Ӧксыяслӧн 2 небӧг 19:24 - Коми Библия 2023

²⁴ Саул Ионафанлӧн Мепибошет пиыс тшӧтш локтіс вочаавны ӧксыӧс. Ӧксылӧн Ерусалимысь петӧмсянь да тайӧ лунӧдзыс, кор сійӧ бӧр локтіс ловъяӧн да дзоньвидзаӧн, Мепибошет эз мыськавлы коксӧ, [эз тшӧтшӧдлы гыжсӧ,] эз шырлы тошсӧ да эз пеславлы паськӧмсӧ.

Ӧксыяслӧн 2 небӧг 19:24 ပူးပေါင်းရင်းမြစ်များ

Ӧксыяслӧн 2 небӧг 12:20

Сэки Давид чеччис му вывсьыс, мыссис, мавтіс асьсӧ чӧскыд дука выйӧн да вежис паськӧмсӧ. Сэсся муніс Господьлӧн керкаӧ кевмысьны. Кор бӧр локтіс гортас, тшӧктіс вайны сёян. Сэсся сёйис.

Ӧксыяслӧн 2 небӧг 15:30

А Давид кайис Олив керӧсӧ. Кӧмтӧгыс да юрсӧ вевттьӧмӧн сійӧ муніс и бӧрдіс. Сыкӧд мунысь йӧзыс тшӧтш вевттисны юрнысӧ да бӧрдісны.

Ӧксыяслӧн 2 небӧг 16:3

Ӧксы юаліс: «Кӧні тэнад ыджыдыд?» Сивей вочавидзис: «Сійӧ Ерусалимӧ кольччис. Чайтӧ, мый ӧні израильсаяс пуктасны сійӧс ӧксыӧ, кыдзи коркӧ пуктісны сылысь Саул пӧльсӧ».

Ӧксыяслӧн 2 небӧг 9:11

Сивей воча шуис ӧксылы: «Ӧксыӧй-ыджыдӧй, ставсӧ, мый тэ тшӧктін, ме вӧча». Сійӧ кадсяньыс Мепибошет кутіс сёйны Давидкӧд ӧти пызан сайын ӧксылӧн пияныс моз.

Ӧксыяслӧн 3 небӧг 2:8

Тэ тӧдан тшӧтш Бахуримысь Венямин чужанкотырысь Герлысь Шимей писӧ. Сійӧ лёкӧдіс-ёрис менӧ, кор ме вӧлі муна Маханаимӧ. Но кор ме бӧр локті, сійӧ меным воча петіс Йӧрдан ю дорын, и сэки ме Господь водзын кыв сеті сылы, мый ог ви сійӧс.

Петӧм 19:10

Господь шуис сылы: «Мун войтырыд дінӧ, вежӧд найӧс талун да аски. Найӧ мед мыськаласны паськӧмнысӧ,

Исай 15:2

Сэні олысьяс мунӧны Баитӧ да Дивонӧ, найӧ кайӧны бӧрдны вись ваян мыльк вылӧ. Моавсаяс бӧрдӧны Нево да Медева вӧсна, налысь ставныслысь шырӧма юрсинысӧ да тошнысӧ.

Еремей 41:5

Миспаӧ локтісны Сикемысь, Силомысь да Самарияысь кӧкъямысдас морт. Найӧ вӧліны бритӧм тошкаӧсь да косявлӧм паськӧмаӧсь, вир-яйнысӧ вӧлі вундалӧмаӧсь пуртӧн. Найӧ вайисны аскӧдныс Господьлӧн крамӧ вись пыдди нянь да чӧскыд ӧвтанторъяс.

Матвей 6:16

«Видзаліганыд энӧ лоӧй жугыльӧсь кык бана шаньгаяс моз. Найӧ ветлӧны шог чужӧмӧн видзалӧмсӧ петкӧдлӧм могысь. Веськыда висьтала тіянлы: найӧ босьтӧны нин ассьыныс удждонсӧ.

Римӧ 12:15

Нимкодясьысьяскӧд нимкодясьӧй, бӧрдысьяскӧд бӧрдӧй.

Еврейяслы 13:3

Тӧждысьӧй дзескыдінын пукалысьяс вӧсна, быттьӧ ті на моз пукаланныд дзескыдінын. Энӧ вунӧдӧй найӧс, кодъясӧс нӧйтӧны, ті ӧд асьныд тӧданныд, мый сэтшӧм дойыс.