Ӧксыяслӧн 2 небӧг 21:1 - Коми Библия 2023

¹ Давидлӧн ӧксыалан кадӧ куим во чӧж вӧлі тшыгъялӧм. Давид сэки шыасис Господь дінӧ. Господь шуис: «Тайӧ лои Саул да сылӧн рӧдвуж понда. Найӧ мыжаӧсь Гаваонын олысьяслысь вирсӧ кисьтӧмысь, ӧд найӧс Саул виис».

Ӧксыяслӧн 2 небӧг 21:1 ပူးပေါင်းရင်းမြစ်များ

Олӧм 12:10

Тайӧ муас йӧзыс кутісны ёна тшыгъявны, та вӧсна Ӧврам муніс овны Египетӧ.

Олӧм 26:1

Му вылын йӧзыс Ӧвраам кадӧ моз бара кутісны тшыгъявны. Исаак мӧдӧдчис Герарӧ филистимса Авимелек ӧксы дінӧ.

Олӧм 41:57

Мукӧд муясысь тшӧтш волывлісны Египетӧдз, медым Ӧсип дорысь ньӧбны нянь, ӧд быдлаын йӧзыс ёна тшыгъялісны.

Олӧм 42:5

Мукӧд йӧзкӧд ӧтлаын Израильлӧн пиян локтісны Египетӧ ньӧбны нянь, ӧд Ханаан муын став йӧзыс тшыгъялісны.

Олӧм 43:1

Тшыгъялӧм содіс му вылын.

Ӧксыяслӧн 2 небӧг 16:8

Господь водзӧс перйӧ тэнсьыд Саул рӧдлысь вирсӧ кисьтӧмысь. Тэ пуксин ӧксыӧ Саул пыдди, но ӧні Господь сетіс ӧксыалӧмтӧ тэнад Авессалом пилы. Тэ морт виысь, та вӧсна тэнӧ суис тайӧ шогыс».

Ӧксыяслӧн 2 небӧг 20:26

Яирысь Ир тшӧтш вӧлі попӧн Давид ордын.

Ӧксыяслӧн 2 небӧг 21:5

Сэки найӧ шуисны Давид ӧксылы: «Саул виис миян пӧвстысь унаӧс, кӧсйис бырӧдны миянӧс став Израиль му пасьталаысь.

Ӧксыяслӧн 2 небӧг 24:1

Господь бара чорыда скӧрмис израильсаяс вылӧ. Медым ыззьӧдны Давидӧс налы паныд Сійӧ шуис: «Мун да артав Израиль да Иуда войтырлысь лыдсӧ».

Ӧксыяслӧн 2 небӧг 5:19

Давид шыасис Господь дінӧ да юаліс: «Петны-ӧ меным филистимсаяслы паныд тышӧ? Сетан-ӧ Тэ найӧс менам киӧ?» Господь вочавидзис: «Пет. Ме сета филистимсаясӧс тэнад киӧ».

Ӧксыяслӧн 2 небӧг 5:23

Давид шыасис Господь дінӧ. [Шуис: «Петны-ӧ меным филистимсаяслы паныд тышӧ? Сетан-ӧ найӧс менам киӧ?»] Господь шуис: «Воча налы эн пет. Кытшав найӧс бӧрсяньныс да матыстчы на дінӧ пуяс сайсянь.

Ӧксыяслӧн 3 небӧг 17:1

Галаад муысь Тишби карысь Илля [пророк] шуис Ахавлы: «Ловъя Господь водзын, Израильлӧн Ен водзын, ме, сылӧн кесйӧг, кыв сета: локтан воясӧ лысва войт ни зэр тусь оз усь, кытчӧдз ме ог тшӧкты».

Ӧксыяслӧн 3 небӧг 18:2

Илля муніс Ахав дінӧ. Самарияын сэки йӧзыс зэв ёна тшыгъялісны.

