Ӧксыяслӧн 2 небӧг 24:1 - Коми Библия 2023

¹ Господь бара чорыда скӧрмис израильсаяс вылӧ. Медым ыззьӧдны Давидӧс налы паныд Сійӧ шуис: «Мун да артав Израиль да Иуда войтырлысь лыдсӧ».

Ӧксыяслӧн 2 небӧг 24:1 ပူးပေါင်းရင်းမြစ်များ

Олӧм 45:5

Но ӧні энӧ шогсьӧй да энӧ йирӧй асьнытӧ, мый вузалінныд менӧ. Тіянысь водзджык менӧ мӧдӧдіс татчӧ Ен, медым видзны олӧмнытӧ.

Олӧм 50:20

Ті мӧвпалінныд лёк вӧчны меным, но Енмыс тайӧс бергӧдіс бур вылӧ, медым видзны уна йӧзлысь олӧмсӧ.

Ӧксыяслӧн 2 небӧг 12:11

Господь тадзи висьталӧ: ”Аслад жӧ керкаысь Ме вайӧда тэ вылӧ лёксӧ. Тэнад син водзын Ме босьта тэнсьыд гӧтыръястӧ да сета найӧс тэнад матысса мортлы. Сійӧ кутас узьлыны накӧд лунъюгыднас.

Ӧксыяслӧн 2 небӧг 16:10

Ӧксы шуис: «Мый ті ме понда шогсянныд, Саруя пиян? [Кольӧй сійӧс.] Мед лёкӧдас менӧ. Господь кӧ тшӧктіс лёкӧдны, вермас-ӧ кодкӧ юавны, мыйла сійӧ тадзи вӧчӧ».

Ӧксыяслӧн 4 небӧг 3:6

Сэки Иорам ӧксы петіс Самария карысь да чукӧртіс став израильса тышкайӧзсӧ.

1 Каднебӧг 21:1

Сӧтана кыпӧдчис Израильлы паныд да ыззьӧдіс Давидӧс артавны Израиль войтырлысь лыдсӧ.

1 Каднебӧг 7:2

Толлӧн вӧліны Уззей, Рефай, Ерил, Яхмай, Ивсам да Самуил пиян. Найӧ вӧліны рӧдкутысьяс. Чужанвуж гижӧд серти Давидлӧн веськӧдлан кадӧ Толлӧн рӧдас вӧлі кызь кык сюрс квайтсё вына тышкаморт.

1 Каднебӧг 7:40

Ставныс найӧ – Асирсянь чужысьяс. Найӧ вӧліны рӧдкутысьяс, вына тышкасьысьяс, веськӧдлысьяслӧн юралысьяс. Чужанвуж гижӧд серти Асир чужанкотырын вӧлі кызь квайт сюрс тышкаморт.

2 Каднебӧг 32:25

Но таысь Езекей эз ошкы Господьӧс, а вылӧ кыпӧдіс асьсӧ. Та вӧсна Енмыс скӧрмис сы вылӧ, тшӧтш Иуда да Ерусалим вылӧ.

Петӧм 7:3

Но Ме чорзьӧда фараонлысь сьӧлӧмсӧ и петкӧдла Египет муын уна индысьпас да шензьӧданатор.

Езекиль 14:9

Но пророк кӧ ылалас да вочавидзас, сідзкӧ, Ме, Господь, лэдзи сылы ылавны. Ме лэпта киӧс сы вылӧ да бырӧда сійӧс Аслам Израиль войтыр пӧвстысь.

Езекиль 20:25

Та вӧсна Ме сеті налы индӧд-тшӧктӧмъяс, мый оз вай бурсӧ да олӧмсӧ.

Левит 10:6

Ааронлы, сылӧн Элазар да Итамар пиянлы Мӧисей шуис: «Паськӧмнытӧ энӧ косялӧй, юрнытӧ вевттьӧй, медым ті энӧ кулӧй, и став войтырыс мед эз веськав Енлӧн скӧрлун улӧ. Но тіян вокъясныд, став Израиль войтыр, мед бӧрдасны на вӧсна, кодъясӧс Господь сотіс.

Лыд 1:19

Мӧисей арталіс-гижаліс израильса айуловӧс Синай овтӧминын, кыдзи Господь тшӧктіс сылы.

Ап. уджъяс 4:28

Найӧ олӧмӧ пӧртісны Тэнсьыд водзвыв шуӧмтӧ да вына лӧсьӧдӧмтӧ.

2 Фессалоникаӧ 2:11

Та вӧсна Енмыс лэдзас ылӧдлыны найӧс, медым найӧ эскисны ылӧгыслы.

Ёрдысьяс 2:14

Господь ёна скӧрмис Израиль войтыр вылӧ, сетіс найӧс мырддялысьяс киӧ да на гӧгӧр олысь вӧрӧг киӧ. Израиль войтыр эз нин вермы водзсасьны налы паныд.

Ёрдысьяс 2:20

Господь скӧрмис Израиль войтыр вылӧ да шуис: «Сыысь, мый тайӧ войтырыс торкис Менсьым йитӧдӧс, мый Ме кӧрталі налӧн батьяскӧд, да дугдіс кывзысьны Менсьым,

Ӧксыяслӧн 1 небӧг 26:19

Кывзы менӧ, ӧксыӧй-ыджыдӧй! Господь кӧ ышӧдіс тэнӧ меным паныд, мед висьлӧн чӧскыд дукыс бурмӧдас Сылысь сьӧлӧмсӧ. А йӧз кӧ ышӧдісны, мед лоӧ ёрӧма найӧс Господь водзын, ӧд найӧ вӧтлісны менӧ Господьлӧн муысь да тшӧктісны юрбитны мукӧд енъяслы.