Ӧксыяслӧн 2 небӧг 21:7 - Коми Библия 2023

⁷ Но Саул Ионафанлысь Мепибошет писӧ Давид эз сет. Давид кутіс Господь водзын Ионафанлы сетӧм кывсӧ.

Ӧксыяслӧн 2 небӧг 21:7 ပူးပေါင်းရင်းမြစ်များ

Ӧксыяслӧн 2 небӧг 16:4

Сэки ӧксы шуис Сивейлы: «Ставыс, мый ӧнӧдз вӧлі Мепибошетлӧн, лоӧ тэнад». Сивей копыртчылӧмӧн воча шуис: «Ӧксыӧй-ыджыдӧй, тэ бур сьӧлӧма ме дінӧ! Мед и водзӧ лоас тадзи».

Ӧксыяслӧн 2 небӧг 19:25

Кор Мепибошет локтіс Ерусалимысь вочаавны ӧксыӧс, ӧксы юаліс сылысь: «Мепибошет, мыйла тэ эн мун мекӧд?»

Ӧксыяслӧн 2 небӧг 4:4

Ионафанлӧн, Саул пилӧн, вӧлі Мепибошет нима чотысь пи. Сылы вӧлі вит арӧс, кор воис Изреельсянь Сауллӧн да Ионафанлӧн кулӧм йылысь юӧр. Сэки кага видзысь кватитіс ичӧт зонкаӧс да котӧрӧн пышйис. Котӧртігас зонкаӧс уськӧдіс, та бӧрын сійӧ кутіс чотны.

Ӧксыяслӧн 2 небӧг 9:1

Давид юаліс: «Колис-ӧ кодкӧ ловйӧн Саул рӧдысь? Ионафан вӧсна ме кӧсъя лоны бур сьӧлӧма на дінӧ».

Ӧксыяслӧн 2 небӧг 9:10

Аслад пиянкӧд да аслад кесйӧгъяскӧд вӧдит сылысь видз-мусӧ. Мувыв быдтассӧ сет аслад ыджыдыдлӧн пилы, медым сылӧн керкаас пыр вӧлі сёян-юан. Ачыс Мепибошет мед пыр сёяс-юас менам пызан сайын». Сивейлӧн вӧлі дас вит пиян да кызь кесйӧг.

Ӧксыяслӧн 2 небӧг 9:6

Саул Ионафанлӧн Мепибошет пиыс локтіс Давид дінӧ да муӧдзыс копыртчис сылы. «Мепибошет!» – шыасис Давид сы дінӧ. Мӧдыс вочавидзис: «Ме – тэнад кесйӧг».

Ӧксыяслӧн 2 небӧг 9:7

Давид шуис: «Эн пов. Тэнад Ионафан батьыд вӧсна ме лоа бур сьӧлӧма тэ дінӧ. Ме тэныд бӧр сета Саул пӧльыдлысь видз-мусӧ. А ачыд тэ кутан сёйны-юны менам пызан сайын».

Еклесиаст 8:2

Вӧч ӧксылӧн шуӧм серти, ӧд тэ кыв сетін Ен водзын.

Ӧксыяслӧн 1 небӧг 18:3

Ионафан асьсӧ моз радейтіс Давидӧс, та вӧсна кӧрталіс сыкӧд йитӧд.

Ӧксыяслӧн 1 небӧг 20:12

Ионафан шуис: «Ловъя Господь водзын, Израильлӧн Ен водзын, кыв сета: аски либӧ аскомысь тайӧ кадас ме тӧдмала, бур сьӧлӧма-ӧ батьӧй тэ дінӧ. Бур сьӧлӧма кӧ, ме юӧрта тэныд та йылысь.

Ӧксыяслӧн 1 небӧг 20:15

А ме кӧ кула, ло бур сьӧлӧма менам рӧд дінӧ нэмъяс чӧж. Ло бур сьӧлӧма весиг сэки, кор Господь бырӧдас му вывсьыс тэнсьыд вӧрӧгтӧ».

Ӧксыяслӧн 1 небӧг 20:17

Аслас муслунӧн Ионафан кӧсйысис Давидлы видзны кӧрталӧм йитӧдсӧ, ӧд сійӧ радейтіс Давидӧс асьсӧ моз.

Ӧксыяслӧн 1 небӧг 20:42

Ионафан шуис Давидлы: «Мун лӧнь сьӧлӧмӧн. Господь водзын ми кыв сетім видзны кӧрталӧм йитӧднымӧс. Господь лоӧ миян костын, месянь да тэсянь чужысьяс костын нэмъяс чӧж».

Ӧксыяслӧн 1 небӧг 20:8

Ло бур сьӧлӧма ме дінӧ, аслад кесйӧг дінӧ, ӧд Господь водзын тэ кӧрталін мекӧд йитӧд. А ме кӧ мыйыськӧ мыжа, ачыд ви менӧ. Сӧмын батьыдлы эн сет менӧ».

Ӧксыяслӧн 1 небӧг 23:18

Господь водзын найӧ кӧрталісны ӧта-мӧдыскӧд йитӧд. Давид кольччис вӧрӧ, а Ионафан бӧр муніс гортас.

Ӧксыяслӧн 1 небӧг 24:22

Господь водзын сет меным кыв, мый менам кулӧм бӧрын тэ он ви месянь чужысьясӧс да он бырӧд менсьым нимӧс бать рӧдысь».