Ӧксыяслӧн 2 небӧг 18:29 - Коми Библия 2023

²⁹ Ӧксы юаліс: «Ловъя-ӧ менам Авессалом пиӧй?» Ахимаас вочавидзис: «Ӧксыӧй-ыджыдӧй, кор тэнад Йоав кесйӧгыд мӧдӧдіс менӧ татчӧ, сылӧн йӧзыс вӧлі ёна шызьӧмаӧсь. А мый сэні вӧлі, ме ог тӧд».

Ӧксыяслӧн 2 небӧг 18:29 ပူးပေါင်းရင်းမြစ်များ

Ӧксыяслӧн 2 небӧг 18:22

Но Садоклӧн Ахимаас пиыс бара шыасис Йоав дінӧ: «Мый лоана, мед лоӧ, но лэдз менӧ мунны кушса морт бӧрся». Йоав шуис: «Мыйла тэныд муннысӧ, пиӧй? Тэ ӧд ӧксылы он бур юӧр ну».

Ӧксыяслӧн 2 небӧг 18:30

Ӧксы шуис Ахимааслы: «Вешйы да сулалышт эстӧні». Мӧдыс вешйис.

Ӧксыяслӧн 2 небӧг 18:32

Ӧксы юаліс кушса мортлысь: «Ловъя-ӧ менам Авессалом пиӧй?» Мӧдыс вочавидзис: «Ӧксыӧй-ыджыдӧй, тэныд паныд сувтысьясӧс да тэныд лёк вӧчысьясӧс мед суас сійӧ жӧ, мый суис тэнсьыд питӧ».

Ӧксыяслӧн 2 небӧг 20:9

Йоав юаліс Амессайлысь: «Кыдзи, вокӧй, олан-вылан?» Сэсся босьтіс веськыд кинас Амессайӧс тошкӧдыс, мед окыштны.

Ӧксыяслӧн 4 небӧг 4:26

Мун котӧрт сылы воча да юав, ставыс-ӧ сылӧн бур. Дзоньвидзаӧсь-ӧ верӧсыс да пиыс?» Ань вочавидзис кесйӧглы, мый ставыс бур.