Ӧксыяслӧн 2 небӧг 20:9 - Коми Библия 2023

⁹ Йоав юаліс Амессайлысь: «Кыдзи, вокӧй, олан-вылан?» Сэсся босьтіс веськыд кинас Амессайӧс тошкӧдыс, мед окыштны.

Ӧксыяслӧн 2 небӧг 20:9 ပူးပေါင်းရင်းမြစ်များ

Ӧксыяслӧн 2 небӧг 15:5

Локтысьяс пиысь кӧ кодкӧ матыстчыліс, медым копыртчыны Авессаломлы, мӧдыс мыччыліс сылы кисӧ, сывйыштліс да окыштліс сійӧс.

Ӧксыяслӧн 2 небӧг 17:25

Йоав пыдди тышкайӧзӧн веськӧдлыны Авессалом пуктіс Амессайӧс. Амессайлӧн батьыс вӧлі Изреельысь Йитрей, а мамыс вӧлі Авигея, Нахашлӧн ныв да Саруялӧн чой. Саруя вӧлі Йоавлӧн мам.

Ӧксыяслӧн 2 небӧг 18:29

Ӧксы юаліс: «Ловъя-ӧ менам Авессалом пиӧй?» Ахимаас вочавидзис: «Ӧксыӧй-ыджыдӧй, кор тэнад Йоав кесйӧгыд мӧдӧдіс менӧ татчӧ, сылӧн йӧзыс вӧлі ёна шызьӧмаӧсь. А мый сэні вӧлі, ме ог тӧд».

Ӧксыяслӧн 2 небӧг 3:27

Хевронӧ воӧм бӧрын карса дзиръя дорын Йоав нуӧдіс Авенирӧс бокӧ, быттьӧ кӧсйӧ гусьӧн сёрнитыштны сыкӧд. Сэні виис Авенирӧс, бытшкис сылы кынӧмас. Тадзи водзӧс перйис аслас Асаил вок вӧсна.

Ӧксыяслӧн 3 небӧг 2:32

Господь водзын сійӧ ачыс мыжа аслас кулӧмысь, ӧд Давид батьӧйлы висьтавтӧг сійӧ виис шыпуртӧн кык мортӧс – Нирлысь Авенир писӧ, израильса тышкайӧзӧн веськӧдлысьӧс, да Етерлысь Амессай писӧ, иудаса тышкайӧзӧн веськӧдлысьӧс. Найӧ вӧліны сыысь веськыдджыкӧсь да бурджыкӧсь.

Шусьӧгъяс 26:23

Мелі сёрниа, но лёк сьӧлӧма мортыд эзысьӧн эжӧм сёй дозмук кодь.

Шусьӧгъяс 27:6

Радейтысьлӧн янӧдӧмыс веськыд, мустӧмтысьлӧн окыштӧмыс ылӧг.

Еремей 41:2

Нетанийлӧн Измаил пиыс да сыкӧд локтӧм дас мортыс чеччисны да шыпуртӧн виисны Гедалийӧс, Шафан Ахикамлысь писӧ, кодӧс вавилонса ӧксы пуктіс веськӧдлыны Иуда муӧн.

Микей 7:2

Му вылын бур сьӧлӧмаыс абу, абу веськыда олысьыс. Ставныс кыйӧдчӧны ӧта-мӧдныслысь вир кисьтны, быдӧн кӧсйӧ тывйыштны ассьыс воксӧ.

Ёрдысьяс 3:15

Но Израиль пиян шыасисны Господь дінӧ, и Господь сувтӧдіс Израиль пиянлы мездысьӧс, Венямин чужанкотырысь Герлысь Эхуд писӧ. Сійӧ вӧлі шуйгун. Израиль пиян мӧдӧдісны Эхудӧс моавса Эглон ӧксы дінӧ мынтыны вот.