Ӧксыяслӧн 2 небӧг 19:19 - Коми Библия 2023

¹⁹ да шуис: «Ыджыдӧй, эн мыжав менӧ. Эн казьтыв, мый сэки Ерусалимысь петігад ме, тэнад кесйӧг, вӧчи уна лёктор тэныд, ӧксыӧй. Эн кут тайӧс сьӧлӧмад.

Ӧксыяслӧн 2 небӧг 19:19 ပူးပေါင်းရင်းမြစ်များ

Ӧксыяслӧн 2 небӧг 13:20

Авессалом вокыс юаліс: «Эз-ӧ Амнон тэныд лёктор вӧч? Но тэ чӧв ов та йылысь, чойӧй, сійӧ ӧд тэнад вок. Дугды шогсьынытӧ». Фамар оліс Авессалом вокыс ордын эновтӧм ань моз.

Ӧксыяслӧн 2 небӧг 13:33

Эн шогсьы, ӧксыӧй-ыджыдӧй, аслад пиян вӧсна. Найӧ ловъяӧсь. Сӧмын Амноныд куліс,

Ӧксыяслӧн 2 небӧг 19:18

да отсавны вуджны сылы да сылӧн гортсаяслы. Найӧ зілисны быд ногыс кесъявны ӧксылы. Кор ӧксы лӧсьӧдчис вуджны Йӧрдан юсӧ, Шимей [кымынь] уськӧдчис ӧксы водзӧ

Псалтыр 32:2

Ошкӧй Господьӧс гуслиӧн, ворсӧй Сылы дас струнаа арфаӧн!

Псалтыр 79:8

Ен Саваоф, выльысь сувтӧд миянӧс! Сет миянлы аддзыны Тэнсьыд югыд чужӧмбантӧ, сэки ми мездмам.

Еклесиаст 10:4

Юралысьыд кӧ скӧрмас тэ вылӧ, эн тэрмась пышйыны, ӧд рамлуныд вевттьӧ ыджыд мыжъяс.

Исай 43:25

Ас ради Ме Ачым чышкышта тэнсьыд лёк вӧчӧмъястӧ, тэнсьыд мыжъястӧ ог нин казьтывлы.

Еремей 31:34

Сэки некод оз кут велӧдны матыссасӧ, вокыс оз понды велӧдны воксӧ, оз шу: ”Тӧдмав Господьӧс!” Ӧд ставныс, ичӧтсянь ыджыдӧдз, кутасны тӧдны Менӧ, – висьталӧ Господь. – Ме прӧстита налысь лёк вӧчӧмсӧ, налысь мыжъяссӧ водзӧ ог нин казьтыв».

Лыд 12:11

Аарон шуис Мӧисейлы: «Ыджыдӧй, ми мыжмим. Эн мыжды миянӧс! Ми мывкыдтӧма вӧчим.

Матвей 27:4

да шуис налы: «Ме мыж вӧчи, мыжтӧм мортӧс вузалі». Найӧ вочавидзисны: «Миянлы нӧ мый? Ачыд ӧд тӧдін».

2 Коринфӧ 5:19

Исус Кристос пыр Енмыс бурӧдіс Аскӧдыс став йӧзсӧ да оз нин лыддьы найӧс мыжаӧн. Енмыс сетіс миянлы бурасьӧмыс йылысь кывсӧ.

Ӧксыяслӧн 1 небӧг 22:15

Ме збыльысь кори Енмӧс туйдӧдны Давидӧс, кыдзи и водзынджык вӧчлі. Ӧксыӧй, эн мыжды менӧ, ассьыд кесйӧгтӧ, да менсьым рӧдвужӧс. Ме, тэнад кесйӧг, збыльысь нинӧм эг тӧд тэныд паныд кыпӧдчӧм йылысь».

Ӧксыяслӧн 1 небӧг 25:25

Ыджыдӧй, эн босьт сьӧлӧмад Наваллысь кывъяссӧ, ӧд сійӧ лёк морт. Навал нимыс сылы бура лӧсялӧ, сійӧ збыльысь вежӧртӧм. А ме, тэнад кесйӧг, эг аддзыв тэнсьыд волысь кесйӧгъястӧ.

Ӧксыяслӧн 1 небӧг 26:21

Саул шуис: «Ме мыжа. Лок бӧр, Давид пиӧй. Ме сэсся ог кут вӧчны тэныд лёксӧ, ӧд тэ эн босьт менсьым олӧмӧс. Шогмытӧмтор ме вӧчи, нем думышттӧг».