Ӧксыяслӧн 2 небӧг 21:2 - Коми Библия 2023

² Давид корис Гаваонысь йӧзӧс, мед сёрнитны накӧд. Гаваонсаяс эз вӧвны израильсаясӧн, найӧ петлӧмаӧсь аморей войтырысь. Израильсаяс коркӧ кыв сетлӧмаӧсь, мый оз вӧчны налы лёксӧ. Но Израиль да Иуда войтыр вӧсна Саул кӧсйис бырӧдны найӧс.

Ӧксыяслӧн 2 небӧг 21:2 ပူးပေါင်းရင်းမြစ်များ

Олӧм 15:16

Сӧмын нёльӧд чужанвужйын тэсянь чужысьяс бӧр локтасны татчӧ, ӧд аморейяслӧн мыж лыдыс эз на тыр».

Ӧксыяслӧн 2 небӧг 24:1

Господь бара чорыда скӧрмис израильсаяс вылӧ. Медым ыззьӧдны Давидӧс налы паныд Сійӧ шуис: «Мун да артав Израиль да Иуда войтырлысь лыдсӧ».

Ӧксыяслӧн 4 небӧг 10:16

Еху шуис: «Мунам мекӧд. Тэ аддзан, кыдзи сьӧлӧмсянь ме тышкася Господь вӧсна». Ионадав сӧліс Ехулӧн тарантасӧ, и найӧ мунісны водзӧ.

Ӧксыяслӧн 4 небӧг 10:31

Но Еху эз зіль став сьӧлӧмсяньыс овны Господьлӧн, Израиль Енлӧн, Индӧд серти. Еху эз эновтчы сійӧ мыжъяссьыс, мыйӧн Еровам коркӧ кежӧдіс Израиль войтырӧс мыжас.

1 Каднебӧг 1:14

Ханаан рӧдысь петісны тшӧтш евуссаяс, аморейяс, гергесейяс,

Иоан 16:2

Тіянӧс вӧтласны синагогаысь. Весиг воас сэтшӧм кад, кор тіянӧс виысьяс кутасны чайтны, мый татшӧм ногӧн найӧ кесъялӧны Енмыслы.

Римӧ 10:2

Ме тӧда, мый налӧн сьӧлӧмыс ӧзъялӧ Енмыслы, но налы оз тырмы гӧгӧрвоӧмлуныс.

Галатӧ 4:17

Кодсюрӧ оз бур могысь тӧждысьны тіян вӧсна. Найӧ кӧсйӧны янсӧдны миянӧс, медым ті тӧждысинныд на вӧсна.

Индӧд 7:16

Ті бырӧданныд войтыръясӧс, кодъясӧс Господь, тіян Енныд, сетас тіян киӧ. Сьӧлӧмнаныд на дінӧ энӧ нормӧй да налӧн енъяслы энӧ юрбитӧй, медым энӧ шедӧй налькйӧ.

Ӧксыяслӧн 1 небӧг 14:44

Саул воча шуис: «Енмыс мед ёна мыждас менӧ, тэ кӧ, Ионафан, талун он кув».