Ӧксыяслӧн 2 небӧг 22:48 - Коми Библия 2023

⁴⁸ Тэ – водзӧс перйысь Ен, Тэ сетан менам кипод улӧ войтыръясӧс,

Ӧксыяслӧн 2 небӧг 22:48 ပူးပေါင်းရင်းမြစ်များ

Ӧксыяслӧн 2 небӧг 18:19

Садоклӧн Ахимаас пиыс шуис Йоавлы: «Муна, юӧрта ӧксылы, мый Господь Ачыс мездіс сійӧс паныд сувтысьясысь».

Ӧксыяслӧн 2 небӧг 18:31

Сэсся локтіс кушса морт. Сійӧ шуис: «Бур юӧр вайи тэныд, ӧксыӧй-ыджыдӧй! Талун Господь мыждіс паныд кыпӧдчысьястӧ да мездіс тэнӧ налӧн киысь».

Ӧксыяслӧн 2 небӧг 4:8

Ишвошетлысь юрсӧ вайисны Давид ӧксылы Хевронӧ да шуисны: «Со, тайӧ Ишвошетлӧн юрыс. Сійӧ тэнӧ мустӧмтысь Сауллӧн пиыс. Саул корсис вины тэнӧ, но талун миян ӧксы-ыджыдным вӧсна Господь мынтысис Сауллы да сысянь чужысьяслы».

Псалтыр 110:1

Аллилуйя! Господьӧй, став сьӧлӧмсянь ошка Тэнӧ веськыда олысьяс пӧвстын, Тэнад войтырлӧн чукӧртчӧмын.

Псалтыр 144:2

Быд лун кута аттьӧавны Тэнӧ, кута ошкыны Тэнсьыд нимтӧ нэмъяс чӧж.

Псалтыр 94:1

Локтӧй, сьыламӧй Господьлы, кыпыда сьылӧмӧн ошкамӧй Сійӧс, Сійӧ – миян мездмӧмлӧн зумыд подулыс.

1 Коринфӧ 15:25

Кристослы шуӧма юравны сэтчӧдз, кытчӧдз Сійӧ оз пукты Аслас кок улӧ став паныд сувтысьсӧ.

Индӧд 32:35

Ме мынтыся, Ме перъя водзӧссӧ сійӧ лунӧ, кор налӧн кокныс лигышмунас. Ӧд найӧс бырӧдан луныс матын, регыд збыльмас налы дасьтӧмаыс.

Ӧксыяслӧн 1 небӧг 24:12

Видзӧдлы, батьӧй, менам киын тэнад паськӧм дорышыд. Ме вундішті тэнсьыд паськӧмтӧ, но асьтӧ тэнӧ эг ви. Тӧд, ме ог кӧсйы тэныд лёксӧ и ог мун тэныд паныд. Ме абу мыжа тэ водзын, но тэ кӧсъян вины менӧ.

Ӧксыяслӧн 1 небӧг 25:30

Кор Господь вӧчас тэныд, ыджыдӧй, став бурсӧ, мый Сійӧ кӧсйысьліс, да пуктас тэнӧ юралысьӧ Израильын,

Ӧксыяслӧн 1 небӧг 25:39

Давидлы кывсис, мый Навал кулӧма, сэки шуис: «Ошкӧм Господьлы, коді мынтысис Наваллы менӧ янӧдӧмысь. Господь видзис менӧ, Ассьыс кесйӧгсӧ, лёк вӧчӧмысь, Сійӧ бергӧдіс лёксӧ Навал вылӧ». Сэсся Давид ыстіс йӧзӧс Авигея дінӧ, мед висьтавны, мый босьтӧ сійӧс гӧтырӧ.