Ӧксыяслӧн 2 небӧг 23:9 - Коми Библия 2023

⁹ Мӧдыс вӧлі Элазар, Ахоах Додолӧн пиыс. Сійӧ вӧлі куим медтӧдчана тышкаморт пиысь ӧти. Давидкӧд найӧ янӧдісны тыш вылӧ чукӧртчӧм филистимсаясӧс.

Ӧксыяслӧн 2 небӧг 23:9 ပူးပေါင်းရင်းမြစ်များ

1 Каднебӧг 27:4

Мӧд тӧлысьнас кесъялысь тышкакотырӧн веськӧдліс Ахоах рӧдысь Додай. Сылӧн тышкакотырын вӧлі кызь нёль сюрс морт. Сыкӧд тшӧтш мӧд веськӧдлысьнас вӧлі Миклот.

1 Каднебӧг 8:4

Авишуй, Нааман, Ахоах,

Еклесиаст 4:12

Ӧтитӧ вермыны кокньыд, а кыкнад оз сетчыны. Куимпӧвста сунистӧ сьӧкыд орӧдны.

Исай 63:3

– Ме ӧтнамӧн таляси пычкан гуын, войтыръяс пӧвстысь некод эз отсась Меным. Скӧралігӧн Ме талялі войтыръясӧс, ёна лӧгалігӧн талялі найӧс. Налӧн вирыс резіс Менсьым паськӧмӧс, и Менам паськӧмӧй ставнас няйтчис.

Исай 63:5

Ме видзӧдлі гӧгӧр, а отсасьысьыс эз вӧв. Ме шензи, мый эз вӧв Менӧ кутыштысьыс. Но Ме верми Аслам киӧн, Менам скӧрлунӧй лои Меным отсӧгӧн.

Марк 14:50

Сэки велӧдчысьяс ставныс эновтісны Исусӧс да пышйисны.

Ӧксыяслӧн 1 небӧг 17:10

Филистимса вермасьысь ӧтарӧ увтыртіс: «Талун ме янӧда израильса тышкайӧзӧс. Мед локтас морт, и ме вермася сыкӧд».

Ӧксыяслӧн 1 небӧг 17:26

Давид юаліс сыкӧд орччӧн сулалысьяслысь: «Мый вичмас сійӧ мортыслы, коді виас тайӧ вундыштчытӧм филистимсасӧ да вештас Израиль вылысь янӧдӧмсӧ? Коді сійӧ сэтшӧмыс, мый лысьтӧ увтыртны ловъя Енлысь тышкайӧзсӧ?»

Ӧксыяслӧн 1 небӧг 17:36

Ме виавлі левӧс и ошкӧс. Тайӧ вундыштчытӧм филистимсаыскӧд тшӧтш тадзи лоӧ. Сійӧ ӧд увтыртӧ ловъя Енлысь тышкайӧзсӧ. [Ме муна да верма сійӧс, мед вештыны янӧдӧмсӧ Израиль вылысь. Тайӧ вундыштчытӧмыс миянлы некод.]»