Ӧксыяслӧн 2 небӧг 23:10 - Коми Библия 2023

¹⁰ Израильсаяс сэки бӧрыньтчисны, но Элазар кольччис да ки дубавмӧныс виаліс филистимсаясӧс. Весиг чуньяссӧ эз вермы веськӧдны, мед лэдзны кабырсьыс шыпуртсӧ. Сійӧ лунӧ Господь сетіс ыджыд вермӧм Израильлы. Израильсаяс бӧр локтісны Элазар дінӧ, мед виӧмаяслысь босьтавны шыпуртъяссӧ да мукӧд тышкасянторсӧ.

Ӧксыяслӧн 2 небӧг 23:10 ပူးပေါင်းရင်းမြစ်များ

Ӧксыяслӧн 2 небӧг 23:12

а кӧдзӧм мусӧ видзӧм могысь Шаммей сувтіс му шӧрас да сэні виаліс филистимсаясӧс. Тадзи Господь сетіс Израильлы ыджыд вермӧм.

Ӧксыяслӧн 4 небӧг 5:1

Арамса ӧксылӧн вӧлі тышкайӧзӧн веськӧдлысь, кодлӧн нимыс вӧлі Нееман. Ӧксы сійӧс пыдди пуктіс, ӧд сы пыр Господь сетіс арамейяслы унаысь вермыны. Но тайӧ вына тышкасьысьыс висис проказаӧн.

1 Каднебӧг 11:13

Сійӧ вӧлі Давидкӧд Пас-Даммимын, кытчӧ филистимсаяс чукӧртчисны тыш вылӧ. Пас-Даммимын вӧлі кӧдзӧм ид му. Израильса тышкайӧз кутісны пышйыны филистимсаясысь,

Псалтыр 108:13

Сысянь чужысьясӧс мед лоӧ бырӧдӧма, сылӧн пияныс мед кольӧны питӧг.

Псалтыр 144:10

Господьӧй, став Тэнад вӧчӧмторйыд мед аттьӧалас Тэнӧ, Тэнад эскана войтырыд мед ошкас Тэнӧ.

Псалтыр 68:12

Кор ме пасьтала шогалан паськӧм, сэки ме йылысь кывбертӧны.

Исай 53:12

Та вӧсна Ме сета Сылы пай ыджыдъяс пӧвстын, тышын шедӧдӧмасӧ Сійӧ пондас юкны вынаяскӧд, ӧд Сійӧ сетіс Асьсӧ кулӧм вылӧ, Сійӧс пуктісны лёк вӧчысьяс лыдӧ. Сійӧ босьтіс Ас вылас уна йӧзлысь мыжъяссӧ, кевмысис лёк вӧчысьяс вӧсна.

Римӧ 15:18

Лысьта висьтавны сӧмын сы йылысь, мый Кристос вӧчис ме пыр, медым вайӧдны ентӧдтӧмъясӧс Енлысь кывзысьӧмас. Сійӧ вӧчис тайӧс Енмыслӧн Лов вынӧн менам сёрниӧй да уджӧй пыр, индысьпасъяс да шензьӧданаторъяс пыр. Ерусалимсянь да водзӧ ме паськӧді Кристос йылысь Бур Юӧрсӧ, весиг Иллирикӧдз вои.

2 Коринфӧ 4:5

Ми огӧ ас йылысь висьтавлӧй, а висьтавлам Исус Кристос йылысь, мый Сійӧ – Господь. Сійӧ мӧдӧдіс миянӧс кесъявны тіянлы.

Нав Исус 10:10

Господь шӧйӧвоштіс аморейясӧс израильса тышкайӧзлӧн син водзын. Гаваон дорын израильсаяс пасьвартісны аморейясӧс. Сэсся Бет-Хоронӧ кайысь туйӧд Азека да Македа каръясӧдз вӧтчисны пышйысьяс бӧрся да бырӧдісны найӧс.

Нав Исус 10:42

Ӧтчыдысь уськӧдчӧмӧн сійӧ пасьвартіс тайӧ муяссӧ да налысь ӧксыяссӧ, ӧд Господь, Израильлӧн Ен, тышкасис Израиль вӧсна.

Нав Исус 11:8

Господь сетіс найӧс Израиль киӧ. Израильсаяс вермисны тышын да вӧтӧдісны найӧс войвылын ыджыд Сидон карӧдз да Мисрефот-Маимӧдз, а асыввылын Мицфе ковтысӧдз. Ставнысӧ виалісны. Некод ловйӧн эз коль [и эз пышйы].

Ёрдысьяс 15:14

Кор Самсон воис Лехи карӧ, филистимсаяс горзӧмӧн паныдалісны сійӧс. Господьлӧн Лолыс лэччис Самсон вылӧ. Сэки кисӧ кӧрталӧм гезъясыс сотчӧм шабді моз гылалісны.

Ёрдысьяс 15:18

Самсонлӧн ёна косьмис горшыс. Сійӧ шыасис Господь дінӧ: «Тэ сетін меным, аслад кесйӧглы, ыджыд вермӧм. А ӧні ме горш косьмӧмӧйла кула, вундыштчытӧмъяслӧн киӧ веськала».

Ӧксыяслӧн 1 небӧг 11:13

Но Саул шуис: «Тайӧ лунӧ некодӧс оз ков вины, ӧд талун Господь мездіс Израильӧс».

Ӧксыяслӧн 1 небӧг 14:23

Сійӧ лунӧ Господь мездіс Израиль войтырӧс. Тышыс воис Бет-Авенӧдз. [Саулкӧд ставнас йӧзыс вӧлі дас сюрс морт. Тышыс муніс Ефрем керӧсвыв му пасьтала, став карас.]

Ӧксыяслӧн 1 небӧг 14:6

Ионафан шуис аслас кесйӧглы: «Лок мунам тайӧ вундыштчытӧм тышкакотырыс дінӧ. Гашкӧ, Господь отсалас миянлы. Сійӧ вермӧ мездыны Ассьыс войтырсӧ уна йӧз пыр либӧ некымын морт пыр».

Ӧксыяслӧн 1 небӧг 17:53

Филистимсаясӧс вӧтӧдӧм бӧрын израильсаяс бӧр локтісны, медым босьтны ставсӧ, мый филистимсаяс эновтісны.

Ӧксыяслӧн 1 небӧг 19:5

Филистимсакӧд вермасигӧн сійӧ вермис воштыны ассьыс олӧмсӧ, но Господь сетіс ыджыд вермӧм став Израильлы. Тэ ачыд аддзылін тайӧс да нимкодясин. Мыйла тэныд мыж вӧчны, мыжтӧм мортлысь вир кисьтны? Мыйла помкатӧг вины Давидӧс?»