Ӧксыяслӧн 2 небӧг 23:8 - Коми Библия 2023

⁸ Давидлӧн тышкайӧзысь тӧдчанлунныс серти торъялісны куимӧн. Медтӧдчанаыс на пиысь вӧлі Тахкемонысь Ишбошет. Аслас шыӧн сійӧ ӧтчыдӧн виис вӧрӧглысь кӧкъямыссё мортӧс.

Ӧксыяслӧн 2 небӧг 23:8 ပူးပေါင်းရင်းမြစ်များ

Ӧксыяслӧн 2 небӧг 10:7

Кор Давид кыліс та йылысь, мӧдӧдіс налы паныд Йоавӧс да став ассьыс тышкайӧзсӧ.

Ӧксыяслӧн 3 небӧг 1:8

Но Садок поп, Иодайлӧн Бенай пиыс, Нафан пророк, Шимей, Рей да Давидлӧн вына тышкасьысьяс эз вӧвны Адоний дор.

1 Каднебӧг 11:10

Тані лыддьӧдлӧма тышкайӧзлысь юралысьясӧс, кодъяс Израиль войтыркӧд сулалісны Давидлӧн ӧксыалӧм дор, медым пуктыны сійӧс ӧксыӧ Израиль йылысь Господьлӧн шуӧм серти.

1 Каднебӧг 27:1

Тані лыддьӧдлӧма Израиль войтырлысь рӧдкутысьяссӧ, тышкайӧзлысь юралысь-веськӧдлысьяссӧ да ӧксылы кесъялысь чина йӧзӧс, кодъяс кывкутісны тышкакотыръяс вӧсна. Быд тышкакотыр кесъяліс ӧти тӧлысь чӧж. Быд котырын вӧлі кызь нёль сюрс морт.

1 Каднебӧг 27:2

Медводдза тӧлысьнас кесъялысь тышкакотырӧн веськӧдліс Яшовам, Завдиэллӧн пиыс. Сылӧн тышкакотырын вӧлі кызь нёль сюрс морт.

1 Каднебӧг 27:32

Давидлӧн туйдӧдысьӧн вӧлі сылӧн Ионафан дядьыс. Сійӧ вӧлі гижалысь, сюсь вежӧра морт. Хакмонилӧн Ехиэл пиыс вӧлі ӧксылысь пиянсӧ велӧдысь.

Ёрдысьяс 15:15

Самсон аддзис неважӧн на кулӧм осёллысь черлысӧ, босьтіс сійӧс киас да виис сыӧн сюрс филистимсаӧс.