Ӧксыяслӧн 4 небӧг 6:25

Самарияын йӧзыс пондісны ёна тшыгъявны. Осёл юрысь найӧ мынтылісны кӧкъямысдас сикель эзысь, а китыр мында гулю сітысь – вит сикель эзысь.

Ӧксыяслӧн 4 небӧг 8:1

Елисей шуис аньлы, кодлысь писӧ сійӧ ловзьӧдіс: «Мун гортсаясыдкӧд Израиль муысь мӧдлаӧ, ӧд Господь ыстас тайӧ муас тшыгъялӧм сизим во кежлӧ».

Иов 10:2

Енмыслы ме шуа: эн мыжды менӧ, висьтав, мыйысь Тэ менӧ мыжалан.

Псалтыр 27:8

Господь – Аслас войтырлӧн выныс, Аслас мавтыштӧмалӧн Дорйысьыс да Мездысьыс.

Псалтыр 50:15

Лёк вӧчысьясӧс ме веськӧда Тэнад туй вылӧ, мыжаяс мед бергӧдчасны Тэ дінӧ.

Псалтыр 91:15

Весиг пӧрысь кадӧ веськыда олысьяс вайӧны вотӧс, лоӧны чӧскыдӧсь да вежӧсь,

Левит 26:26

Ме мырддя тіянлысь няньнытӧ. Ӧти пач дорын дас ань кутасны пӧжасьны, няньсӧ веситӧмӧн кутасны юклыны. Ті кутанныд сёйны, но онӧ пӧтӧй.

Лыд 27:21

Нав Исус кутас шыасьны Элазар поп дінӧ, а поп кутас юасьны Господьлысь урим пыр. Господьлӧн шуӧм серти войтырыскӧд сійӧ кутас петны тышӧ, и Господьлӧн шуӧм серти бӧр локны тыш вылысь».

Нав Исус 7:1

Но Израиль пиян торкисны Господьлы сиӧмтор йылысь тшӧктӧмсӧ [да сиӧмторйысь босьтісны аслыныс]. Акан, коді вӧлі Иуда чужанкотырысь Зерах Завдий Кармилӧн пи, Господьлы сиӧмторйысь мыйкӧ вӧлі босьтӧма аслыс. Та вӧсна Господьлӧн скӧрлуныс ӧзйис Израиль пиян вылӧ.

Нав Исус 9:20

Ловйӧн колям найӧс, медым кыв сетӧм торкӧмысь эз су миянӧс Енлӧн скӧрлуныс».

Руфа 1:1

Израиль муын ёрдысьяслӧн веськӧдлан кадӧ вӧлі тшыгъялӧм. Иуда муысь ӧти морт эновтіс Виплием кар да овмӧдчис Моав муӧ. Сыкӧд тшӧтш мунісны гӧтырыс да кыкнан пиыс.

Ӧксыяслӧн 1 небӧг 10:22

Сэки юалісны Господьлысь, локтас оз Саул. Господь вочавидзис, сійӧ пӧ кӧлуй чукӧр пытшкын дзебсясьӧ.

Ӧксыяслӧн 1 небӧг 23:11

Сетасны-ӧ Кейлаын олысьяс менӧ сы киӧ? Збыльысь-ӧ Саул локтас татчӧ, кыдзи меным висьталісны? Господьӧй, Израильлӧн Енмӧй, вочавидз Аслад кесйӧглы». Господь вочавидзис: «Локтас».

Ӧксыяслӧн 1 небӧг 23:2

Давид юаліс Господьлысь: «Мунны-ӧ меным сэтчӧ? Верма-ӧ ме тайӧ филистимсаяссӧ?» Господь вочавидзис: «Мун. Тэ верман найӧс, тшӧтш Кейла карсӧ мездан».

Ӧксыяслӧн 1 небӧг 23:4

Давид бара шыасис Господь дінӧ. Господь шуис сылы: «Чеччы да мун Кейлаӧ. Ме сета филистимсаясӧс тэнад киӧ».