Ӧксыяслӧн 2 небӧг 2:26 - Коми Библия 2023

²⁶ Авенир горӧдіс Йоавлы: «Дыр-ӧ на ми кутам вирӧсьтны шыпуртнымӧс? Тэ ӧд тӧдан, мый тайӧ бурӧн оз помась. Тшӧкты аслад йӧзлы, мед дугдасны вӧтӧдны миянӧс, ассьыныс вокъяснысӧ!»

Ӧксыяслӧн 2 небӧг 2:26 ပူးပေါင်းရင်းမြစ်များ

Ӧксыяслӧн 2 небӧг 11:25

Тайӧс кылӧм бӧрын Давид шуис юӧр вайысьлы: «Висьтав Йоавлы, медым сійӧ оз шогсьы тайӧ лоӧмторйыс вӧсна, ӧд шыпурт улӧ вермӧ веськавны быдӧн. Мед сійӧ нӧшта на чорыдджыка тышкасяс да бырӧдас карсӧ. Ышӧд Йоавӧс тайӧ кывъяснас».

Ӧксыяслӧн 2 небӧг 2:14

Авенир вӧзйис Йоавлы: «Том йӧзным мед петаласны да петкӧдласны миянлы тышкасян сямсӧ». «Мед петаласны», – вочавидзис Йоав.

Ӧксыяслӧн 2 небӧг 2:16

Быдӧн ӧта-мӧдсӧ кватитіс юрӧдыс да бытшкис бокас шыпуртнас. Тадзи петалысьяс ставныс ӧттшӧтш кулісны. Тайӧ местасӧ Гаваонын кутісны нимтыны Шыпурта видз.

Ӧксыяслӧн 2 небӧг 2:25

Венямин чужанкотырысь йӧзыс чукӧртчисны Авенир дінӧ да ӧти чукӧрӧн кайисны мӧд ыб вылӧ.

Ӧксыяслӧн 2 небӧг 2:27

Йоав вочавидзис: «Бур, мый тэ тайӧс шуин. Ловъя Ен водзын висьтала: эн кӧ шу, менам тышкайӧзӧй эськӧ асылӧдзыс на вӧтӧдісны тіянӧс, ассьыныс вокъяснысӧ».

Иов 18:2

– Кор нин дугданныд тадзисӧ сёрнитны? Медводз мӧвпыштӧй, сэсся пондам сёрнитны.

Иов 19:2

– Дыр-ӧ на ті кутанныд дзескӧдны менӧ, дойдавны асланыд кывъясӧн?

Псалтыр 4:2

Кор ме шыася Тэ дінӧ, вочавидз меным, веськыда вӧчысь Енмӧй! Кор меным вӧлі дзескыд, Тэ восьтін меным петан туйсӧ. Кыв менсьым кевмӧмӧс, ло бур сьӧлӧма ме дінӧ.

Шусьӧгъяс 17:14

Пинь-зык панӧмыд ва ызӧбтӧм кодь, пансьытӧдзыс сувтӧд сійӧс.

Исай 1:20

А онӧ кӧ кывзысьӧй да кутанныд асныравны, сэки шыпурт помысь куланныд. Тадзи висьталӧ Господь.

Еремей 12:12

Овтӧминса керӧсъяс вывті локтісны бырӧдысьяс. Господьлӧн шыпуртыс бырӧдӧ мусӧ помсяньыс помӧдзыс, некод оз мездмы сыысь.

Еремей 2:30

Весьшӧрӧ Ме нӧйтлі тіянлысь челядьнытӧ, найӧ эз сибӧдны Менсьым туйдӧдӧмӧс. Чашйысь лев моз тіян шыпуртныд бырӧдліс пророкъяснытӧ [но тайӧ тіянӧс эз повзьӧд].

Еремей 4:21

Дыр-ӧ на меным видзӧдны дӧрапас вылӧ, кывны буксан шы?

Еремей 46:10

Тайӧ луныс – Господьлӧн лун, Господь Саваофлӧн водзӧс перъян лун. Сійӧ мынтысяс Аслас вӧрӧглы, Сылӧн шыпуртыс пондас виавны – пӧттӧдзыс юас налысь вирсӧ. Ӧд войвыв муын, Ефрат ю дорын, тайӧ вир кисьтӧмыс лоӧ вись вайӧм Ыджыдыслы, Господь Саваофлы.

Еремей 46:14

– Висьталӧй Египетын, юӧртӧй Мигдолын, Мемфисын и Тафнисын, тшӧктӧй египетсаяслы чеччыны да дасьтысьны, ӧд шыпурт бырӧдӧ на гӧгӧрысь ставсӧ.

Осий 11:6

Шыпурт кутас ӧвтчыны налӧн каръясын, сійӧ жуглас налысь иганъяссӧ, бырӧдас найӧс сыысь, мый найӧ кӧсйисны вӧчны лёксӧ.

Ап. уджъяс 7:26

Мӧд луннас Мӧисей аддзис, мый кык израильса ӧта-мӧдыскӧд тышкасьӧны. Мӧисей кӧсйис, медым найӧ бурасисны. Сійӧ шуис налы: ”Кывзӧй, ті ӧд вокъяс. Мыйла нӧ ӧта-мӧднытӧ увтыртанныд?”