Ӧксыяслӧн 2 небӧг 22:31 - Коми Библия 2023

³¹ Енлӧн туйыс тыр-бур, Господьлӧн кывйыс сӧстӧм. Ен вылӧ лача кутысьяслы Сійӧ – сайӧдыс.

Ӧксыяслӧн 2 небӧг 22:31 ပူးပေါင်းရင်းမြစ်များ

Ӧксыяслӧн 2 небӧг 22:3

Енмӧй, Тэ – менам изкыртаыс, Тэ вылӧ ме лача кута. Тэ – менам сайӧдыс, вына Дорйысьыс да Видзысьыс, Тэ – менам дзебсяніныс. Мездысьӧй, Тэ мездін менӧ виысь-дзескӧдысьясысь!

Неемий 9:8

Тэ аддзин, мый сылӧн сьӧлӧмыс эскана Тэ водзын. Тэ кӧрталін сыкӧд йитӧд, мед сетны [сылы да] сысянь чужысьяслы ханаан, хеттей, аморей, перезей, евус да гергесей войтырлысь муяссӧ. Ассьыд кывтӧ Тэ кутін, ӧд Тэ – веськыд.

Иов 34:10

Сідзкӧ, кывзӧй менӧ, сюсь вежӧраяс! Енмыс оз вӧч лёксӧ, Ставсӧвермысьлӧн уджъясыс веськыдӧсь.

Псалтыр 12:6

Тэнад буралӧмыд вылӧ ме лача кута, нимкодяся, мый Тэ мездан менӧ. Кута сьылӧмӧн ошкыны Господьӧс меным бурсӧ вӧчӧмысь. [Кута сьывны Медвылысса Господьлӧн нимыслы.]

Псалтыр 2:7

Ме висьтала Господьлысь кывъяссӧ. Сійӧ шуис Меным: «Тэ – Менам Пи, талун Ме лои Тэныд Батьӧн.

Псалтыр 35:2

Мыжыс сёрнитӧ лёк вӧчысьлӧн сьӧлӧмас, Енсьыс полӧмыс сылӧн абу.

Псалтыр 84:9

Ме кывза, мый висьталас Господь Ен. Сійӧ кӧсйысьӧ сетны лӧнь олӧм Аслас эскана войтырлы. Сӧмын найӧ мед бӧр оз сетчыны мывкыдтӧм оласногас.

Псалтыр 91:4

ошкыны Тэнӧ арфаӧн да гуслиӧн, дас струнаа ворсанторйӧн.

Шусьӧгъяс 30:5

Енмыслӧн быд кыв сӧстӧм. Сійӧ дорйӧ быдӧнӧс, коді лача кутӧ Сы вылӧ.

Еклесиаст 3:14

Ме гӧгӧрвои, мый Енлӧн став вӧчӧмторйыс олӧ нэмъяс чӧж, та дорӧ нинӧм он содты и таысь нинӧм он чинты. Енмыс тадзи лӧсьӧдӧма, медым йӧзыс олісны Сыысь полӧмӧн да вежавидзӧмӧн.

Даниил 4:34

Ӧні ме, Навукодоносор, ошка-нимӧда да ыдждӧдла енэжвывса Ӧксыӧс. Сылӧн уджъясыс збыльӧсь да туйясыс веськыдӧсь. Сійӧ вермӧ раммӧдны вылӧ кыпӧдчысьясӧс».

Матвей 5:48

Лоӧй енэжвыв Батьныд моз тырвыйӧ бурӧсь».

Индӧд 32:4

Сійӧ – зумыд изйыс, Сылӧн уджъясыс тыр-бурӧсь, Сылӧн туйясыс веськыдӧсь. Сійӧ – эскана Ен, Сы пытшкын ылӧгыс абу, Сійӧ – веськыда вӧчысь Ен.

Восьтӧм 15:3

да сьылісны Ен кесйӧг Мӧисейлысь да Балялысь сьыланкывсӧ: – Господьӧй Енмӧй, Ставсӧвермысьӧй! Тэнад уджъясыд ыджыдӧсь да шензьӧданаӧсь, Тэнад туйясыд веськыдӧсь да збыльӧсь! Тэ – вежа войтырлӧн Ӧксыыс!