Ӧксыяслӧн 2 небӧг 21:6 - Коми Библия 2023

⁶ Та вӧсна сет миянлы Саул рӧдысь сизим айуловӧс. Ми ӧшӧдам найӧс [лунъюгыднас] Господь водзын Гиваын, Господьӧн бӧрйӧм Сауллӧн карын». Давид вочавидзис: «Ме сета найӧс тіянлы».

Ӧксыяслӧн 2 небӧг 21:6 ပူးပေါင်းရင်းမြစ်များ

Олӧм 40:19

Куим лун мысти фараон кыпӧдас тшӧтш тэнӧ – ӧшӧдас пу вылӧ. И лэбачьяс кокаласны тэнӧ».

Олӧм 40:22

Медыджыд нянь пӧжалысьӧс фараон ӧшӧдіс пу вылӧ. Ставыс лои дзик сідзи, кыдзи Ӧсип гӧгӧрвоӧдіс налы вӧтъяссӧ.

Ӧксыяслӧн 2 небӧг 17:23

Кор Ахитофел аддзис, мый сылысь вӧзйӧмсӧ ӧтдортісны, пуксис осёл вылӧ да муніс гортас, аслас карӧ. Гортсаясыслы висьталіс, мый вӧчны керканас, сэсся та бӧрти джагӧдчис. Сылысь шойсӧ пуктісны батьыслӧн дзебанінӧ.

Ӧксыяслӧн 2 небӧг 18:10

Ӧти морт аддзыліс тайӧс. Сійӧ муніс да висьталіс Йоавлы: «Ме аддзылі Авессаломӧс. Сійӧ ӧшалӧ тупу вылын».

Ӧксыяслӧн 2 небӧг 19:28

Ӧксыӧй-ыджыдӧй, тэ ӧд вермин бырӧдны менам батьлысь рӧдсӧ, но тэ лэдзин меным, аслад кесйӧглы, сёйны тэнад пызан сайын. Меным нинӧмысь элясьнысӧ тэ вылӧ, ӧксыӧй».

1 Каднебӧг 12:3

Ахиэзер юралысь да Йоас – Гиваысь Шемайлӧн пиян, Езиэл да Пелет – Азмаветлӧн пиян, Анатотысь Берак да Еху,

Ездра 6:11

Нӧшта тшӧкта, мед быдӧнӧс, коді торкӧ менсьым тшӧктӧмӧс, тувъяласны аслас керкаысь перйӧм кер бердӧ, а керкасӧ мед кисьтасны.

Эсфир 9:10

Тайӧ дас мортыс вӧліны Аммедат Аманлӧн, иудейясӧс мустӧмтысьлӧн, пиян. Найӧс виисны, но налысь овмӧс-эмбурсӧ эз босьтны.

Матвей 27:5

Иуда шыбитіс сьӧмсӧ крамас, сэсся петіс сэтысь, муніс да джагӧдчис.

Ап. уджъяс 13:21

Сэсся найӧ корисны ӧксыӧс, сэки Енмыс сетіс налы Саулӧс, Венямин чужанкотырысь Кислысь писӧ. Сійӧ веськӧдліс нелямын во чӧж.

Индӧд 21:22

Кор мыж вӧчӧмысь мортлы ковмас мынтысьны олӧмнас, и сійӧс ӧшӧдасны пу вылӧ,

Нав Исус 10:26

Сэсся Исус виис ӧксыясӧс да ӧшӧдіс шойяссӧ вит пу вылӧ. Сэні найӧ ӧшалісны рытӧдзыс.

Нав Исус 8:29

Гайса ӧксыӧс Исус ӧшӧдіс пу вылӧ, сійӧ ӧшаліс сэні рытӧдзыс. Шонді лэччӧм бӧрын Исуслӧн тшӧктӧм серти шойсӧ лэдзисны сэтысь, шыбитісны карса дзиръя дорӧ да тыртісны изъясӧн. Ӧнӧдз на сэні эм ыджыд из чукӧрыс.

Ӧксыяслӧн 1 небӧг 10:1

Самуил босьтіс вый тыра доз да кисьтіс Сауллы юр вылас. Сэсся окыштіс сійӧс да шуис: «Господь мавтыштӧма тэнӧ, мед пуктыны тэнӧ юралысьӧ Аслас войтырлы [Израильын. Тэ лоан ӧксыӧн Господьлӧн войтырлы, мездан найӧс на гӧгӧр олысь вӧрӧгъясысь. Со, тэныд пас, мый Ачыс Господь мавтыштӧма тэнӧ ӧксыӧ, мед веськӧдлыны Сылӧн войтырӧн].

Ӧксыяслӧн 1 небӧг 10:24

Самуил шуис став Израиль войтырлы: «Аддзанныд, кодӧс бӧрйис Господь? Войтыр пӧвстаным мӧдыс сы кодьыс абу». Сэки став йӧзыс гораа горӧдісны: «Мед олас ӧксы!»

Ӧксыяслӧн 1 небӧг 10:26

Саул тшӧтш муніс гортас Гиваӧ. Сыкӧд ӧтлаын мунісны збой йӧз, кодъяслы сьӧлӧмас инмӧдчис Енмыс.

Ӧксыяслӧн 1 небӧг 11:4

Мӧдӧдӧмаяс локтісны Гиваӧ, Сауллӧн чужан карӧ, да висьталісны войтырлы Нахашлысь кывъяссӧ. Ставныс ырзӧмӧн кутісны бӧрдны.

Ӧксыяслӧн 1 небӧг 24:21

Ме тӧда, мый тэ лоан ӧксыӧн, и тэнад юралӧмыд Израильын лоӧ зумыд.

Ӧксыяслӧн 1 небӧг 24:22

Господь водзын сет меным кыв, мый менам кулӧм бӧрын тэ он ви месянь чужысьясӧс да он бырӧд менсьым нимӧс бать рӧдысь».