Ӧксыяслӧн 2 небӧг 19:16 - Коми Библия 2023

¹⁶ Бахуримысь Венямин чужанкотырысь Герлӧн Шимей пиыс Иуда войтыркӧд тшӧтш тэрмасис вочаавны Давид ӧксыӧс.

Ӧксыяслӧн 2 небӧг 19:16 ပူးပေါင်းရင်းမြစ်များ

Ӧксыяслӧн 2 небӧг 3:16

Мелкола бӧрся верӧсыс бӧрдігтырйи муніс Бахуримӧдз. Но Авенир тшӧктіс сылы бӧр бергӧдчыны гортас, и мӧдыс кывзысис.

Ӧксыяслӧн 3 небӧг 2:8

Тэ тӧдан тшӧтш Бахуримысь Венямин чужанкотырысь Герлысь Шимей писӧ. Сійӧ лёкӧдіс-ёрис менӧ, кор ме вӧлі муна Маханаимӧ. Но кор ме бӧр локті, сійӧ меным воча петіс Йӧрдан ю дорын, и сэки ме Господь водзын кыв сеті сылы, мый ог ви сійӧс.

Иов 2:4

Сӧтана воча шуис Господьлы: «Аслас вир-яй вӧсна мортыд сетас ставсӧ, мый сылӧн эм.

Матвей 5:25

Тэнӧ мыжалыськӧд бурась ӧдйӧджык, ёрдӧ вотӧдзыд на. Он кӧ вӧч тадзи, сійӧ сетас тэнӧ ёрдысьлы, ёрдысь сетас тэнӧ шыпурталы, сэсся тэнӧ йӧртасны дзескыдінӧ.

Ӧксыяслӧн 1 небӧг 10:8

Сэсся мун Галгалӧ. Ме локта сэтчӧ тэ дінӧ, мед вайны сотан да бурасян висьяс. Виччысь менӧ сэні сизим лун. Ме локта да висьтала, мый тэныд вӧчнысӧ».