кувмӧн дойд видзысьсӧ, и ыжъясыс разаласны. Ичӧт баляяс вылӧ Ме лэпта Ассьым киӧс.

Лыд 16:22

Но Мӧисей да Аарон кымынь уськӧдчисны муас да шуисны: «Енмӧй, Тэ став ловъя олысьыслӧн Ен! Тэ ӧмӧй став войтырыс вылӧ скӧрман ӧти мортлӧн мыж вӧсна?»